Page #1
--------------------------------------------------------------------------
________________
नमो नमो निम्मलदसणस्स
पू. आनंद-क्षमा-ललित-सुशील-सुधर्मसागर गुरुभ्यो नमः
अंतगडदसाओ-अहम अंगसुत्तं
मुनि दीपरत्नसागर
Date : //2012
Jain Aagam Online Series-8
Page #2
--------------------------------------------------------------------------
________________
गंथाणुक्कमो
कमको
अज्झयणं सुत्तं
वग्गो पढमो
गाहा | | अणुक्कमो पिढेको १-२
०२
१०
१-२
बीओ
७-९
४-७
१०-१४
तइओ चउत्थो
१५-१७
पंचमो
९-११
१८-२२
छट्ठो
१०
१६ ___ १३ __१०
सत्तमो
१२-१५ ६-७
१६- ८-९ १७-२७ १०-१२
२३-४० ४१-४५ ४६-६२
१५ २२ २३ ।
अट्ठमो
[दीपरत्नसागर संशोधितः]
[८-अंतगडदसाओ]
Page #3
--------------------------------------------------------------------------
________________
बालब्रह्मचारी श्री नेमिनाथाय नमः
नमो नमो निम्मलदंसणस्स
ॐ ह्रीं नमो पवयणस्स
८ अंतगडदसाओ - अट्ठमं अंगसुत्तं
• पढमो वग्गो •
[] १-१०-अज्झयणाणि ॥
[१] तेणं कालेणं तेणं समएणं चंपा नामं नयरी, पुन्नभद्दे चेइए-वण्णओ, तेण कालेणं तेणं समणं अज्जसुहम्मे समोसरिए परिसा निग्गया जाव पडिगया ।
तेणं कालेणं तेणं समएणं अज्जसुहम्मस्स अंतेवासी अज्जजंबू जाव पज्जुवासमाणे एवं वयासी- जइ णं भंते समणेणं भगवया महावीरेणं आदिकरेणं जाव संपत्तेणं सत्तमस्स अंगस्स उवासगदसाणं अयमट्ठे पन्नत्ते अट्ठमस्स णं भंते! अंगस्स अंतगडदसाणं समणेणं० जाव संपत्तेणं के अट्ठे पन्नत्ते ?
एवं खलु जंबू! समणेणं जाव संपत्तेणं अट्ठमस्स अंगस्स अंतगडदसाणं अट्ठ वग्गा पन्नत्ता, जइ णं भंते! समणेणं जाव संपत्तेणं अट्ठमस्स अंगस्स अंतगडदसाणं अट्ठ वग्गा पन्नत्ता पढमस्स णं भंते! वग्गस्स अंतगडदसाणं समणेणं जाव संपत्तेणं कइ अज्झयणा पन्नत्ता ?
एवं खलु जंबू! समणेणं जाव संपत्तेणं अट्ठमस्स अंगस्स अंतगडदसाणं पढमस्स वग्गस्स दस अज्झयणा पन्नत्ता [तं जहा ] ।
[२]
गोयम समुद्द सागर गंभीरे चेव होइ थिमिए य । अयले कंपिल्ले खलु अक्खोभ पसेणई विहू ।।
[३] जइ णं भंते! समणेणं भगवया महावीरेणं जाव संपत्तेणं अट्ठमस्स अंगस्स अंतगडदसाणं पढमस्स वग्गस्स दस अज्झयणा पन्नत्ता पढमस्स णं भंते! अज्झयणस्स अंतगडदसाणं समणेणं जाव संपत्तेणं के अट्ठे? पन्नत्ते,
एवं खलु जंबू! तेणं कालेणं तेणं समएणं बारवई नामं नयरी होत्था - दुवालस-जोयणायामा नवजोयणवित्थिण्णा धणवति - मइ - निम्मया चामीकर - पागारा नाणामणि- पंचवण्ण- कविसीसगमंडिया सुरम्मा अलकापुरि-संकासा पमुदिय-पक्कीलिया पच्चक्खं देवलोगभूया पासादीया दरिसणिज्जा अभिरुवा पडिरूवा । तीसे णं बारवईए नयरीए बहिया उत्तरपुरत्थिमे दिसीभाए एत्थ णं रेवयए नामं पव्वएहोत्था-वण्णओ, तत्थ णं रेवयए पव्वए नंदनवण्णे नामं उज्जाणे होत्था वण्णओ, सुरप्पिए नामं जक्खायतणे होत्था पोराणे०, से णं एगेणं वणसंडेणं, असोगवरपायवे,
तत्थ णं बारवईए नयरीए कण्हे नामं वासुदेवे राया परिवसइ महया रायवण्णओ, से णं तत्थ समुद्दविजयपामोक्खाणं दसण्हं दसाराणं- बलदेवपामोक्खाणं पंचण्हं महावीराणं पज्जुण्णपामोक्खाणं अद्धुट्ठाणं कुमारकोडीणं संबपामोक्खाणं सट्ठीए दुद्दंतसाहस्सीणं महासेणपामोक्खाणं छप्पन्नाए बलवसाहस्सीणं वीरसेणपामोक्खाणं एगवीसाए वीरसाहस्सीणं उग्गसेणपामोक्खाणं सोलसहं रायसाहस्सीणं रूप्पिणीपा- मोक्खाणं सोलसण्हं देवीसाहस्सीणं अनंगसेणापामोक्खाणं अणेगाणं गणियासाहस्सीणं, अण्णेसिं च बहूणं ईसर-जाव-सत्थवाहाणं बारावईए नयरीए अद्धभरहस्स य समत्थस्स आहेवच्चं जाव विहरइ । [दीपरत्नसागर संशोधितः ]
[2]
[८-अंतगडदसाओ]
Page #4
--------------------------------------------------------------------------
________________
तत्थ णं बारवईए नयरीए अंधगवण्ही नामं राया परिवसइ, महयाहिमवंत वण्णओ, तस्स
वग्गो-१, अज्झयणं - १-१०
णं अंधगवण्हिस्स रण्णो धारिणी नामं देवी होत्था वण्णओ, तए णं सा धारिणी देवी अण्णया कयाइ तंसि तारिसगंसि सयणिज्जंसि एवं जहा महब्बले ।
[४] सुमिणद्दंसण-कहणा जम्मं बालत्तणं कलाओ य । जोव्वण-पाणिग्गहणं कण्णा पासायभोगा य ||
[५] नवरं- गोयमो नामेणं अट्ठण्हं रायवरकण्णाणं एगदिवसेणं पाणिं गेण्हावेंति अट्ठट्ठओ दाओ, तेणं कालेणं तेणं समएणं अरहा अरिट्ठनेमी आदिकरे जाव विहरइ चउव्विहा देवा आगया कण्हे वि निग्गए, तए णं तस्स गोयमस्स कुमारस्स जहा - मेहे तहा निग्गए धम्मं सोच्चा जं नवरं देवाणुप्पिया! अम्मापियरो आपुच्छामि देवाणुप्पियाणं० एवं जहा - मेहे जाव अणगारे जाए जाव इणमेव निग्गंथं पावयणं पुरओ काउं विहरइ ।
