________________
- ક્ષમા દોષ વિના પણ ઠપકો આપે, ગુરુ તેને જે સહેતી, મૂલ્ય વિના મળતી મીઠાઈ, બુદ્ધિમાન કોણ ત્યાગે? ધન. ૩
બાળકની પ્રાપ્તિ માતા વિના થતી નથી. બાળકની પ્રસન્નતા, બાળકનું શારીરિક બંધારણ એ બધુંજ માતાને આભારી છે. ગર્ભવતી માતાની જેટલી વધુ કાળજી થાય, જેટલી | સારી કાળજી થાય, બાળક એટલો જ પ્રસન્ન, તેજસ્વી, ગુણવાન, શક્તિમાન બને. એમ અષ્ટપ્રવચન માતાની જેટલી વધુ સારી કાળજી થાય એટલું ચારિત્ર નિર્મળતમ બને ચારિત્ર પરિણામો વિશુદ્ધતમ બને.
જે મુમુક્ષુઓ મુમુક્ષુપણામાં અને કાચી દીક્ષાના પર્યાયમાં આઠ પ્રવચન માતાઓનું અણિશુદ્ધ પાલન કરવાનો સખત પુરુષાર્થ કરે છે, ગુરુજનો અને ગુરુભાઈઓ એને એ માટે વાત્સલ્ય ભરપૂર તાલીમ આપે છે, તે મુમુક્ષુનો ચારિત્ર પરિણામ અતિ ઉજ્જવળ કોટિનો હોય છે. એના મહાવ્રતો તેજસ્વી સૂર્ય જેવા આંખોને આંજી દેનારા બને છે. અષ્ટપ્રવચન માતાઓનું તલસ્પર્શી જ્ઞાન, પાલન માટેનો સખત પુરુષાર્થ, છેવટે નિરતિચાર પાલન... મુમુક્ષુ અવસ્થા અને કાચી દીક્ષાનો પર્યાય જો આ રીતે અષ્ટપ્રવચનમાતામય પસાર થાય તો માનવું કે આ તે ચારિત્રનો ખૂબજ સુંદર ગર્ભાવસ્થાકાળ પસાર થયો. હવે વડી દીક્ષા વખતે એ પાંચ મહાવ્રતો = ચારિત્ર જન્મ પામશે અને કરોડોના હૈયાને ધરપત આપનાર બનશે. ૨
પણ જે કમભાગીં આત્માઓ આ ગર્ભાવસ્થાકાળ નથી પામ્યા, અર્થાત્ મુમુક્ષુપણામાં રહ્યા તોય ગુરુઓ, ગુરુબેનોએ, ગુરુભાઈઓએ અષ્ટપ્રવચનમાતાનો કોઈ બોધ ન કરાવ્યો. કદાચ તે ગુરુઓ વગેરે જ એ બધુ જાણતા નહિ હોય. રે ! ક્યાંક એવું ય બને છે કે આઠ ર માતાના નામ પણ એ સંયમીઓને ન આવડે. રે ! આ કેવી કંગાલિયા ! દીકરો માતાનું નામ સુધ્ધા ય ભુલી જાય એ આ કળિયુગનું આશ્ચર્ય જ કહેવાય ને ? કળિયુગના કહેવાતા કપૂતોને પણ માતાનું નામ તો યાદ હોય છે. જ્યારે સંયમીને પોતાની આઠ માતાના નામની ય ખબર ન હોય તો ?
કદાચ ગુરુ-ગુરુભાઈ-બહેનો અષ્ટમાતાને જાણતા હશે, સારી રીતે ઓળખતા ય હશે, પણ જેમ કળિયુગના કપૂતો ન તો માતાને પગે લાગે કે ન તો એની કોઈ આમન્યા સાચવે. માતા પ્રત્યે ઉપેક્ષા, ધિક્કાર-તિરસ્કાર જ વરસાવે. એમ કલિકાલના પ્રભાવે કો'ક ગુરુ વગેરેને પણ અષ્ટમાતાની કિંમત વધુ ન લાગી હોય, એના પ્રત્યે બહુ આદર ન રહ્યો હોય અને એટલે જ મુમુક્ષુ-નૂતનદીક્ષિતને એ માતાના નામ પણ ન શીખવાડ્યા હોય એ શક્ય છે. વી
પણ એ કેવું મોટું દુર્ભાગ્ય એ મુમુક્ષુનું ! કે એને પોતાની સગી માતાઓના નામ પણ જાણવા ન મળ્યા, એના વિશેની કોઈ માહિતી ન મળી.
બસ !થોડા મહિના સાથે રહ્યો, સ્વભાવમેળ થઈ ગયો, અહીની જીવનપદ્ધતિ ફાવી ગઈ. અને શુભમુહૂર્તે દીક્ષા ય થઈ ગઈ.
વીર વીર વીર વીર વીર અષ્ટપ્રવચન માતા ૭ (૩) વીર વીર વીર વીર વીર
