________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૬૨
અશોક અને એના અભિલેખો
સાંભળવી, ને તિષ્યની વચ્ચે પણ દર ઉત્સવે એક જણે પણ સાંભળવી. એમ કરતાં તમે તેનું પાલન કરી શકશો. એ હેતુ માટે આ ધર્મલિપિ લખી (કોતરી) છે, જેથી નગર-વ્યાવહારકો (કે મહામાત્ર નાગરકો) શાશ્વત સમય યુકત રહે (ને) નગરજનને અકસ્માતું બંધન કે અકસ્માત હેરાનગતિ ન થાય. એ હેતુ માટે હું મહામાત્રને પાંચ પાંચ વર્ષે બહાર મોકલીશ, જે અ-કર્કશ, અ-ચંડ અને સરલ પ્રવૃત્તિવાળા હશે. આ હેતુ જાણીને તેઓ તેવું કરે છે, જેવું મારું અનુશાસન છે. ઉજજયિનીથી પણ કુમાર આ જ હેતુ માટે આવા જ વર્ગને બહાર મોકલશે ને ત્રણ વર્ષને ઓળંગાવશે નહિ. એવી જ રીતે તક્ષશિલાથી પણ. જ્યારે તે મહામાત્રો પ્રવાસે નીકળશે ત્યારે પોતાના કામને તજ્યા વગર આ પણ જાણશે ને તેથી પણ તેવું કરે છે (કરશે) કે જેવું રાજાનું અનુશાસન છે.
[દેવોના પ્રિયના વચનથી તસલીમાં કુમાર તથા મહામાત્રને કહેવાનું.–ધલી] || દેવોના પ્રિય આમ કહે છે–સમાપામાં મહામાત્રોને રાજવચનરૂપે કહેવાનું. –જગઢ].
હું જે કંઈ જોઉં (વિચારું) છું તે હું ઇચ્છું છું – શું?–કે હું તેનું કર્મ વડે પ્રતિપાદન કરું ને તેનો ઉપાયો વડે આરંભ કરું. આ બાબતનો મેં આને મુખ્ય ઉપાય માન્યો છે– તમારે વિશે અનુશાસન. સર્વ મનુષ્યો મારાં સંતાન છે. જેવી રીતે સંતાનો માટે ઇચ્છું છું – શું?–કે તેઓને હું ઐહલૌકિક તથા પારલૌકિક સર્વ હિત-સુખ વડે યુકત કરું, તેવી જ રીતે મારી ઇચ્છા સર્વ મનુષ્યો વિશે છે. અણજિતાયેલા સરહદીઓના (મનમાં) હોય કે રાજા અમારે વિશે કેવી ઇચ્છા રાખતા હશે. સરહદીઓ વિશે મારી આ જ ઇચ્છા છે તેઓ પાસે કે, રાજા આમ ઇચ્છે છે— મારા તરફ તેઓ ઉદ્વિગ્ન ન હો, મારામાં વિશ્વાસ રાખતા હો, તેઓ મારી પાસેથી સુખ જ મેળવે, દુ:ખ નહિ. ને તેઓ આમ પણ પામેકે સાંખી શકાય તેવું હશે (ત્યાં સુધી) રાજા આપણને સાંખી લેશે, જેથી મારા નિમિત્તે તેઓ ધર્મ આચરે ને આ લોક તથા પરલોક પામે. આ હેતુ માટે હું તમને અનુશાસન કરું છું. એ વડે હું ત્રણ-મુકત થઉં .) – તમને અનુશાસન કરીને (તથા) ઇચ્છા જણાવીને-જે મારી વૃતિ અને પ્રતિજ્ઞા છે તે અચળ છે. એ રીતે કરીને કર્મ આચરવું. ને તેઓને આશ્વાસન આપવું, જેથી તેઓ પામે – જેવા પિતા ( હોય), એવા અમારે રાજા છે. (તે) જેવી રીતે પોતાના પર અનુકંપા કરે છે તેવી રીતે અમારા પર અનુકંપા કરે છે. જેવાં સંતાન (હોય), તેવા અમે રાજાને છીએ. તમને અનુશાસન કરીને
For Private And Personal Use Only