तणं से गोयमे अण्णया कयाइ अरहओ अरिट्ठनेमिस्स तहारूवाणं थेराणं अंतिए सामाइयमाइयाइं एक्कारस अंगाइ अहिज्जइ अहिज्जित्ता बहूहिं चउत्थ- जाव भावेमाणे विहरइ, तए णं अरहा अरिट्ठनेमी अण्णया कयाइ बारवईओ नयरीओ नंदणवणाओ पडिणिक्खमइ बहिया जणवयविहारं विहरइ । तए णं से गोयमे अणगारे अण्णया कयाई जेणेव अरहा अरिट्ठनेमी तेणेव उवागच्छइ उवागच्छित्ता अरहं अरिट्ठनेमिं तिक्खुत्तो आयाहिण-पयाहिणं करेइ० एवं वयासी- इच्छामि णं भंते! तुब्भेहिं अब्भणुण्णाए समाणे मासियं भिक्खुपडिमं उवसंपज्जित्ता णं विहरित्तए, एवं जहा खंदओ तहा बारस भिक्खुपडिमाओ फासेइ, गुणरयणं पि तवोकम्मं तहेव फासेइ निरवसेसं जहा - खंदओ तहा चिंतेइ ता आपुच्छइ तहा थेरेहिं सद्धिं सेत्तुंजं दुरूहइ, मासियाए संलेहणाए, बारस वरिसाइं परिताते जाव सिद्धे ।
[६] एवं खलु जंबू! समणेणं जाव संपत्तेणं अट्ठमस्स अंगस्स अंतगडद-साणं पढमस्स वग्गस्स पढमस्स अज्झयणस्स अयमट्ठे पन्नत्ते, एवं जहा गोयमो तहा सेसा अंधगवण्ही पिया, धारिणी माया, समुद्दे सागरे थिमिए गंभीरे अयले कंपिल्ले अक्खोभे पसेणई विण्हू एए एगगमा ।
• पढमे वग्गे दस अज्झयणाणि समत्तानि • () पढमो वग्गो समत्तो ()
o
• मुनि दीपरत्नसागरेण संशोधितः सम्पादित्तश्च पढमो वग्गो समत्तो
• बीओ - वग्गो
[] १-८-अज्झयणाणि
०
[दीपरत्नसागर संशोधितः ]
०
[७] जइ० दोच्चस्स वग्गस्स उक्खेवओ,
तेणं काणं तेणं समएणं बारवई नामं नयरी, होत्था, अंधगवण्ही पिया, धारिणी माया ।
[८] अक्खोभ सागरे खलु समुद्द हिमवंत अचलनामे य ।
धरणेय पूरणेय अभिचंदे चेव अम ||
[९] जहा- पढमो वग्गो तहा सव्वे अट्ठ अज्झयणा, गुणरयणं तवोकम्मं सोलस वासाइं परियाओ सेत्तुंजे मासियाए संलेहणाए सिद्धा ।
• बीओ वग्गो समत्तो समत्तो •
[3]
[८-अंतगडदसाओ]
Page #5
--------------------------------------------------------------------------
________________
मुनि दीपरत्नसागरेण संशोधितः सम्पादित्तश्च बीओ वग्गो समत्तो • वग्गो-३, अज्झयणं-१,
०
तडओ वग्गो •
[] पढमं अज्झयणं- अणीयसे
O
[१०] जइ तच्चस्स उक्खेवतो०
एवं खलु जंबू! अट्ठमस्स अंगस्स अंतगडदसाणं तच्चस्स वग्गस्स तेरस अज्झयणा पन्नत्ता तं जहा- अणीयसे अणंतसेणे विऊ देवेसेणं सत्तुसेणे सारणे गए सुमुहे दुम्मुहे कूवए दाए अणादिट्ठी,
जइ णं भंते! समणेणं भगवया महावीरेणं अट्ठमस्स अंगस्स अंतगडदसाणं तच्चस्स वग्गस्स तेरस अज्झणा पन्नत्ता, पढमस्स णं भंते! अज्झयणस्स अंतगडदसाणं के अट्ठे पन्नत्ते ?,
एवं खलु जंबू! तेणं कालेणं तेणं समएणं भद्दिलपुरे नामं नगरे होत्था वण्णओ, तस्स भद्दिलपुरस्स उत्तरपुत्थिमे दिसीभाए सिरिवणे नामं उज्जाणे होत्था- वण्णओ, जियसत्तू राया, तत्थ णं भद्दिलपुरे नयरे नागे नामं गाहावई होत्था - अड्ढे जाव अपरिभूए, तस्स णं नागस्स गाहावइस्स सुलसा नामं भारिया होत्था सूमाला जाव सुरूवा ।
तस्स णं नागस्स गाहावइस्स पुत्ते सुलसाए भारियाए अत्तए अणीयसे नामं कुमारे होत्थासूमाले जाव सुरूवे, पंचधाइपरिक्खत्ते तं जहा- दढपइण्णे जाव गिरिकंदरमल्लीणे० सुहंसुहेणं परिवड्ढड् तए णं तं अणीयसं कुमारं सातिरेग अट्ठवासजायं जाणित्ता अम्मापियरो कलायरियस्स उवर्णेति जाव भोग-समत्थे जाए यावि होत्था, तए णं तं अणीयसं कुमारं उम्मुक्कबालभावं जाणित्ता अम्मापियरो सरिसियाणं जाव बत्तीसाए इब्भवरकण्णगाणं एगदिवसेणं पाणिं गेण्हावेंति ।
तए णं नागे गाहावई अणीयसस्स कुमारस्स इमं एयारूवं पीइदाणं दलयइ तं जहाबत्तीस हिरण्णकोडीओ जहा- महब्बलस्स जाव उप्पिं पासायवरगए फुट्टमाणेहिं० विहरइ ।
तेणं कालेणं तेणं समएणं अरहा अरिट्ठनेमी जाव समोसढे, सिरिवणे उज्जाणे जहा जाव विहरइ, परिसा निग्गया, तए णं तस्स अणीयसस्स कुमारस्स तं महा जहा - गोयमे तहा नवरं - सामाइयमाइयाइं चोद्दस पुव्वाइं अहिज्जइ, वीसं वासाइं परियाओ, सेसं तहेव जाव सेत्तुंजे पव्व मासिया संलेहणाए जाव सिद्धे ।
एवं खलुं जंबू! समणेणं भगवया महावीरेणं अट्ठमस्स अंगस्स अंतगडदसाणं तच्चस्स वग्गस्स पढमस्स अज्झयणस्स अयमट्ठे पन्नत्ते ।
• तइए वग्गे पढमं अज्झयणं समत्तं •
[दीपरत्नसागर संशोधितः]
[] २-६- अज्झयणाणि
[११] एवं जहा अणीयसे एवं सेसा वि अनंतसेणो जाव सतुसेणे अज्झयणा एक्कगमा बत्तीसओ दाओ वीसं वासा परियाओ चोद्दस पुव्वा सेत्तुंजे सिद्धा ।
• तइए वग्गे २-६ अज्झयणाणि समत्तानि •
[ सत्तमं अज्झयणं सारणे
[4]
[८-अंतगडदसाओ]
Page #6
--------------------------------------------------------------------------
________________
[१२] तेणं कालेणं तेणं समएणं बारवईए नयरीए जहा- पढमे, नवरं वसुदेवे राया, धारणी
वग्गो-३, अज्झयणं - ७,
देवी, सीहो सुमिणे, सारणे कुमारे, पन्नासओ दाओ, चोद्दस पुव्वा, वीसं वासा परियाओ, सेसं जहागोयमस्स जाव सेत्तुंजे सिद्धे ।
• तइए वग्गे सत्तमं अज्झयणं समत्तं • [] अट्ठमं अज्झयणं- गए [
[१३] जइ उक्खेवओ अट्ठमस्स, एवं खलु जंबू ! तेणं कालेणं तेणं समएणं समणं बाई नयरीए जहा- पढमे जाव अरहा अरिट्ठनेमी समोसढे । तेणं कालेणं तेणं समएणं अरहओ अरिट्ठनेमिस्स अंतेवासी छ अणगारा भायरो सहोदरा होत्था- सरिसया सरित्तया सरिव्वया नीलुप्पल-गवल-गुलियअयसिकुसुमप्पगासा सिरिवच्छंकिय-वच्छा कुसुम-कुंडलभद्दलया नलकूबर समाणा ।
