Book Title: Agam 30B Chanda Vezzayam Sattamam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 8
________________ [61] [62] [63] [64] [65] [66] [67] पुव्विं परूविओ जिणवरेहिं विनओ अनंतनाणीहिं / सव्वासु कम्मभूमिसु निच्चं चिय मोक्खमग्गम्मि || जो विनओ तं नाणं जं नाणं सो उ वुच्चई विनओ / विणएणं लहइ नाणं नाणेण विजाणई विनयं / / सव्वो चरितसारो विणयम्मि पढिओ मणूसाणं / न ह विनयविप्पहीणं निग्गंथरिसी पसंसंति / / सुबहुस्सुओ वि जो खलु अविणीओ मंदसद्ध-संवेगो / नाराहेइ चरित्तं चरित्तभट्ठो भमइ जीवो / / थोवेण वि संतुट्ठो सुएण जो विनयकरणसंजुत्तो / पंचमहव्वयजुत्तो गुत्तो आराहओ होइ / / बहुयं पि सुयमहीयं किं काही विनयविप्पहीणस्स | अंधस्स जह पलिता दीवसयसहस्सकोडी वि / / विणयस्स गुणविसेसा एए मए वण्णिया समासेणं / नाणस्स गुणविसेसा ओहियकण्णा निसामेह / / न हु सुक्का नाउं जे नाणं जिणदेसियं महाविसयं / ते धन्ना जे पुरिसा नाणी य चरित्तमंता य / / सक्का सुएण नाउं उड्ढं च अहं च तिरियलोयं च | ससुराऽसुरं समणुयं सगरुल-भुयगं सगंधव्वं / / जाणंति बंध-मोक्खं जीवाऽजीवे य पुन्न-पावे य / आसव संवर निज्जर तो किर नाणं चरणहेउं / / नायाणं दोसाणं विवज्जणा सेवणा गुणाणं च / धम्मस्स साहणाइं दोन्नि वि किर नाणसिद्धाइं / / नाणी वि अवटुंतो गुणेसु दोसे य ते अवज्जिंतो | दोसाणं च न मुच्चइ तेसिं न वि ते गुणे लहइ / / नाणेण विणा करणं करणेण विणा न तारयं नाणं / भवसंसारसमुदं नाणी करणठिओ तरइ / / अस्संजमेण बद्धं अत्राणेण य भवेहिं बहएहिं / [68] [70] [71] [72] [73] [74] [दीपरत्नसागर-संशोधितः ..... 'आगम सूत्र 302 चंदावेज्झयं' Page 8Page Navigation
1 ... 6 7 8 9 10 11 12 13 14 15 16
