Agam 42 mool 03 Dashvaikalik Sutra

Author(s): Shayyambhavsuri, Bhadrabahuswami, Agstisingh, Punyavijay
Publisher: Prakrit Granth Parishad

Page 209

णिज्जुत्ति-चुण्णिसंजुयं
[अट्ठमं आयारप्पणिहिअज्झयणं ऐसो दुविहो पणिधी सुद्धो जदि दोसु तस्स तेसिं च ।
एत्तो पसत्थमपसत्थलक्खणज्झत्थणिफण्णं ॥ १० ॥ २०४॥ ऐसो दुविहो पणिधी० अद्धगाधा । एसो इति जो अणंतरमुद्दिठ्ठो दुविहो [ पणिधी ] इंदिय-णोइंदियभेदेण सुद्धो निद्दोसो, जदिसद्दो नियमणे, दोसु अज्झप्प-बाहिरेसु इंदिय-णोइंदियगतो, जतिसद्दो सुति5 समाहितो सुद्धो तस्स इंदिय-कसायवयो, तेसिं इंदिय-नोइंदियाणं, चसद्देण उभयमभिसंबज्झति, उभतस्स वि एतस्स । एत्तो पसत्थमपसत्थ० गाधापच्छद्धं । एतातो चेव पुव्वपदरिसियाओ पसत्था-ऽपसत्थलक्षणमज्झत्थनिप्फण्णं सुभज्झवसाणस्स [पसत्थो, असुभज्झवसाणस्स ] अप्पसत्थो ॥१०॥ २०४॥ एवमज्झत्थनिप्फणं पसत्थ-ऽप्पसत्थलक्षणमज्झत्थनिप्फण्णमुपदिटुं । तत्थ अप्पसत्थं ताव
माया-गारवसहितो इंदिय-णोइंदिएहिं अपसस्थो।
धम्माए पसत्थो इंदिय-णोइंदियप्पणिधी ॥ ११ ॥ २०५ ॥ मायागारव० गाहा । मायाए पूयापत्तिहेतुं गारवेणं जितिंदियत्तणेणं परं परिभवमाणो भुत्त-भावितत्तं वा दाएंतो । एवं माया-गारवसहितो इढे सद्दे सुणेमाणो वि ण सुणेति एवमधियासेति; रूवाणि सविलासाणि पेक्खणकादीणि णावलोकेति; गंधे विलेवणाति णाऽऽरभते ण वा अँग्धातति; रसं सुरससंपण्णं ण भुंजति त्ति, पक्खा लिताणि सित्थाणि कणिकायो वा अब्भवहरति; फासेसु फरिसितो वि वेसिस्थिकादीहि णिब्वियारलिंगो अच्छति, 15 तेसु रागं ण भावेति, अणिढेसु क्रंदण-रोयण-हणण-विणासणातिसद्देसु विक्खोभं ण जाति । परमबीभच्छेसु विरूवेसु गंधेसु मड-कुधियादिसु ण णासिगावरोहं करेति, कडुगरसेसु ण मुहं विकूणेति, सीउण्ह-कसा-लउडादीहिं ण क्खोमं जाति, एवं तु पओसं ण जाति, एस इंदियप्पणिधी । णोइंदिएसु वि माया गारवसहित एव कुद्धो वि कोलिंग ण दरिसेति, माणमवि अप्पमाणं करेति, गारवेणेव तहाणिगूढभावो वि उज्जयमप्पाणं दरिसेति, लुद्धो वि बहुतरागमत्थपञ्चतमुप्पाएंतो लोभनिग्गहं कुणति । एवं सुप्पणिहितस्स वि भावदोसेण अप्पसत्थो भावप्पणिधी 20 संसारहेतुरेव । एस अप्पसत्थो भावप्पणिधी । पसत्थो पुण इमेण गाहापच्छद्धेण भण्णति-धम्मत्थाए