तणं ते छ अणगारा जं चेव दिवस मुंडा भवित्ता अगाराओ अमगारियं पव्वइया तं चेव दिवसं अरहं अरिट्ठनेमिं वंदति नमंसंति वंदित्ता नमंसित्ता एवं वयासी- इच्छामो णं भंते! तुब्भेहिं अब्भणुणाया समाणा जावज्जीवाए छट्ठछद्वेणं अणिक्खित्तेणं तवोकम्मेणं संजमेणं तवसा अप्पाणं भावेमाणा विहरित्तए, अहासुहं देवाणुप्पिया! मा पडिबंधं करे ।
तए णं ते छ अणगारा अरहया अरिट्ठनेमिणा अब्भणुण्णाया समाणा जावज्जीवाए छट्ठेछट्टेणं जाव विहरंति, तए णं ते छ अणगारा अण्णया कयाई छट्ठक्खमणपारणयंसि पढमाए पोरिसीए सज्झायं करेंति जह गोयमो जाव इच्छामो णं भंते छट्ठक्खमणस्स पारणए तुब्भेहिं अब्भणुण्णाया समाणा तिहिं संघाडएहिं बारवईए नयरीए जाव अडित्तए, अहासु
तए णं ते छ अणगारा अरहया अरिट्ठनेमिणा अब्भणुण्णाया समाणा अरहं अरिट्ठनेमिं वंदंति नम॑संति वंदित्ता नमंसित्ता अरहओ अरिट्ठनेमि अंतियाओ सहसंबंवणाओ पडिनिकखमंति पडिनिक्खमित्ता तिहिं संघाडएहिं अतुरियं जाव अडंति, तत्थ णं एगे संघाइए बारवईए नयरीए उच्च-नीय-मज्झिमाई कुलाई घरसमुदाणस्स मिक्खायरियाए अडमाणे अडमाणे वसुदेवस्स रण्णो देवईए देवीए गेहे अनुप्पविट्ठे, त सा देवई देवी ते अणगारे एज्जमाणे पासइ-पासित्ता हट्ठ-जाव हियया आसणाओ अब्भुट्ठेइ अब्भुट्ठेत्ता सत्तट्ठ पदाइं नुगच्छइ तिक्खुत्तो आयाहिण पयाहिणं करेइ करेत्ता वंदइ नमंसइ वंदित्ता नमंसित्ता जेणेव भत्तघरए तेणेव उवागया सीहकेसराणं मोयगाणं थालं भरेइ ते अणगारे पडिलाभेइ वंदइ नमंसइ वंदित्ता नमंसित्ता पडिविसज्जेइ तयाणंतरं च णं दोच्चे संघाइए बारवईए उच्च जाव पडिविसज्जेइ,
तयाणंतरं च णं तच्चे संधाइए बारवईए नगरीए जाव पडिलाभेइ पडिलाभेत्ता एवं वयासीकिण्णं देवाणुप्पिया! कण्हस्स वासुदेस्स इमीसे बारवईए नयरीए नवजोयणवित्थिण्णाए जाव पच्चक्ख देवलोगभूयाए समणा निग्गंथा उच्च-नीय जाव अडमाणा भत्तपाणं नो लभंति जण्णं ताइं चेव कुलाई भत्तपाणाए भुज्जो-भुज्जो अनुप्पविसंति? |
तए णं ते अणगारा देवई देविं एवं वयासी - नो खलु देवाणुपुप्पिया! कण्हस्स वासुदेवस्स इमीसे बारवईए नयरीए जाव देवलोगभ्याए समणा निग्गथा उच्च-नीय जाव अडमाणा भत्तपाणं नो लभंति नो चेव णंताइं ताइं चेव कुलाई दोच्चं पि तच्चं पि भत्तपाणाए अनुपविसंति, एवं खलु देवाणुप्पिए!
[दीपरत्नसागर संशोधितः ]
[5]
[८-अंतगडदसाओ]
Page #7
--------------------------------------------------------------------------
________________
अम्हे भद्दिलपुरे नगरे नागस्स गाहावइस्स पुत्ता सुलसाए भारियाए अत्तया छ भायरो सहोदरा सरिसया
जाव नल
वग्गो-३, अज्झयणं-८
कूबर-समाणा अरहओ अरिट्ठनेमिस्स अंतिए धम्मं सोच्चा संसारभउव्विग्गा भीया जम्मणमरणाणं मुंडा जाव पव्वइया ।
तणं अम्हे जं चेव दिवसं पव्वइआ तं चेव दिवसं अरह अरिट्ठनेमिं वंदामो नमसामो इमं एयारूवं अभिग्गहं अभिगिण्हामो इच्छामो णं भंते! तुब्भेहिं अब्भणुण्णाया समाणा जाव अहासुहं०, तए णं अम्हे अरहया अरिट्ठनेमिणा अब्भणुण्णाया समाणा जावज्जीवाए छछद्वेणं जाव विहरामो, तं अम्हे अज्ज छट्ठक्खमणपारणयंसि पढमाए पोरिसीए सज्झायं करेत्ता जाव अडमाणा तव गेहं अनुप्पविट्ठा, तं नो खलु देवाणुप्पिए! ते चेव णं अम्हे, अम्हे णं अण्णे, देवइं देविं एवं वदंति वदित्ता जामेव दिसं पाउब्भूया तामेव दिसं पडिगया ।
तए णं तीसे देवईए देवीए अयमेयारूवे अज्झत्थिए चिंतिए पत्थिए मणोगए संकप्पे समुप्पण्णे-एवं खलु अहं पोलासपुरे नयरे अतिमुत्तेणं कुमारसमणेणं बालत्तणे वागरिआ-तुमण्णं देवाप्पिए अट्ठ पुत्ते पयाइस्ससि सरिसए जाव नलकूबर- समाणे नो चेव णं भरहे वासे अण्णाओ अम्मयाओ तारिसए पुत्ते पयाइस्संति तं णं मिच्छा इमं णं पच्चक्खमेव दिस्सइ-भरहे वासे अण्णाओ अम्मयाओ खलु एरिसए पुत्तो पयायाओ, तं गच्छामि णं अरहं अरिट्ठनेमिं वंदामि वंदित्ता इमं चणं एयारूवं वागरणं पुच्छिस्सामीत्ति कट्टु एवं संपेहेइ संपेहेत्ता कोडुंबियपुरिसे सद्दावेइ सद्दावेत्ता एवं वयासीधम्मियं जाणप्पवरं जाव उवट्ठवेंति, जहा- देवाणंदा जाव पज्जुवासइ, तए णं अरहा अरिट्ठनेमी देव देवि एवं वयासी-से नूणं तव देवई इमे छ अमगारे पासित्ता अयमेयारूवे अज्झत्थिए जाव समुप्पण्णे एवं खलु अहं पोलासपुरे नयरे अइमुत्तेणं कुमारसमणेणं बालत्तणे वागरिआ तं चेव जाव निग्गच्छित्ता मम अंतियं हव्वमागया से नूणं देवई अट्ठे समट्ठे ?, हंता अत्थि ।
एवं खलुं देवाणुप्पियए! तेणं कालेणं तेणं समएणं भद्दिलपुरे नयरे नागे नामं गाहावई परिवसइ-अड्ढे॰ तस्स णं नागस्स गाहावइस्स सुलसा नामं भारिया होत्था, तए णं सा सुलसा गाहावी बालत्तणे चेव नेमित्तिएणं वागरिया एस णं दारिया निंदू भविस्सइ, तए णं सा सुलसा बालप्पभिइ चेव हरिणेगमेसीभत्तया यावि होत्था हरि-नेगमेसिस्स पडिमं करेइ करेत्ता कल्लाकल्लिं ण्हाया जाव पायच्छित्ता उल्लपडसाडया महरिहं पुप्फच्चणं करेइ करेत्ता जण्णुपायपडिया पणामं करेइ करेत्ता तओ पच्छा आहारेइ वा नीहारेइ वरति वा, तए णं तीसे सुलसाए गाहावइणीए भत्तिबहुमाणसुस्सूसाए हरिनेगमेसी देवे आराहिए यावि होत्था ।
