________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
પરંતુ તેમણે લા અમુક ભાગ ધર્મ અને સમાજ કલ્યાણકારી કાર્યોમાં વાપરવા માંડ્યો. દાનથી શુદ્ધિ થાય છે એ સૂત્ર તેમણે પચાવી લીધેલું છે, એમના દાન કેળવણી અને આરોગ્ય તથા ધાર્મિક ક્ષેત્રોમાં ખાસ કરીને છે.
ધાર્મિક ક્ષેત્રે પણ તેઓ સારો એવો પૈસો વાપરે છે. હમણાં જ ભાવનગરના સરદારનગર જિનાલયની પ્રતિષ્ઠા પ્રસંગે તેમણે સારી એવી રકમ વાપરી લાભ લીધો છે.
તેઓ ખૂબ પ્રવૃત્તિશાળી હોવા છતાં સામાયિક, પ્રતિક્રમણ, દેવપૂજ વગેરે ધાર્મિક ક્રિયા નિયમિત હમેશા કરતા રહે છે.
તેમના પત્ની શ્રીમતી ભાનુમતી બહેન ખૂબ ધમં શ્રદ્ધાળુ, સાદા અને વિવેકશીલ છે. તેમના પુત્રો શ્રી મહેશભાઈ વગેરે પણ ધર્મના અનુરાગી છે.
હું શેઠશ્રી વાડીલાલભાઈને સ્વાસ્થ સહિત દીઘાયુષ્ય ઈચ્છું છું અને તેમના હૃદયમાં ધર્મ પ્રેમ અને સમાજ કલ્યાણની જ્યોત સદા જલતી રહે અને તેમના શુભ હસ્તે દિવસે દિવસે પુણ્યાનુબંધી શુભકાર્યો વિશેપ ને વિશેષ થતા રહે એવો આશીર્વાદ આપું છું.
ત્યારબાદ આત્માનંદ સભાના મંત્રી શ્રી હીરાલાલ ભાણજી શાહે સન્માન-પત્રનું વાંચન કર્યું હતું જે નીચે મુજબ છે – દાનવીર ધર્મપ્રેમી શેઠશ્રી વાડીલાલભાઈ ચત્રભુજ ગાંધી, જે પી
આપની ધર્મ પ્રત્યેની ઊંડી શ્રદ્ધા, સાધર્મિક બંધુઓની ઉન્નતિ માટેના તીવ્ર પ્રયાસ, અને સમાજ તથા દેશના કલ્યાણની શુભ ભાવના વગેરે ગુણેથી આકર્ષાઈ અમે આપને આ સન્માન-પત્ર અર્પણ કરવા પ્રેરાયા છીએ અને તે બદલ ગૌરવની લાગણી અનુભવીએ છીએ.
ધર્મપ્રિય સેવાભાવી અને સંસ્કારી કુટુંબમાં જન્મ પામીને આપે આપના પૂર્વજોના પુણ્યકાર્યોમાં સારી રીતે વધારો કરીને સમસ્ત સમાજમાં ગાંધી-પરિવારની કીર્તિ પ્રસરાવી છે.
આપના પૂજ્ય પિતાશ્રી પાલીતાણામાં શ્રી સિદ્ધક્ષેત્ર જૈન બાલાશ્રમની સ્થાપના અને વિકાસ પાછળ પુષ્કળ પરિશ્રમ કરી એક નમૂનેદાર સંસ્થા બનાવવામાં સહાયભૂત થયા હતા. પિતાના પગલે ચાલી આપે પણ જૈન તેમજ સાર્વજનિક સંસ્થાઓની સ્થાપના અને વિકાસમાં તન-મન-ધનથી અગ્રભાગ લીધેલ છે.
શહેર ભાવનગરમાં સામાન્ય અભ્યાસ કરી નાની ઉમ્મરેજ મુંબઈ જઈને છુટક કાપડના વેપારમાં આપે ઝંપલાવ્યું અને ભવ્ય પુરુષાર્થ અને ભારે વેપારી કુનેહના પરિણામે ઉત્તરોત્તર પ્રગતિ કરી આજે આપ ગ્રુપ ઓફ ઇન્ડસ્ટ્રીઝના કર્ણધાર બન્યા છે. કાપડ, રસાયણ અને આયાત-નિકાસ વ્યાપારમાં આપના માર્ગદર્શન નીચે કામ કરતા ઉદ્યોગ અને કંપનીઓએ બેંધપાત્ર પ્રગતિ કરી છે. આપના પુરુષાર્થને આ આખો ઇતિહાસ ભારે રોમાંચક અને સાહસપૂર્ણ છે.
આપની ઉપર નાની ઉમરથીજ મહાત્મા ગાંધીજીના વિચારોને પ્રભાવ પડ્યો હતો અને આપે સત્યાગ્રહ આંદોલનમાં ભાગ લીધો હતો. તે સમયે ખૂબ નફે આપ પરદેશી કાપડના વેચાણનો ધંધે ન કરવાની આ પ્રતિજ્ઞા લીધી હતી, અને રાષ્ટ્રીય પ્રવૃત્તિઓને પ્રોત્સાહન આપ્યું હતું. સ્વરાજ્ય મળ્યા પછી રાષ્ટ્રીય ક્ષેત્રે આપની સેવામાં સરકારે વિવિધ સમિતિમાં લીધી. મહારાષ્ટ્ર વિધાનસભામાં ચેમ્બર મતવિસ્તારમાંથી
[આત્માનંદ પ્રકાશ
For Private And Personal Use Only