पसत्थो० अद्धगाधा । जो धम्मनिमित्तं इंदिय-णोइंदियाण पणिधाणं करेति । जधा-सोइंदियप्पयारणिरोधो वा तप्पत्तेसुं वा राग-दोसविणिग्गहो, कोधोदयनिरोधो उदयप्पत्तस्स वा विफलीकरणं वा, एस पसत्यो पणिधी । अप्पणिधिरपणिधिजातीओ। धम्मत्थाए भवति पसत्थो, जधा-तित्थकराणं भगवंताणं तूर-णाडगातीपूयासदं सोऊण, उवणचणं वा विलासवतीहिं सुवण्णवत्थ-चामरादीहिं वा दट्टण, धूव-विलेवण-फुल्लेहिं वासाणि अग्घातिऊण, रसे फासोऽणुगतो,
१ एसा दुविधा पणिही सुद्धा जदि वृद्ध०॥ २ पत्तोय पसत्थ-ऽपसत्थल वृद्ध०॥ ३ "एसा दुविहा पणिही० अद्धगाधा । एसा इति इदाणिं जा भणिया। दुविधा णाम इंदियपणिधी णोइंदियपणिधी य। सुद्धा णाम अदोससंजुत्ता । जइसहो असंकिते अत्थे वट्टइ । जहा-जइ एवं भणेजा तो पसत्था पणिधी भवेज ति । दोसु नाम अभितरओ बाहिरओ य, इंदिय० णोइंदियपणिधी य व त्ति । तस्स नाम इंदियमंतस्स कसायमंतस्स य । तेसिं इंदियाणं । च त्ति चकारो समुच्चये । किं समुच्चिणइ ? जहा–'बाहिर-ऽभंतराहिं चिट्ठाहिं इंदिय-कसायमंतेण इंदिय-कसायाणं णिग्गहो पसत्थपणिही भण्णई' एवं समुच्चिणइ । इदाणिं पसत्यं अप्पसत्थं च लक्खणं अज्झत्थनिप्पन्न भवइ, तत्थ इमं गाहापच्छद्रं, तं जहा-एसोय पसत्थ-ऽपसत्थ० अद्धगाहा–दुविहं तित्थकरेहि भणियं, तं०-बाहिरं अभितरं च । जं अभितर एत्तो पणिधीए पसत्थं अप्पसत्थं च लक्खणनिष्कन्नं ति, निष्फर्ण णाम अज्झवसाणपं भवति, तं जहा-अपसत्थं पसत्थं च लक्खणं अज्झत्थनिष्फणं भवइ ॥” इति वृद्ध विवरणम् । “एसो० गाहा । व्याख्या--'एषः' अनन्तरोदितः 'द्विविधः प्रणिधिः इन्द्रिय-नोइन्द्रियलक्षणः 'शुद्धः' इति निर्दोषो भवति । यदि 'द्वयोः' बाह्या-ऽभ्यन्तरचेष्टयोः 'तस्य च' प्रणिधिमत इन्द्रियाणां कष याणी च निग्रहो भवति ततः शुद्धः प्रणिधिः, इतरथा त्वशुद्धः । एवमपि तत्वनी याऽभ्यन्तरैव चेटेह गरीयसीत्याह । अत एवमपि तत्त्वे 'प्रशस्तं' चारु तथा 'अप्रशस्तं' अचारु लक्षणं प्रणिधेः 'अध्यात्मनिष्पन्न अध्यवसानोद्गतमिति गाथार्थः ॥” इति हारि०वृत्तिः॥ ४ कषायवतः॥ ५वि पयस्स वि एतस्स मूलादर्श ॥ ६त्थाय प° वृद्ध० सा०॥ ७विकरण सुमूलादर्शे ॥ ८ आजिघ्रति ।। ९ अल्पमानम् ॥ १० भवति समत्थो मूलादर्श ॥ ११ वाताणि मूलादर्श ॥
Jain Education Intemational