तणं से हरिनेगमेसी देवे सुलसाए गाहावइणीए अनुकंपणट्टयाए सुलसं गाहावइणिं तुमं च दो वि समउउयाओ करेइ, तए णं तुब्भे दो वि सममेव गब्भे गिण्हइ सममेव गब्भे परिवहह सममेव दा पयायह, तए णं सा सुलसा गाहावइणी विणिहायमावण्णे दारए पयायइ, तए णं से हरिनेगमेसी देवे सुलसाए गाहावइणीए अनुकंपणट्टयाए विणिहायमावण्णे दारए करयल - संपुडेणं गेण्हइ गेण्हित्ता तव अंतियं साहरइ साहरित्ता तं समयं च णं तुमं पि नवहं मासाणं० सुकुमालदारए पसवसि जे वि य णं देवाणुप्पिए तव पुत्ता ते वि य तव अंतिआओ करयल संपुडेणं गेण्हइ गेण्हित्ता सुलसाए गाहावइणीए अंतिए साहरइ, तं तव चेव णं देवई एए पुत्ता नो सुलसाए गाहावइणीए ।
[दीपरत्नसागर संशोधितः]
[6]
[८-अंतगडदसाओ)
Page #8
--------------------------------------------------------------------------
________________
तए णं सा देवई देवी अरहओ अरिट्ठनेमिस्स अंतिए एयमहूँ सोच्चा निसम्म जाव-हियया अरहं अरिहनेमि वंदइ नमसइ वंदित्ता नमंसित्ता जेणेव ते छ अणगारा तेणेव उवागच्छइ उवागच्छित्ता
वग्गो-३, अज्झयणं-८
छप्पि अणगारा वंदइ नमसइ वंदित्ता नमंसित्ता आगयपण्हया पप्फुयलोयणा कंचयपरक्खित्तया दरियवलय-बाहा धाराहय-कलंब-प्प्फगं विव समूससिय-रोमकूवा ते छप्पि अणगारे अणिमिसाए दिट्ठीए पेहमाणी-पेहमाणी सुचिरं निरिक्खड़ निरिक्खित्ता वंदइ नमसइ वंदित्ता नमंसित्ता जेणेव अरहा अरिट्ठनेमी तेणेव उवागच्छइ उवागच्छित्ता अरहं अरिट्ठनेमिं तिक्खुत्तो आयाहिण-पयाहिणं करेइ जाव नमंसित्ता तमेव धम्मियं जाणप्पवरं दुरुहइ दुहित्ता जेणेव बारवई नयरी तेणेव उवागच्छद उवागच्छित्ता बारवई नयरिं अनप्पविसइ अनप्पविसित्ता जेणेव सए गिहे बाहिरिया उवट्ठाणसाला तेणेव उवागया धम्मयाओ जाणप्प-वराओ पच्चोरूहइ पच्चोरूहित्ता जेणेव सए वासधरे जेणेव सए सयणिज्जे तेणेव उवागया सयंसि सय-णिज्जंसि निसीयइ ।
तए णं तीसे देवईए देवीए अयं अज्झत्थिए चिंतिए पत्थिए मणोगए संकप्पे सम्प्पन्ने-एवं खल अहं सरिसए जाव नलकूबर-समाणे सत्त पत्ते पयाय, नो चेव णं मए एगस्स वि बालत्तणए समणुब्भूए, एस वि य णं कण्हे बालसुदेवे छह-छह मासाणं ममं अंतियं पायवंदए हव्वमागच्छइ, तं धण्णाओ णं ताओ अम्मयाओ० जासिं मण्णे नियग-कृच्छि-संभूतयाई थणदुद्ध-लुद्धयाई महर-समुल्लावयाई मम्मण-पंजपियाई थण मूल कक्खदेसभागं अभिसरमाणाई मुद्धयाई पुणो य कोमल-कमललोवमेहिं हत्थेहि गिहिऊण उच्छंग निवेसियाई देंति समुल्लावए सुमहरे पुणो-पुणो मंजुलप्पमणिए, अहं णं अधण्णा अपुण्णा अकयपन्ना अकयलक्खणा एत्तो एक्कतरमवि न पत्ता, ओहय जाव झियायइ ।
इमं च णं कण्हे वासुदेवे ण्हाए जाव विभूसिए, देवईए देवीए पायवंदए हव्वमागच्छइ ।
तए णं से कण्हे वासुदेवे देवई देविं पासइ पासित्ता देवईए देवीए पायग्गहणं करेइ करेत्ता देवि एवं वयासी-अण्णया णं अम्मो! तब्भे ममं पासेत्ता हद्वतुट्ठा जाव भवह, किण्णं अम्मो! अज्ज तब्भे ओहयमणसंकप्पा जाव झियायह?,
तए णं सा देवई देवी कण्हं वासुदेवं एवं वयासी-एवं खल अहं पत्ता! सरिसए जाव नलकूबर-समाणे सत्त पुत्ते पयाया नो चेव णं मए एगस्स वि बालत्तणे अनुब्भूए तुम पि य णं पुत्ता! छह-छहं मासाणं ममं अंतियं पायवंदए हव्वामागच्छसि तं धण्णाओ णं ताओ अम्मयाओ जाव झियामि
तए णं से कण्हे वासुदेवे देवई देविं एवं वयासी-मा णं तुब्भे अम्मो! ओहयमणसंकप्पा जाव झियायह अहण्णं तहा घईस्सामि जहा- णं ममं सहोदरे कणीयसे भाउए भविस्सति त्ति कट्ट देवइ देविं ताहिं इट्ठाहिं वग्गूहिं समासासेइ तओ पडिणिक्खमइ पडिणिक्खमित्ता जेणेव पोसहसाला तेणेव उवागच्छड़ उवागच्छित्ता जहा- अभओ नवरं हरिणेगमेसिस्स अट्ठम भत्तं पगेण्हइ जाव अंजलिं कट्ट एवं वयासी
इच्छामि णं देवाणुप्पिया! सहोदरं कणीयसं भाउयं विदिण्णं, तए णं से हरिनेगमेसी कण्हं वासुदेवं एवं वयासी- होहिइ णं देवाणप्पिया तव देवलोयचए सहोदरे कणीयसे भाउए से णं उम्मक्क जाव अणप्पत्ते अरहओ अरिहनेमिस्स अंतियं मुंडे जाव पव्वइस्सइ, कण्हं वासुदेवं दोच्चं पि तच्चं पि एवं वदइ वदित्ता जामेव दिसं पाउब्भूए तामेव दिसं पडिगए ।
[दीपरत्नसागर संशोधितः]
[7]
[८-अंतगडदसाओ]
Page #9
--------------------------------------------------------------------------
________________
तए णं से कण्हे वासुदेवे पोसहसालाओ पडिनिवत्तइ पडिनिवत्तित्ता जेणेव देवई देवी तेणेव उवागच्छड़ उवागच्छित्ता देवईए देवीए पायग्गहणं करेइ करेत्ता एवं वयासी-होहिए णं अम्मो! मम सहोदरे कणीयसे भाउए त्ति कट्ट देवई देविं ताहिं इट्ठाहिं जाव आसासेइ आसासेत्ता जामेव दिसं पाउब्भए तामेव दिसं पडिगए । वग्गो-३, अज्झयणं-८
तए णं सा देवई देवी अन्नया कयाइं तंसि तारिसगंसि वासघरंसि जाव: सीहं सुमिणे पासित्ता पडिबुद्धा जाव पाढया हद्दहियया परिवहइ ।
