Agam 27 Bhattaparinna Chauttham Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 10

गाहा-११८
? ||
[११८] वीसंभनिब्भरं पि ह उवयारपरं परूढपणयं पि ।
कयविप्पियं पियं झत्ति निति निहणं हयासाओ ।। [११९] रमणीयदंसणाओ सोमालंगीओ गुणनिबद्धाओ ।
नवमालइमालाओ हरंति हिययं महिलियाओ ।। [१२०] किं तु महिलाण तासिं दंसणसुंदेरजनियमोहाणं ।
आलिंगणमइरा देइ वज्झमालाण व विनासं ।। [१२१] रमणीण दंसणं चेव सुंदरं होऊ संगमसुहेण ।
____ गंधोच्चिय सुरहो मालईइ मलणं पुण विनासो ।। [१२२] साकेअपुराहिवई देवरई रज्जसोक्खपब्भट्ठो ।
पंगुलहेतुं छूढो बूढो य नईइ देवीए ।। [१२३] सोयसरी दुरियदरी कवडकुडी महिलिआ किलेसकरी ।
वइरविरोयणअरणी दुक्खखणी सुक्खपडिवक्खा ।। [१२४] अमुणियमण-परिकम्मो सम्म को नाम नासिङ तरइ ।
वम्महसरपसरोहे दिछिच्छोहे मयच्छीणं [१२५] घनमालाओ व दूरून्नमंतसुपओहराओ वड्दति ।
मोहविसं महिलाओ आलक्कविसं व पुरिसस्स ।। [१२६] परिहरसु तओ तासिं दिठिं दिट्ठीविसस्स व अहिस्स ।
जं रमणि-नयनबाणा चरितपाणे विनासेंति [१२७] महिलासंसग्गीए अग्गी इव जं च अप्पसारस्स ।
मयणं व मनो मुणिणोऽवि हंत सिग्घं चिअ विलाइ [१२८] जइ वि परिचत्तसंगो तवतन्यंगो तहा वि परिवडइ ।
महिलासंसग्गीए कोसाभवणूसिय व्व रिसी ।। [१२९] सिंगारतरंगाए विलासवेलाइ जोव्वणजलाए ।
पहसियफेणाए मुनी नारिनईए न बुड्डंति [१३०] विसयजलं मोहकलं विलासबिब्बोयजलयराइण्णं ।
मयमयरं उतिण्णा तारूण्णमहण्णवं धीरा ।। [१३१] अभिंतर-बाहिरए सव्वे गंथे तुमं विवज्जेहि ।
कयकारियऽनुमईहिं काय-मनो-वय जोगेहिं ।। [१३२] संगनिमित्तं मारेइ भणइ अलीयं करेइ चोरिक्कं |
सेवइ मेण मुच्छं अप्परिमाणं कुणइ जीवो ।। [१३३] संगो महाभयं जं विहेडिओ सावएण संतेणं ।
पुत्तेण हिए अत्थंमि मणिवई कुंचिएण जहा ।। [१३४] सव्वग्गंथविमुक्को सीईभूओ पसंतचित्तो य ।
जं पावइ मुत्तिसुहं न चक्कवट्टी वि तं लहइ ।।
? ||
[दीपरत्नसागर-संशोधितः
[9]
[२७|भतपरिणा]