Book Title: Agam 27 Bhattaparinna Chauttham Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 6
________________ गाहा-५० [५०] इय वंदन-खामण गरिहणाहिं भवसयसमज्जियं कम्मं । उवनेइ खणेण खयं मियावई रायपत्ति व्व ।। [५१] अह तस्स महव्वयसुट्ठिअस्स जिनवयणभावियमइस्स । पच्चक्खायाहारस्स तिव्व संवेग-सुहयस्स ।। [५२] आराहणलाभाओ कयत्थमप्पाणयं मुणंतस्स । कलुसकलतरणलट्ठिं अनुसळिं देइ गणिवसहो ।। [५३] कुग्गहपरुढमूलं मूला उच्छिंद वच्छ ! मिच्छत्तं । __ भावेसु परमततं सम्मतं सुत्तनीईए ।। [५४] भत्तिं कुणसु तिव्वं गुणानुराएण वीयरायाणं । तह पंचनमुक्कारे पवयणसारे रइं कुणसु ।। [५५] सुविहियहियनिज्झाए सज्झाए उज्जुओ सया होसु । निच्चं पंच महव्वयरक्खं कुण आयपच्चक्खं [५६] उज्झसु नियाणसल्लं मोहमहल्लं सुकम्मनिस्सल्लं | ___ दमसु य मुनिंदसंदोह निदिए इंदियमयंदे ।। [५७) निव्वाणसुहावाए विइन्न निरयाइदारुणावाए | ____ हणसु कसायपिसाए विसयतिसाए सइसहाए || [५८] काले अपहप्पंते सामन्ने सावसेसिए इण्हिं । मोह-महारिउ-दारण-असिलठिं सुणसु अनुसठिं ।। [५९] संसारमूलबीयं मिच्छत्तं सव्वहा विवज्जेहि । सम्मतं दढचित्तो होसु नमुक्कारकुसलो य ।। [६०] मगतिण्हियाहिं तोयं मन्नति नरा जहा सतण्हाए । सोक्खाई कुहम्माओ तहेव मिच्छत्त मूढमनो ।। [६१] नवि तं करेइ अग्गी नेव विसं नेव किण्हसप्पो य । जं कुणइ महादोसं तिव्वं जीवस्स मिच्छत्तं [६२] पावइ इहेव वसनं तुरुमिणिदत्तुव्व दारूणं पुरिसो । मिच्छत्तमोहिअमनो साहुपओसाउ पावाओ ।। [६३] मा कासि तं पमायं सम्मत्ते सव्वक्खनासणए । जं सम्मत-पइट्ठाइं नाण-तव-विरिअ-चरणाई ।। [६४] भावानुराय पेमानुराय सुगुणानुरायरत्तो य । धम्मानुरायरत्तो य होसु जिनसासने निच्च ।। [६५] दंसणभट्ठो भट्ठो न ह भट्ठो होइ चरणपब्भट्ठो । दंसणमनुपत्तस्स ह परियडणं नत्थि संसारे ।। [६६) दंसणभट्ठो भट्ठो दंसणभट्ठस्स नत्थि निव्वाणं । सिज्झंति चरणरहिआ दंसणरहिआ न सिज्झंति ।। [दीपरत्नसागर-संशोधितः] [5] [२७|भतपरिणा]Page Navigation
1 ... 4 5 6 7 8 9 10 11 12 13