तए णं सा देवई देवी नवण्हं मासाणं जासुमण-रत्तबंधजीवय-लक्खारस-सरसपारिजातकतरुणदिवायर-समप्पभं सव्वणयणकंत-सुकुमालपाणिपायं जाव सुरूवं गयतालुसमाणं दारयं पयाया जम्मणं जहा- मेहकुमारे जाव जम्हा णं अम्हं इमे दारए गयतालुसमाणे तं होउ णं अम्हं एयस्स दारगस्स नामधेज्जे गयसकुमाले, तए णं तस्स दारगस्स अम्मापियरो नामं कयं-गयसकमालो त्ति सेसं जहा- मेहे जाव अलं भोगसमत्ते जाए यावि होत्था ।
तत्थ णं बारवईए नयरीए सोमिले नाम माहणे परिवसइ-अड्ढे रिउव्वेय जाव सुपरिणिहिए यावि होत्था, तस्स सोमिल-माहणस्स सोमसिरी नामं माहणी होत्था-सूकुमालपाणिपाया, तस्स णं सोमिलस्स धूता सोमसिरीए माहणीए अत्तया सोमा नाम दारिया होत्था, सोमाला जाव सुरूवा रूवेणं लावण्णेणं उक्किट्ठा उक्किट्ठसरीरा यावि होत्था, तए णं सा सोमा दारिया अण्णया कयाइ बहाया जाव विभूसिया बहहिं खुज्जाहिं जाव परिक्खित्ता सयाओ गिहाओ पडिणिक्खमइ पडिणिक्खमित्ता जेणेव रायमग्गे तेणेव उवागच्छड उवागच्छित्ता रायमगंसि कणगतिंदूसएणं कीलमाणी चिट्ठइ ।।
तेणं कालेणं तेणं समएणं अरहा अरिहनेमी समोसढे, परिसा निग्गया, तए णं से कण्हे वासुदेवे इमीसे कहाए लद्धढे समाणे पहाए जाव विभूसिए गयसकुमालेणं कुमारेणं सद्धिं हत्थिखंधवरगए सकोरेंटमल्लदामेणं छत्तेणं धरिज्जमाणेणं सेयवरचामराहिं उद्धृव्वमाणीहिं बारवईए नयरीए मज्झंमज्झेणं अरहओ अरिट्ठनेमिस्स पायवंदए निग्गच्छमाणे सोमं दारियं पासइ पासित्ता सोमाए दारियाए रूवेण य जोव्वणेण य लावण्णेण य जायविम्हए, कोइंबियपरिसे सद्दावेइ सद्दावेत्ता एवं वयासी-गच्छह णं तब्भे देवाणप्पिया० सोमिलं माहणं जायित्ता सोमं दारियं गेण्हह गेण्हित्ता कण्णंतेउरंसि पक्खिवह, तए णं से कण्हे एसा गयसुकुमालस्स कुमारस्स भारिया भविस्सइ, तए णं कोइंबियपरिसा तेव पक्खिवंति ।
तए णं से कण्हे वासुदेवे बारवईए नयरीए मज्झंमज्झेणं निग्गच्छइ निग्गच्छित्ता जेणेव सहसंबवणे उज्जाणे जाव पज्जुवासइ, तए णं अरहा अरिहनेमी कण्हस्स वासुदेवस्स गयसुकुमालस्स कुमारस्स तीसे य० धम्मकहाए कण्हे पडिगए ।
तए णं से गयसुकुमाले अरहओ अरिहनेमिस्स अंतिए धम्म सोच्चा जं नवरं अम्मापियरं आपुच्छामि जहा मेहो महेलियावज्जं जाव वढियकले, तए णं से कण्हे वासुदेवे इमीसे कहाए लद्धढे समाणे जेणेव गयसुकुमाले तेणेव उवागच्छइ उवागच्छित्ता गयसुकुमालं आलिंगइ आलिंगित्ता उच्छंगे निवेसेइ निवेसेत्ता एवं वयासी- तुमं णं ममं सहोदरे कणीयसे भाया तं मा णं तुं देवाणुप्पिया! इयाणिं रहओ मुंडे जाव पव्वायाहिं, अहण्णं तुमे बारवईए नयरीए महया-महया रायाभिसेएणं अभिसिंचिस्सामि, तए णं से गयसुकुमाले कण्हेणं वासुदेवेणं एवं वुत्ते समाणे तुसिणीए संचिट्ठइ ।
[दीपरत्नसागर संशोधितः]
[8]
[८-अंतगडदसाओ]
Page #10
--------------------------------------------------------------------------
________________
तए णं से गयसकुमाले कण्हं वासुदेवं अम्मापियरो य दोच्चं पि तच्चं पि एवं वयासी-एवं खलु देवाणुप्पिया! माणुस्सया कामभोगा खेलासवा जाव विप्पजहियज्जा भविस्संति, तं इच्छामि णं देवाणुप्पिया! तुब्भेहिं अब्भणुण्णाए समाणे अरहओ अरिडुनेमिस्स अंतिए जाव पव्वइत्तए ।
तए णं तं गयसुकुमालं कण्हे वासुदेवे अम्मापियरो जं जाहे नो संचाएइ बहुयाहिं अनुलोमाहि जाव आघवित्तए ताहे अकामाई चेव एवं वयासी-तं इच्छामो णं ते जाया! एगदिवसमवि रज्जसिरिं पासित्तए वग्गो-३, अज्झयणं-८
निक्खमणं जहा महाबलस्स जाव तमाणाते तहा तहा जाव संजमित्तते,
तए णं से गयसुकुमाले जं चेव दिवसं पव्वइए तस्सेव दिवसस्स पच्चावरण्हकालसमयंसि जेणेव अरहा अरिट्ठनेमी तेणेव उवागच्छद उवागच्छित्ता अरहं अरिहनेमिं तिक्खुत्तो आयाहिण-पयाहिणं करेइ करेत्ता वंदइ नमसइ वंदित्ता नमंसित्ता एवं वयासी- इच्छामि णं भंते! तब्भेहिं अब्भणण्णाए समाणे महाकालंसि सुसाणंसि एगराइयं महापडिमं उवसंपज्जित्ता णं विहरित्तए, अहासुहं देवाणुप्पिया! मा पडिबंध करेहि, तए णं से गयसकुमाले अमगारे अरहया अरिहनेमिणा अंतिए सहसंबवणाओ उज्जाणाओ पडिणिक्खमइ पडिणिक्खिमित्ता जेणेव महाकाले ससाणे तेणेव उवागए उवागच्छित्ता थंडिल्लं पडिलेहेइ पडिलेहित्ता उच्चारपासवणभूमि पडिलेहइ पडिलेहेत्ता ईसिपब्भारगएणं काएणं जाव दो वि पाए साहट्ट एगराई महापडिमं उवसंपज्जित्ता णं विहरइ ।
इमं च णं सोमिले माहणे सामिधेयस्स अट्ठाए बारवईओ नयरीओ बहिया पुव्वणिग्गए समिहाओ य दब्भे य कुसे य पत्तामोडं य गेण्हइ गेण्हित्ता तओ पडिणियत्तइ पडिणियत्तित्ता महाकालस्स सुसाणस्स अदूरसामंतेणं वीईवयमाणे-वीईवयमाणे संझाकालसमयंसि पविरलमणुस्संसि गयस्कुमालं अणगारं पासइ पासित्ता तं वेरं सरइ सरित्ता आसुरुत्ते रूढे कविए चंडिक्किए मिसिमिसेमाणे एवं वयासी-एस णं भो! से गयसकुमाले कुमारे अपत्थिय जाव परिवज्जिए जेणं मम धूयं सोमसिरीए भारियाए अत्तयं सोमं दारियं अदिट्ठदोसपत्तियं कालवत्तिणिं विप्पजहेत्ता मुंडे जाव पव्वइए तं सेयं खल मम गयसकुमालस्स कुमारस्स वेरनिज्जायणं करेत्तए
