Agam 42 mool 03 Dashvaikalik Sutra

Author(s): Shayyambhavsuri, Bhadrabahuswami, Agstisingh, Punyavijay
Publisher: Prakrit Granth Parishad

Page 245

णिज्जुत्ति-चुण्णिसंजुयं [णवमं विणयसमाहिअज्झयणं बितिओ उद्देसो ४७१. जे यावि चंडे भतिइढिगारवे, पिसुणे णरे साधस हीणपेसणे ।
अदिट्ठधम्मे विणए अकोविए, असंविभागी ण हु तस्स मोक्खो ॥ २२ ॥ ४७१. जे यावि० वृत्तम् । जे इति तधेव । चसद्दो समुच्चये। अपिसदो एवं संभावयति-दुलभमवि लभिऊण धम्मं एवं करेति चंडो कोधणो । मतिइड्ढिगारवे जो मतीए इड्ढिगारवमुबहति । पीतिसुण्णकारी 5 पिसुणो। रभसेणाकिच्चकारी साधसो। पेसणं जधाकालमुपपादयितुमसत्तो हीणपेसणो। अजाणतो अदिधम्मो। विणये जहोवदिटे अकोवितो अपंडितो । असंविभयणसीलो असंविभागी। एतस्स जहोववण्णितस्स ण हु तस्स मोक्खो ॥ २२ ॥ एवमविणयो मोक्खसाधणं ण भवतीति भणितं । जधा पुण विणयो मोक्खसाधणं भवति तमुपदिस्सति
४७२. निदेसवत्ती पुण जे गुरूणं, सुतऽत्थधम्मा विणए य कोविता। तरित्तु तोओधमिणं दुरुत्तरं, खवेत्तु कम्मं गतिमुत्तमं गत ॥ २३ ॥ त्ति बेमि ॥
॥ विणयसमाधीए बितिओ उद्देसओ सम्मत्तो॥ ४७२. निद्देसवत्ती पुण० वृत्तम् । निद्देसो आणा तम्मि वèति निद्देसवत्तिणो। पुणसद्दो विसेसणे । गुरूणं भणितं उवज्झायादीण वि अणुरूवो करणीयो । जे इति उद्देसो । गुरुणो आयरिया । सुतो अत्थधम्मो जेहि ते सुतत्थधम्मा, ते पुण गीतत्था । कोवितो पंडितो। विणये जधारिहप्पयोगे कोविता विणीतविणया। विणय15 फलेण तरित्तु तोओघमिणं दुरुत्तरं दवतरणेणं तियमभिसंबज्झति-तरओ तरणं तरितव्वं, तरतो पुरिसो, तरणं णावादि, तरियव्वं समुद्दादि । एवं भावे वि तरओ साधू, तरणं नाण-दसण-चरित्ताणि, तरियव्वो संसारसमुद्दो। अतो तरित्तु तोओघो संसार एव चातुरंतो तं । विणएणेव खवेत्तु नाणावरणादि कम्मं गतिमुत्तमं गता मोक्खगतिं । पुव्वं तरित्तु कधं पच्छा खवेत्तु कम्मं ? भण्णति-राग-दोस-मोहणीयसलिलसंपुण्णं बंधवादिसिणेहजातआसपाससमाचितं दुरुत्तरमविणीय-कातरपुरिसेहिं घरावासकिलेससमुदं निक्खमंता तरित्तु, ततो खवेत्तु 20 कम्ममिति ण विरुज्झति । गता इति कधमतीतकालो ? भण्णति-जधा गता तथा विदेहादिसु भण्णति । गमिस्संति य कम्मभूमिसु सावसेसकम्माणो सुहपरंपरएण तहेव । अहवा ण एत्थ संदेहो जे एवं विणीयविणी(ण)या गता एव ते ॥ २३ ॥ मि सद्दो जधा पुव्वं ॥
॥ विणयसमाधीए बितियो उद्देसओ समत्तो ॥१-२॥
१ मयाइढि"ख १॥२दीण जे०॥३ सुत्तऽत्थखं १-४॥४विणए अफो खं ४ । विणयम्मि को खं ४ अचू० वृद्ध० विना ॥ ५तरितु तोओधमिणं इति तरितु तोओघमिणं इति च पाठद्वयं अचू० । तरितु ते भोघमिणं खं २। तरितु ते ओहमिणं खं २ विना सर्वासु सूत्रप्रतिषु। तरंति (? तरित्तु) ते ओघमिणं वृद्ध०॥ ६ गयमुत्त खं ४॥ ७ “आह-पुब्धि खवित्त कम्ममिति वत्तब्वे कहं तरितु ते ओहमिणं दुरुत्तरं ति पुव्वं भणिय। आयरिओ आह-'पच्छादीवगो णाम एस तबंधो' त्ति काऊण न दोसो भवइ ।" इति वृद्धविवरणे पृ. ३१७॥