________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
( સુખ-શાંતિનો ઉપાય
---શ્રી ગોવિંદભાઈ દરજી એક ધનવાન માણસને ધનનો અતિશય લોભ લાગ્યો. તેને રાત-દિવસ ધન જ દેખાતું પરંતુ અગાઉના દિવસો જેવું તેનું સુખ ગયું, શાંતિ ગઈ. તેની પત્ની ધર્મિષ્ઠ હતી. પતિને દુઃખી-અશાંત જોઈને તેને લાગી આવ્યું. તે ઉપાય માટે તેના કુળગુરુ પાસે ગઈ. કુળગુરુએ તેને તેના પતિને પોતાની પાસે લાવવાનું કહ્યું.
બીજે દિવસે તે સ્ત્રી તેના પતિને લઈને કુળગુરુ પાસે ગઈ. કુળગુરુએ એક કાચની શીશીમાં પાણી આપ્યું. એક દિવસમાં ચાર વખત ચાર ચાર પાણીનાં ટીપાં લેવાનાં અને ઈષ્ટદેવનું સ્મરણ કરવાનું સૂચવ્યું.
બંને ઘેર ગયાં. ધનવાન માણસે કુળગુરુનો આદેશ માથે ચડાવ્યો. તેની પત્ની તેમ કરાવવામાં કાળજી લેતી. દિવસમાં ચાર વખત ચાર ચાર પાણીના ટીપાં અને ઈષ્ટદેવનું સ્મરણ! દિવસ વીતતા લાગ્યા. પંદર દિવસ પૂરા થયા. - સોળમાં દિવસે બંને કુળગુરુ પાસે ગયા. કુળગુરુની સમીપ સ્થાન લીધું કુળગુરુએ જોયું તો ધનવાન માણસનો ચહેરો અગાઉ આવ્યા તે કરતાં પ્રસન્ન હતો. કુળગુરુએ ફરી પંદર દિવસ માટે શીશીમાં પાણી આપ્યું. બંને ઘેર ગયા. અગાઉની જેમ ધનવાન માણસમાં દિવસમાં ચાર વખત ચારચાર પાણીનાં ટીપાં લેતો અને પ્રભુનું નામ યાદ કરતો. તેના જીવનમાં અતિશય પરિવર્તન આવ્યું. તેને અગાઉના દિવસો જેવું સુખ અને શાંતિ મળવા લાગ્યાં.
| બીજા પંદર દિવસ પૂરા થવા આવ્યા. મહિનામાસમાં તો ધનવાન માણસમાં કેવો ફેરફાર ! ‘હવે તો કુળગુરુને મળવા જવાનું છે ત્યારે તેમને ચરણે ધન અર્પણ કરીશ’ એવું વિચારીને ધનવાન માણસ સમય થતાં કુળગુરુ પાસે ગયો. સાથે ખૂબ જ ધન લીધું! તેની સાથે તેની પત્ની પણ હતી. તેમણે કુલગુરુની પાસે જઈને સ્થાન લીધું. બાદ ધનવાન માણસ તેના કુળગુરુને ધન અર્પણ કરવા લાગ્યો.
કુળગુરુએ કહ્યું, ‘મારે ધન શું કામનું? એવું ધન લઈને મારે દુઃખી નથી થાવું. એ ધન ગરીબ-ગુરબા માટે વાપરજો. પશુ-પંખીઓ માટે ઘાસચારા-ચણના ઉપયોગમાં લેજો. તો તમને એ ધન સુખ અને શાંતિ આપશે. ધનવાન માણસ કુળગુરુના વચનો સાંભળી ભાવ-વિભોર થઈ ગયો ! તેની પત્નીની આંખમાં હર્ષાશ્રુ આવ્યા. તેણે વિનમ્રતાથી કુળગુરુને પૂછ્યું, ‘ગુરુજી, આપે પેલી કાચની શીશીમાં પાણી ભરીને અમને આપેલું એમાં એવું તે શું હતું?”
‘બેટા, કઈ જ નહિ, ફક્ત પાણી જ હતું પરંતુ તેનો દિવસમાં ચાર વખત ઉપયોગ કરવાના બહાના હેઠળ પ્રભુને યાદ કરાવવાનો હેતુ હતો!
પત્ની, પ્રસન્ન થઈ. તેનું માથું કુળગુરુના ખોળામાં નમી ગયું. ધનવાન માણસ પણ એ કુળગુરુને વંદી રહ્યો !
(દિવ્યધ્વનિ માસિકમાંથી સાભાર)
For Private And Personal Use Only