___एवं संपेहेइ संपेहेत्ता दिसापडिलेहणं करेइ करेत्ता सरसं मट्टियं गेण्हइ गेण्हित्ता जेणेव गयसकुमाले अणगारे तेणेव उवागच्छइ उवागच्छित्ता गयसुकुमालस्स अणगारस्स मत्थए मट्टियाए पालि बंधड़ बंधित्ता जलंतीओ चिययाओ फुल्लियकिंसुसमाणे खइरिंगाले कहल्लेणं गेण्हइ गेण्हित्ता गयसकुमालस्स अणगारस्स मत्थए पक्खिवइ पक्खिवित्ता भीए तत्थे तसिए उव्विग्गे संजायभए तओ खिप्पामेव अवक्कमइ अवक्कमित्ता जामेव दिसं पाउब्भूए तामेव दिसं पडिगए |
तए णं तस्स गयस्कमालस्स अणगारस्स सरीरयसि वेयणा पाउब्भूया- उज्जला जाव दुरहियासा, तए णं से गयसुकुमाले अणगारे सोमिलस्स माहणस्स मणसा वि अप्पदुस्समाणे तं उज्जलं जाव अहियासेइ, तए णं तस्स गयुसुकुमालस्स अणगारस्स तं उज्जलं जाव अहियासेमाणस्स सुभेणं परिणामेणं पसत्थज्झवसाणेणं तदावरणिज्जाणं कम्माणं खएणं कम्मरयविकिरणकरं अपव्वकरणं अनप्पविट्ठस्स अनंते अनुत्तरे जाव केवलवरनाणदंसणे सम्प्पन्ने, तओ पच्छा सिद्धे जाव सव्वदुक्खप्पहीणे, तत्थ णं अहासंनिहिएहिं देवेहिं सम्मं आराहिए त्ति कट्ठ दिव्वे सुरभिगंधोदए वुढे दसद्धवण्णे कुसुमे निवाडिए चेलक्खेवे कए दिव्वे य गीयगंधव्वणिणाए कए यावि होत्था ।
[दीपरत्नसागर संशोधितः]
[9]
[८-अंतगडदसाओ]
Page #11
--------------------------------------------------------------------------
________________
तणं से कण्हे वासुदेवे कल्लं पाउप्पभायाए जाव जलंते, ण्हाए जाव विभूसिए, हत्थिखंधवरगए सकोरेंट- मल्लदामेणं छत्तेणं धरेज्जमाणेणं सेयवर चामराहिं उद्धव्वमाणीहिं महया भडचडगरपहकर - वंद परिक्खित्ते बारवइं नयरिं मज्झंमज्झेणं जेणेव अरहा अरिट्ठनेमिं तेणेव पहारेत्थ गमणाए ।
तए णं से कण्हे वासुदेवे बारवईए नयरीए मज्झमज्झेणं निग्गच्छमाणे एक्कं पुरिसं जुण्णं जरा-उज्जरिय-देहं जाव किलंतं महइमहालयाओ इट्टगरासीओ एगमेगं इट्टगं गहाय बहिया रत्थापहाओ अंतोगिहं अनुप्पविसमाणं पासइ, तए णं से कण्हे वासुदेवे तस्स पुरिसस्स अनुकंपणट्ठाए हत्थिखंधवरगए वग्गो-३, अज्झयणं-८
चेव एगं इट्टगं गेण्हइ गेण्हित्त बहिया रत्थापहाओ अंतोगिहं अनुप्पवेसेइ, तए णं कण्हेणं वासुदेवेणं गा इट्टगाए गहियाए समाणीए अणेगेहिं पुरिससएहिं से महालए इट्टगस्स रासी बहिया रत्थापहाओ अंतोघरंसि अनुपसि ।
तणं से कहे वासुदेवे बारवईए नयरीए मज्झमज्झेणं निग्गच्छइ निग्गच्छित्ता जेणेव अरहा अरिट्ठनेमि तेणेव उवागए उवागच्छित्ता जाव वंदइ नंसइ वंदित्ता नमंसित्ता गयसुकुमालं अणगारं अपासमाणे अरहं अरिट्ठनेमिं वंदइ नमंसइ वंदित्ता नमंसित्ता एवं वयासी- कहि णं भंते! से ममं सहोदरे कणीयसे भाया गयसुकुमाले अमगारे जं णं अहं वंदामि नम॑सामि ।
तए णं अरहा अरिट्ठनेमी कण्हं वासुदेवं एवं वयासी- साहिए णं कण्हा! गयसुकुमालेणं अणगारेणं अप्पणो अट्ठे, तए णं से कण्हे वासुदेवे अरहं अरिट्ठनेमिं एवं वयासी- कहण्णं भंते! गयसूमा-लेणं अणगारेणं साहिए अप्पणो अट्ठे? तए णं अरहा अरिट्ठनेमी कण्हं वासुदेवं एवं वयासी एवं खलु कण्हा! गयसुकुमालेणं अणगारेणं ममं कल्लं पच्चावरण्हकालसमयंसि वंदइ नमसइ वंदित्ता नमंसित्ता एवं वयासी- इच्छामि णं भंते! जाव उवसंपज्जित्ता णं विहरइ तए णं तं गयसुकुमालं अणगारं एगे पुरिसे पासइ पासित्ता आसुरूत्ते जाव सिद्धे । तं एवं खलु कण्हा! गयसुकुमालेणं अणगारेणं साहिए अप्पणो अट्ठे, त णं से कण्हे वासुदेवे अरहं अरिट्ठनेमिं एवं वयासी केस णं भंते! से पुरिसे अपत्थियपत्थिए जाव परिवज्जिए जेणं ममं सहोदरं कणीयसं भायरं गयसुकुमालं अणगारं अकाले चेव जीवियाओ ववरोवेइ, तए णं अरहा अरिट्ठनेमी कण्हं वासुदेवं एवं वयासी- मा णं कण्हा! तुमं तस्स पुरिसस्स पदोसमावज्जाहि, एवं खलु कण्हा! तेणं पुरिसेणं गयसुकुमालस्स अणगारस्स साहिज्जे दिण्णे, कहण्णं भंते! तेणं पुरिसेणं गयसुकुमालस्स अणगारस्स साहिज्जे दिण्णे,
तए णं अरहा अरिट्ठनेमी कण्हं वासुदेवं एवं वयासी- से नूणं कण्हा ! तुमं ममं पायवंद हव्वागच्छमाणे बारवईए नयरीए एगं पुरिसं पाससि जाव अनुपवेसिए, जहा- णं कण्हा! तुमं तस्स पुरिसस्स साहिज्जे दिण्णे एवामेव कण्हा! तेणं पुरिसेणं गयसुकुमालस्स अणगारस्स अणेगभव-सयसहस्स-संचियं कम्मं उदीरेमाणेणं बहुकम्मणिज्जरत्थं साहिज्जे दिणे ।
तणं से कहे वासुदेवे अरहं अरिट्ठनेमिं एवं वयासी- से णं भंते! पुरिसे मए कहं जाणियव्वे? तए णं अरहा अरिट्ठनेमि कण्हं वासुदेवं एवं वयासी- जे णं कण्हा ! तुमं बारवईए नय अनुप्पविसमाणं पासेत्ता ठियए चेव ठिइभेएणं कालं करिस्सइ तण्णं तुमं जाणिज्जासि एसं णं से पुरिसे, तणं से कहे वासुदेवे अरहं अरिट्ठनेमिं वंदइ नमसइ वंदित्ता नेमंसित्ता जेणेव आभिसेयं हत्थिरयणं तेणेव उवागच्छड् उवागच्छित्ता हत्थिं दुरुहइ दुरुहित्ता जेणेव बारवई नयरी जेणेव सए गिहे तेणेव पहारेत्थ गमणाए ।
[ दीपरत्नसागर संशोधितः ]
[10]
[८-अंतगडदसाओ]
