________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૭૦
અશોક અને એના અભિલેખા
બચાં પણ છ મહિનાનાં હોય ત્યાં સુધી. કૂકડાને ખસી કરવી નહિ. જીવવાળાં ફોતરાં બાળવા નહિ. અનર્થ માટે કે હિંસા માટે જંગલને બાળવું નહિ. જીવને જીવથી પોષવો નહિ. ત્રણ ચાતુર્માસી(ચાતુર્માસની પ્રથમ પૂર્ણિમા)ઓએ, પૌષી પૂર્ણમાસીએ, ત્રણ દિવસોએ – ચૌદમી, પંદરમી અને પહેલી તિથિએ (અને) ચોક્કસ રીતે દર ઉપેસથે (ઉપવાસે) મત્સ્યનો વધ કરવો નહિ, ને વિક્રય પણ કરવો નહિ. એ જ દિવસેમાં હસ્તિ-વનમાં (અને) માછીમારોના જળાશયમાં જે બીજા જીવ-સમુદાય હોય તેને હણવા નહિ. (દરેક) પક્ષની અષ્ટમીએ, ચતુર્દશીએ, પાંચદશીએ, તિષ્ય (પૂળે), પુનર્વસુએ, ત્રણ ચાતુર્માસીઓએ (અને) સારા દિવસે આખલાને ખસી કરવી નહિ. બકરે, ઘેટો, ડુક્કર અને જે બીજાને ખસી કરવામાં આવે છે તેને ખસી કરવી નહિ. તિબ્ધ (પુષ્ય), પુનર્વસુએ, ચાતુર્માસીએ અને ચાતુર્માસીના પક્ષ(પખવાડિયા)માં અશ્વને (અને) આખલાને ડામ દેવો નહિ. અભિષેકને છવીસ વર્ષ થયાં ત્યાં સુધીમાં મેં આ ગાળામાં પચીસ બંધન-મક્ષ (કેદીઓની મુકિત) કર્યા છે.
દેવોના પ્રિય પ્રિયદર્શી રાજા આમ કહે છે–અભિષેકને બાર વર્ષ થયાં ત્યારે મેં ધર્મલિપિ લખાવી લોકોના હિતસુખ માટે, જેથી તેનો લેપ ન કરનાર તે તે ધર્મવૃદ્ધિ પામે. આ રીતે લોકનું હિતસુખ (છે) એમ તપાસ રાખું છું, જેવી રીતે આ સગાઓમાં તેવી રીતે નજીકનાઓમાં તથા દૂરનાઓમાં–કોને શું સુખ પહોંચાડું એ હેતુથી હું તે પ્રમાણે વિધાન કરું છું. એવી જ રીતે સર્વ વર્ગોમાં તપાસ રાખું છું. સર્વ સંપ્રદાયોને પણ મેં પૂજ્યા છે, વિવિધ પૂજા વડે. પરંતુ જે આ જાતે પ્રત્યુપગમન છે, તેને મેં મુખ્ય માન્યું છે. અભિષેકને છવીસ વર્ષ થયાં ત્યારે મેં આ ધર્મલિપિ લખાવી (કોતરાવી) છે.
દેવોના પ્રિય પ્રિયદર્શી રાજા આમ કહે છે – ઘણો સમય થયો, જે રાજાઓ થયા તેઓએ આમ ઇચ્છેલું – કેવી રીતે લોકો ધર્મવૃદ્ધિ વડે વૃદ્ધિ પામે? પરંતુ લેકો અનુરૂપ ધર્મવૃદ્ધિ વડે વૃદ્ધિ પામ્યા નહિ.
આ બાબતમાં દેવોના પ્રિય પ્રિયદર્શી રાજા આમ કહે છે– મને આમ થયું– ઘણો સમય થયો, રાજાઓએ આમ ઇચ્છેલું કે કેવી રીતે લોકો અનુરૂપ ધર્મવૃદ્ધિ વડે વૃદ્ધિ પામે, પરંતુ લોકો અનુરૂપ ધર્મવૃદ્ધિ વડે વૃદ્ધિ પામ્યા નહિ. તો કયા(ઉપાય)થી લોકો (ધર્મને) અનુસરે? કયા(ઉપાય)થી અનુરૂપ ધર્મવૃદ્ધિ વડે વૃદ્ધિ પામે? કયા (ઉપાય)થી કેટલાકને ધર્મવૃદ્ધિ વડે અભ્યન્નતિ કરાવું?
For Private And Personal Use Only
