Antagadadasao and Anuttarovavaidasao

Author(s): Madhusudan Modi
Publisher: Gurjar Granth Ratna Karyalay

Page 292

132
पव्वयाओ सणियं सणियं पच्चोरुहंति । २ ता जेणेव समणे भगवं महावीरे तेणेव उवागच्छइ । २ चा समणं भगवं महावीरं वंदइ नमसइ । २ ता एवं वयासी । “एवं खलु देवाणुप्पियाणं अंतेवासी खंदए नामं अणगारे पगइभहए पगइविणीए पगइउवसंते पगइपयणुकोहमाणमायालोहे मिउमद्दवसंपण्णे भल्लीणे भए विणीए, से णं देवाणुप्पिएहिं अब्भणुण्णाए समाणे सयमेव पंच महव्वयाणि आरोवित्ता समणे य समणीओ य खामित्ता अम्हेहिं सद्धिं विउलं पव्वयं तं व निरवसेसं [जाव] आणुपुवीए कालगए । इमे य से आयारभंडए भंते :" गोयमे समणं भगवं महावीरं वंदइ नमसइ । २ ता एवं वयासी ! “ एवं खलु देवाणुप्पियाणं अंतेवासी खंदए नाम अणगारे कालमासे कालं किच्चा कहिं गए ? कहिं उववण्णे ?” “गोयमा !" इ समणे भगवं महावीरे भगवं गोयमं एवं वयासी “ एवं खलु गोयमा ! मम अंतवासी खंदए नामं अणगारे पगइभद्दए [ जाव ] से णं मए अब्भणुण्णाए समाणे सयमेव पंच महव्वयाइं आरुहेत्ता तं चेव सव्व अविसेसियं नेयव्वं नाव अलोइयपडिक्कंते समाहिपत्ते कालमासे कालं किच्चा अच्चुए कप्पे देवत्ताए उववण्णे। तत्थ णं अत्यंगइयाणं देवाणं बावीसं सागरोवमाई टिई पण्णत्ता । तत्थ णं खंदयस्स वि देवस्स बावीसं सागरोवमाइं ठिई पण्णत्ता"। " से णं भंते | खंदए देवे ताओ देवलोगाओ आउक्खएणं भवक्खएणं ठिईक्वएणं अणंतरं चयं चइत्ता कहिं गच्छिहिइ ? कहिं उववजिहिइ ?"। "गोयमा ! महाविदेहे वासे सिज्झिहिइ बुज्झिहिइ मुच्चिहिइ परिनिव्वाहिइ सव्वदुक्खाणमंतं करेहिए।" ॥ खंदओ समत्तो ॥
5. 6. उक्खे वओ i. e. the formal beginning as we had in the first अज्झयण, is to be introduced mutatis mutandis here.