Page #12
--------------------------------------------------------------------------
________________
तणं तस्स सोमिलमाहणस्स कल्लं जाव जलते अयमेयारूवे अज्झत्थिए चिंतिए पत्थिए
मणोगए संकप्पे समुप्पन्ने - एवं खलु कण्हे वासुदेवे अरहं अरिट्ठनेमिं पायवंदए निग्गए तं नायमेयं अरहा विण्णायमेयं अरहया सुयमेयं अरहया सिमेयं अरहया भविस्सइ कण्हस्स वासुदेवस्स, तं न नज्जइ णं कण्हे वासुदेवे ममं केइ कुमारेणं मारिस्सइ त्ति कट्टु भीए तत्थे तसिए उव्विग्गे संजायभए सयाओ गिहाओ पडिणिक्खमइ, कण्हस्स वासुदेवस्स बारवइं नयरिं अनुप्पविसमाणस्स पुरओ सपक्खिं सपडिदिसं
हव्वमागए ।
वग्गो - ३, अज्झयणं-८
तए णं से सोमिले माहणे कण्हं वासुदेवं सहसा पासेत्ता भीए तत्थे तसि उत्विग्गे संजायभए ठियए चेव ठिइभेयं कालं करेइ धरणितलंसि सव्वंगेहि धस त्ति सण्णिवडिए, तए णं से कण्हे वासुदेवे सोमिलं माहणं पासइ पासित्ता एवं वयासी- एस णं भो देवाणुप्पिया! से सोमिले माहणे अपत्थियपत्थिए जाव परिवज्जिए जेणं ममं सहोयरे कणीयसे भायरे गयसुकुमाले अणगारे अकाले चेव जीवियाओ ववरोविए त्ति कट्टु सोमिलं माहणं पाणेहिं कड्ढावेइं कड्ढावेत्ता तं भूमिं पाणिएणं अब्भोक्खावेइ अब्भोक्खावेत्ता जेणेव सए गिहे तेणेव उवागए सयं गिहं अनुप्पविट्ठे, एवं खलु जंबू ! समणेणं भगवया महावीरेणं जाव संपत्तेणं अट्ठमस्स अंगस्स अंतगडदसाणं तच्चस्स वग्गस्स अट्ठमज्झयणस्स अयम पन्नत्ते
I
• तइए वग्गे अट्ठमं अज्झयणं समत्तं • [] ९ - १३ अज्झयणाणि
[१४] नवमस्स उ उक्खेवओ०
एवं खलुं जंबू! तेणं कालेणं तेणं समएणं बारवईए नयरीए जहा- पढमए जाव विहरइ, तत्थ णं बारवईए बलदेवे नामं राया होत्था - वण्णओ, तस्स णं बलदेवस्स रण्णो धारिणी नामं देवी होत्थावणओ, तए णं सा धारिणी० सीहं सुविणे पासित्ता णं पडिबुद्धा जहा- गोयमे नवरं सुमुहे कुमारे पन्नासं कन्नाओ पन्नासओ दाओ चोद्दस पुव्वाइं अहिज्जइ वीसं वासाइं परियाओ सेसं तं चेव जाव सेत्तुंजे सिद्धे निक्खेवओ ।
एवं दुम्हे वि कूवदारए वि तिण्णि वि बलदेवा-धारिणी-सुया दारुए वि एवं चेव, नवरंवसुदेव-धारिणी-सुए । एवं अणाहिट्ठी वि वसुदेव-धारिणी- सुए ।
एवं खलु जंबू! समणेणं जाव संपत्तेणं अट्ठमस्स अंगस्स अंतगडदसाणं तच्चस्स वग्गस्स तेरसमस्स अज्झयणस्स अयमट्ठे पन्नत्ते |
०
• तइए वग्गे ९-१३ अज्झयणाणि समत्तानि ● () तइओ वग्गो समत्तो ()
मुनि दीपरत्नसागरेण संशोधितः सम्पादित्तश्च तइओ वग्गो समत्तो •
• चउत्थो वग्गो
[] १-१०-अज्झयणाणि ॥
[दीपरत्नसागर संशोधितः ]
[11]
०
[८-अंतगडदसाओ]
Page #13
--------------------------------------------------------------------------
________________
[१५] जइ णं भंते! समणेणं भगवया महावीरेणं जाव संपत्तेणं तच्चस्स वग्गस्स अयमट्ठे पन्नत्ते चउत्थस्स के अट्ठे पन्नत्ते ?, एवं खलु जंबू ! समणेणं भगवया महावीरेणं जाव संपत्तेणं चउत्थस्स वग्गस्स दस अज्झयणा पन्नत्ता, तं०
[१६] जालि मयालि उवयाली पुरिससेणे वारिसेणे य । पज्जुण्ण संब अणिरुद्ध सच्चणेमि य ढणेमि ।।
[१७] जइ णं भंते! समणेणं जाव संपत्तेणं चउत्थस्स वग्गस्स दस अज्झयणा पन्नत्ता पढमस्स णं अज्झयणस्स के अट्ठे पन्नत्ते ?, एवं खलु जंबू! तेणं कालेणं तेणं समएणं बारवई नयरी, तीसे णं बारवईए नयरीए जहा- पढमे जाव कण्हे वासुदेवे आहेवच्चं जाव विहरइ, तत्थ णं बारवईए नगरी वसुवग्गो-४, अज्झयणं - १-१०
देवे राया धारिणी देवी-वण्णओ, जहा- गोयमो नवरं- जालिकुमारे पन्नासओ दाओ, बारसंगी, सोलस वासा परियाओ, सेसं जहा- गोयमस्स जाव सेत्तुंजे सिद्धे ।
एवं-मयाली उवयाली पुरिससेणे य वारिसेणे य । एवं पज्जुण्णे वि, नवरं- कण्हे पिया रूप्पिणी माया । एवं-संबे वि, नवरं जंबवई माया । एवं अणिरुद्धे वि नवरं पज्जुण्णे पिया वेदब्भी माया । एवं-सच्चनेमी, नवरं-समुद्दविजए पिया सिवा माया, एवं दढनेमी वि, सव्वे एगगमा,
चउत्थवग्गस्स निक्खेवओ ।
• चउत्थो वग्गो समत्तो • • पंचमो वग्गो
०
[] पढमं अज्झयणं- पउमावई []
[१८] जइ णं भंते! समणेणं भगवया महावीरेणं जाव संपत्तेणं चउत्थस्स वग्गस्स अयमट्ठे पन्नत्ते, पंचमस्स वग्गस्स अंतगडदसाणं समणेणं जाव संपत्तेणं के अट्ठे पन्नत्ते?, एवं खलु जंबू! समणेणं जाव संपत्तेणं पंचमस्स वग्गस्स दस अज्झयणा प० तं०
[१९] पउमाई य गोरी गंधारी लक्खणा सुसीमा य । जंबवइ सच्चभामा रूप्पिणी मूलसिरि मूलदत्ता वि ।।
