Agam 36 Chhed 03 Vyavahara Sutra Shwetambar

Author(s): Purnachandrasagar
Publisher: Jainanand Pustakalay

Page 43

पडिलोमा वा तत्थाणुलोमा ताव वंदेज्ज वा नमंसेज्ज वा सक्कारेज्ज वा सम्भाणेज्ज वा कल्लाणं मंगलं देवयं चेइयं पज्जुवा सेज्ज वा, तत्थ पडिलोमा अन्नयरेणं दंडेण वा अद्विणा वा जोत्तेण वा वेत्तेण वा कसेण वा काए आउडेज्जा वा ते सव्वे उप्पन्ने, सम्मं सहेज्जा खमेज्जा तिइक्खेज्जा अहियासेज्जा, जवमज्झण्णं चंदपडिमं पडिवन्नस्स अणगारस्स सुक्क पक्खस्स पाडिवए कप्पड़ एगा दत्ती भोयणस्स पडिगाहेत्तए एगा पाणस्स, सव्वेहिं दुप्पयचउप्पयाइएहिं आहारकंखीहिं सत्तेहिं पडिणियत्तेहिं अन्नायउञ्छं सुद्धोवहडं, कप्पड़ से एगस्स भुञ्जमाणस्स पडिगाहेत्तए, नो दोण्हं नो तिण्हं नो चउण्हं नो पञ्चण्हं नो गुव्विणीए नो बालवत्थाए नो दारगं पेज्जमाणीए, नो से कम्पइ अंतो एलुयस्स दोवि पाए साहद्ध दलमाणीए पडिगाहित्तए, नो० बाहिं एलुयस्स दोवि पाए साहटुदलमाणीए पडिगाहेत्तए, अह पुण एवं जाणेजाएगं पायं अंतो किच्चा एगं पायं बाहिं किच्चा एलुयं विक्खम्भइत्ता, एयाए एसणाए एसमाणे लभेज्जा आहारेज्जा, एयाए एसणाए एसमाणे नो लब्भेज्जा णो आहारेज्जा, बिइयाए से कप्पड़ दोण्णि दत्तीओ भोयणस्स पडिगाहेत्तए दोण्णि पाणस्स, कप्पड़ जाव नो आहारेज्जा, एवं तइयाए तिण्णि जाव पत्ररसीए पत्ररस, बहुलपक्खस्स पाडिवए कप्पंति चोद्दस जाव चोद्दसीए एक्का दत्ती भोयणस्स एक्का पाणगस्स सव्वेहिं दुपयचउप्पय जाव नो आहारेज्जा, अमावासाए से य अभत्तट्टे भवइ, एवं खलु एसा जवमज्झचंदपडिमा अहासुतं अहाकप्पं जाव अणुपालिया भवति ।१। वइरमज्झं णं चंदपडिमं पडिवन्नस्स अणगारस्स मासं० अहियासेज्जा, वइरमज्झं चंदपडिमं ॥ श्री व्यवहारसूत्रम् ॥ पू. सागरजी म. संशोधित
३२