Book Title: Agam 27 Bhattaparinna Chauttham Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 8
________________ गाहा-८४ ? || [८४] जह मक्कडओ खणमवि मज्झत्थो अच्छिउँ न सक्केइ । तह खणमवि मज्झत्थो विसएहिं विना न होइ मनो ।। [८५] तम्हा स उठ्ठिठमनो मनमक्कडओ जिनोवएसेणं । काउं सुत्तनिबद्धो रामेयव्यो सुहज्झाणे ।। [८६] सूई जहा ससुत्ता न नस्सई कयवरंमि पडिया वि ।। जीवोऽवि तह ससुत्तो न नस्सई गओ वि संसारे [८७] खंडसिलोगेहि जवो जइ ता मरणाउ रक्खिओ राया । पत्तो अ सुसामण्णं किं पुण जिनवुत्तसुतेणं [८८] अहवा चिलाइपुत्तो पत्तो नाणं तहाऽमरतं च । उवसम विवेग संवर पयसुमरणमित्त-सुयनाणो ।। [८९] परिहर छज्जीववहं सम्मं मनवयणकायजोगेहिं । जीवविसेसं नाउं जावज्जीवं पयत्तेणं ।। [९०] जह ते न पियं दुक्खं जाणिय एमेव सव्वजीवाणं । सव्वायरमुवउत्तो अत्तोवम्मेण कुणसु दयं ।। [९१] तुंगं न मंदराओ आगासाओ विसालयं नत्थि । जह तह जयंमि जाणसु धम्ममहिंसासमं नत्थि ।। [९२] सव्वे वि य संबंधा पत्ता जीवेण सव्वजीवेहिं । तो मारंतो जीवे मारइ संबंधिनो सव्वे ।। [९३] जीववहो अप्पवहो जीवदया अप्पणो दया होइ । ता सव्व जीव-हिंसा परिचत्ता अत्तकामेहिं ।। [९४] जावइयाई दुक्खाई हंति चउग्गइगयस्स जीवस्स । सव्वाइं ताई हिंसा-फलाई निठणं वियाणाहि || [९५] जंकिंचि सुहमुयारं पत्तणं पयइ सुंदरं जं च । आरुग्गं सोहग्गं तं तमहिंसाफलं सव्वं ।। [९६) पाणोऽवि पाडिहेरं पत्तो छूढोऽवि सुंसुमारदहे । एगेण वि एगदिनऽज्जिएणऽहिंसावयगुणेणं ।। [९७] परिहर असच्चवयणं सव्वंपि चठव्विहं पयत्तेणं । संजमवंता वि जओ भासादोसेण लिप्पंति ।। [९८] हासेण व लोहेण व कोहेण भएण वावि तमसच्चं । मा भणसु भणसु सच्चं जीवहियत्थं पसत्थमिणं [९९] विस्ससणिज्जो माया व होइ पुज्जो गुरूव्व लोयस्स | सयणु व्व सच्चवाई पुरिसो सव्वस्स होइ पिओ || [१००] होठ व जडी सिहंडी मुंडी वा वक्कली व नग्गो वा । लोए असच्चवाई भण्णइ पासंड-चंडालो [दीपरत्नसागर-संशोधितः] [7] [२७|भत्तपरिण्णा]Page Navigation
1 ... 6 7 8 9 10 11 12 13
