Agam 05 Ang 05 Bhagvati Vyakhya Pragnapti Sutra Part 01 Shwetambar

Author(s): Purnachandrasagar
Publisher: Jainanand Pustakalay

Page 291

सव्वबंधे से गं भंते ! ओरालियसरीरस्स किं बंधए अबंध० ?, गोयमा ! नो बंधए अबंधए, आहारगसरीरस्स एवं चेव, तेयगस्स// कम्मगस्स य जहेव ओरालिएणं समं भणियं तहेव भाणियव्वं जाव देसबंधए नो सव्वबंधए, जस्स णं भंते ! वेउब्वियसरीरस्स देसबंधे से णं भंते ! ओरालियसरीरस्स किं बंधए अबंधए ?, गोयमा ! नो बंधए अबंधए, एवं जहा सव्वबंधेणं भणियं तहेव देसबंधेणवि भाणियव्वं जाव कम्मगस्स, जस्सगं भंते ! आहारगसरीरस्स सव्वबंधे से णं भंते ! ओरालियसरीरस्स किं बंधए अबंधए?, गोयमा ! नोबंधए अबंधए, एवं वेचियस्सवि,तेयाकम्भाणं जहेवओरालिएणं समं भणियं तहेव भाणियव्वं, जस्सणं भंते ! आहारगसरीरस्स देसबंधे से णं भंते ! ओरालियसरीर० एवं जहा आहारगसरीरस्स सबबंधेणं भणियं तहा देसबंधेणवि भाणियव्वं जाव कम्मगस्स. जस्सणं भंते ! तेयासरीरस्स देसबंधे से णं भंते ! ओरालियसरीरस्स किं बंधए अबंधए ?, गोयमा ! बंधए वा अबंथर का, जइ बंधए किं देसबंधए सव्वबंधए?, गोयमा ! देसबंधए वा सव्वबंधए वा, वेब्वियसरीरस्स किं बंधए अबंधए ?, एवं चेव, एवं आहारगस्सवि, कम्मगसरीरस्त किं बंधए अवंधए ?, गोयमा ! बंधा नो अबंधए, जड़ बंधए किं देसबंधए सव्वबंधए ?, गोयमा ! देसबंधए नो/ सव्वबंधए, जस्सणं भंते ! कम्मगसरीरस्स देसबंधे से गं भंते ! ओरालियसरी२० जहा तेयगस्स वत्तव्वया भणिया तहा कम्मगस्सवि भाणियव्वा जावतेयासरीरस्स जाव देसबंधा नो सव्वबंधए ।३५० एएसिंणं भंते ! सव्वजीवाणं ओरालियवेवियआहारगतेयाकम्मासरीरगाणं देसबंधगाणंसव्वबंधगाणं अबंधगाणयकयरे २ जाव विसेसाहिया वा?, गोयमा सव्वत्थोवा जीवा आहारगसरीरस्स ॥ श्रीभगवती सूत्रं ॥
पू. सागरजी म. संशोधित