Book Title: Agam 27 Bhattaparinna Chauttham Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 7
________________ गाहा-६७ ? || [६७] सुद्धे सम्मत्ते अविरओऽवि अज्जेइ तित्थयरनाम । जह आगमेसिभद्दा हरिकुलपहु सेणिआईया ।। [६८] कल्लाणपरंपरयं लहंति जीवा विसुद्धसम्मत्ता । सम्मइंसणरयणं नऽग्धइ ससुराऽसुरे लोए ।। [६९] तेलुक्कस्स पहुतं लभ्रूणवि परिवडंति कालेणं । सम्मत्तं पुण लड़े अक्खयसुक्खं लहइ मोक्खं ।। [७०] अरिहंत सिद्ध चेइय पवयण आयरिय सव्वसाहूसुं । तिव्वं करेसु भत्तिं तिगरणसुद्धेण भावेणं ।। [७१] एगा वि सा समत्था जिनभत्ती दुग्गइं निवारे । दुलहाई लहावेठं आसिद्धिं परंपर सुहाई ।। [७२] विज्जा वि भत्तिमंतस्स सिद्धिमुवयाइ होइ फलया य । किं पुन निव्वुइविज्जा सिज्झिहिइ अभत्तिमंतस्स। [७३] तेसिं आराहणनायगाण न करिज्ज जो नरो भत्तिं । धणियं पि उज्जमंतो सालिं सो ऊसरे ववइ ।। [७४] बीएण विना सस्सं इच्छड़ सो वासमब्भएण विना । आराहण-मिच्छंतो आराहय-भत्तिमकरंतो ।। [७५] उत्तमकुलसंपत्तिं सुहनिप्फतिं च जिनभत्ती । मणियारसेट्ठीजीवस्स दडुरस्सेव रायगिहे ।। [७६] आराहणापुरस्सरमणन्न-हियओ विसुद्धलेसाओ | संसारक्खयकरणं तं मा मुंची नमुक्कारं ।। [७७] अरिहंतनमुक्कारो इक्कोऽवि हविज्ज जो मरणकाले । सो जिनवरेहिं दिट्ठो संसारूच्छेअण-समत्थो ।। [७८] मिठो किलिट्ठकम्मो नमो जिणाणं ति सुकयपणिहाणो । कमलदलक्खो जक्खो जाओ चोरो त्ति सूलिहओ ।। [७९] भाव नमुक्कार विवज्जियाई जीवेण अकयकरणाई । गहियाणि य मुक्काणि य अनंतसो दव्व-लिंगाई ।। [८०] आराहणापडागागहणे हत्थो भवे नमोक्कारो । तह सुगइमग्गगमने रह व्व जीवस्स अप्पडिहो ।। [८१] अन्नाणीऽवि य गोवो आराहिता मओ नमुक्कारं । चंपाए सेट्ठिसुओ सुदंसणो विस्सुओ जाओ ।। [८२] विज्जा जहा पिसायं सुठुवउत्ता करेइ पुरिसवसं । नाणं हिययपिसायं सुठ्ठ-वउत्तं तह करेइ ।। [८३] उवसमइ किण्हसप्पो जह मंतेण विहिणा पउत्तेणं । तह हियय किण्हसप्पो सुठुवउत्तेण नाणेणं ।। [दीपरत्नसागर-संशोधितः] [6] [२७|भतपरिणा]Page Navigation
1 ... 5 6 7 8 9 10 11 12 13
