Agam 05 Ang 05 Bhagvati Vyakhya Pragnapti Sutra Part 01 Shwetambar

Author(s): Purnachandrasagar
Publisher: Jainanand Pustakalay

Page 271

| उवज्झायपडिणीए थेरपडिणीए, गई णं भंते! पडुच्च कति पडिणीया पं० ?, गोयमा ! तओ पडिणीया पं० नं० - इहलोगपडिणीए | पर लोगपडिणीए दुहओलोगपडिणीए, समूहण्णं भंते! पडुच्च कति पडिणीया पं० ?, गोयमा ! तओ पडिणीया पं० तं० कुलपडिणीए गणपडिणीए संघपडिणीए, अणुकंपं पडुच्च पुच्छा, गोयमा ! तओ पडिणीया पं० तं० - तवस्सिपडिणीए गिलाणपडिणीए सेहपडिणीए, सुयण्णं भंते! पडुच्च पुच्छा, गोयमा ! तओ पडिणीया पं० तं० सुत्तपडिणीए अत्यपडिणीए तदुभयपडिणीए, भावं णं भंते! पडुच्च पुच्छा, गोयमा ! तओ पडिणीया पं० तं० -नाणपडिणीए दंसणपडिणीए चरितपडिणीए । ३३८ । कइविह णं भंते! ववहारे पं० ?, गोयमा ! पंचविहे ववहारे पं० तं० -आगमे सुत्तं आणा धारणा जीए, जहा से तत्थ आगमे सिया आगमेणं ववहारं पटुवेज्जा, गो य से तत्थ आगमे सिया जहा से तत्थ सुते सिया सुएणं ववहारं पटुवेज्जा, णो वा से तत्थ सुए सिया जहा से तत्थ आणा सिया आणाए ववहारं पटुवेज्जा, णो य से तत्थ आणा सिया जहा से तत्थ धारणा सिया धारणाए णं ववहारं पट्टवेज्जा, णो य से तत्थ धारणा सिया जहा से तत्थ जीए सिया जीएणं ववहारं पट्टवेज्जा, इच्चेएहिं पंचहिं ववहारं पट्टवेज्जा तं० - आगमेणं सुएणं आणाए धारणाए जीएणं, जहा २ से आगमे सुए आणा धारणा जीए तहा २ ववहारं पट्टवेज्जा, से किमाह ? भंते !, आगमबलिया समणा निग्गंथा, इच्चेतं पंचविहं ववहारं जया २ जहिं २ तथा २ तहिं २ अणिस्सिओ वस्सितं सम्मं ववहरमाणे समणे निग्गंथे आणाए आराहए भवड़ । ३३९। कइविहे णं भंते! बंधे पं०?, गोयमा ! दुविहे बंधे पं० नं० - ईरियावहियाबंधे य संपराइबंधे य, ईरियावहियण्णं भंते! कम्पं किं नेरइओ बंधइ तिरिक्खजोणिओ
॥ श्रीभगवती सूत्रं ॥
२५९
पू. सागरजी म. संशोधित