[२०] जइ णं भंते! पंचमस्स वग्गस्स दस अज्झयणा पन्नत्ता, पढमस्स णं भंते! अज्झय-णस्स के अट्ठे पन्नत्ते ? एवं खलु जंबू ! तेणं कालेणं तेणं समएणं बारवई नगरी जहा- पढमे जाव कण्हे वासुदेवे आहेवच्चं जाव विहरड़, तस्स णं कण्हस्स वासुदेवस्स पउमावई नाम देवी होत्था-वण्णओ । तेणं कालेणं तेणं समएणं अरहा अरिट्ठनेमि समोसढे जाव विहरड़, कण्हे वासुदेवे निग्गए जाव पज्जुवासइ, तए णं सा पउमावई देवी इमीसे कहाए लद्धट्ठा समाणी हट्ठतुट्ठा जहा- देवई देवी जाव पज्जुवासइ, तए णं अरहा अरिट्ठनेमि कण्हस्स वासुदेवस्स पउमावईए य धम्मं कहा, परिसा पडिगया । तए णं कण्हे वासुदेवे अरहं अरिट्ठनेमिं वंदइ नमंसइ वंदित्ता नमंसित्ता एवं वयासी- इमीसे णं भंते! बारवईए नगरीए नवजोयण वित्थिण्णाए जाव देवलोगभूयाए किंमूलाए विणासे भविस्सइ ? कण्हाइ! अरहा अरिट्ठनेमि कण्हं वासुदेवं एवं वयासी एवं खलु कण्हा ! इमीसे बारवईए नयरीए नवजोयण वित्थिण्णाए जाव देवलोगभूयाए सुरग्गिदीवायणमूलाए विणासे भविस्सइ, कण्हस्स वासुदेवस्स अरहओ अरिट्ठनेमिस्स अंतिए एयं सोच्चा निसम्म अयं अज्झत्थिए चिंतिए मणोगए संकप्पे समुप्पज्जित्था
[दीपरत्नसागर संशोधितः ]
[12]
[८-अंतगडदसाओ]
Page #14
--------------------------------------------------------------------------
________________
घण्णा णं ते जालि मयालि-उवयालि-परिससेण-वारिसेण-पज्जण्ण-संब-अणिरुद्ध-दढनेमिसच्चनेमि-प्पभियओ कुमारा जे णं चइत्ता हिरण्णं जाव परिभाएत्ता अरहओ अरिहनेमिस्स अंतियं मंडा जाव पव्वइया, अहण्णं अधण्णे अकयपुन्ने रज्जे य जाव अंतेउरे य माणुस्सएसु य कामभोगेसु मुच्छिए गढिए गिद्धे अज्झोववण्णे नो संचाएमि अरहओ अरिहनेमिस्स अंतिए पव्वइत्तए |
कण्हाइ! अरहा अरिहनेमी कण्हं वासुदेवं एवं वयासी-से नूणं कण्हा! तव अयं अज्झत्थिए। जाव घण्णा णं ते जाव पव्वइत्तए, से नणं कण्हा! अत्थे समत्थे? हंता अत्थि, तं नो खल कण्हा! एतं भूतं वा भव्वं वा भविस्सइ वा जपणं वासुदेवा चइत्ता हिरण्णं जाव पव्वइस्संति, से केणटेणं भंते! एवं
वुच्चइ वग्गो-५, अज्झयणं-१
न एतं भूतं वा जाव पव्वइस्संति?
कण्हाइ! अरहा अरिट्ठनेमी कण्हं वासुदेवं एवं वयासी-एवं खल कण्हा! सव्वे वि य णं वासुदेवा पव्वभवे निदाणकडा, से एतेणटेणं कण्हा! एवं वच्चइ न एतं भूतं वा जाव पव्वइस्संति, तए णं से कण्हे वासुदेवे अरहं अरिहनेमि एवं वयासी-अहं णं भंते! इत्तो कालमासे कालं किच्चा कहिं गमिस्सामि? कहिं उववज्जिस्सामि?
तए णं अरहा अरिट्ठनेमिं कण्हं वासुदेवं एवं वयासी-एवं खलु कण्हा! तुम बारवईए नयरीए सुरग्गि-दीवायण-कोव-निदड्ढाए अम्मापिइ-नियग-विप्पहूणे रामेणं बलदेवेण सद्धिं दाहिणवेयालिं अभिमुहे जुहिद्विल्लापामोक्खाणं पंचण्हं पंडवाणं पंड्रायपुत्ताणं पासं पंडुमहरं संपत्थिए कोसंबवणकाणणे नग्गोहवरपायवस्स अहे पढविसिलापट्टए पीयवत्थ-पच्छाइय-सरीरे जराकमारेणं तिक्खेणं कोदंड-विप्पमक्केणं इसणा वामे पादे विद्धे समाणे कालमासे कालं किच्चा तच्चाए वालयप्पभाए पुढवीए उज्जलिए नरए नेरइयत्ताए उववज्जिहिसि ।
तए णं से कण्हे वासुदेवे अरहओ अरिट्ठनेमिस्स अंतिए एयमढे सोच्चा निसम्म ओहय जाव झियाइ, कण्हाइ! अरहा अरिट्ठनेमि कण्हं वासुदेवं एवं वयासी-मा णं तुम देवाणप्पिया! ओहयमणसंकप्पे जाव झियाह, एवं खलु तुमं देवाणुप्पिया! तच्चाओ पुढवीओ उज्जलियाओ नरयाओ अणंतरं उव्वटित्ता इहेव जंबुद्दीवे दीवे भारहे वासे आगमेसाए उस्सप्पिणीए पुंडेसु जणवएसु सयदुवारे नगरे बारसमे अममे नामं अरहा भविस्ससि, तत्थ तुम बहुइं वासाइं केवलि परियागं पाउणेत्ता सिज्झिहिसि बुज्झिहिसि मच्चिहिसि परिनिव्वाहिसि सव्वदक्खाणं अंतं काहिसि ।
तए णं से कण्हे वासुदेवे अरहओ अरिहनेमिस्स अंतिए एयमढे सोच्चा निसम्म हद्वत्ढे जाव अप्फोडेइ अप्फोडेत्ता वग्गइ वग्गित्ता तिवई छिंदइ छिदित्ता सीहणायं करेइ करेत्ता अरहं अरिट्ठनेमिं वंदइ नमसइ वंदित्ता नमंसित्ता तमेव आभिसेक्कं हत्थिं दुहइ दुरुहित्ता जेणेव बारवई नयरी जेणेव सए गिहे तेणेव उवागए आभिसेयहत्थिरयणाओ पच्चोरूहइ पच्चोरूहित्ता जेणेव बाहिरिया उवट्ठाणसाला जेणेव सए सीहासणे तेणेव उवागच्छइ उवागच्छित्ता सीहासणवरंसि पुरत्थाभिमुहे निसीयति निसीइत्ता कोडुंबिय पुरिसे सद्दावेइ सद्दावेत्ता एवं वयासी-गच्छह णं तुब्भे देवाणुप्पिया! बारवईए नयरीए सिंघाडग जाव उग्घोसेमाणा-उग्घोसेमाणा एवं वयह
___एवं खलु देवाणुप्पिया! बारवईए नयरीए नवजोयण विच्छिण्णाए जाव देवलोगभूयाए सुरग्गि-दीवायण-मूलाए विणासे भविस्सइ, तं जो णं देवाणुप्पिया! इच्छइ बारवईए नयरीए राया वा [दीपरत्नसागर संशोधितः]
[13]
[८-अंतगडदसाओ]
Page #15
--------------------------------------------------------------------------
________________
जवराया वा ईसरे वा तलवरे वा माडंबिय-कोडुबिय-इब्भ-सेट्ठी वा देवी वा कुमारो वा कुमारी वा अरहओ अरिहनेमिस्स अंतिए मुंडे जाव पव्वइत्तए तं णं कण्हे वासुदेवे विसज्जेइ, पच्छातुरस्स वि य से अहापवित्तं वित्तिं अनजाणइ महया इढिसक्कारसमदएणं य से निक्खमणं करेइ, दोच्चं पि तच्चं पि घोसणयं घोसेह घोसेत्ता ममं एयं पच्चप्पिणह, तए णं ते कोडुबिया जाव पच्चप्पिणंति ।
ते णं सा पउमावई देवी अरहओ अरिहनेमिस्स अंतिए धम्म सोच्चा निसम्म हद्वतुट्ठचित्तमाणंदिय जाव हियया अरहं अरिट्ठनेमि वंदइ-नमंसइ वंदित्ता नमंसित्ता एवं वयासी- सद्दहामि णं भंते! निग्गंथं पावयणं० से जहेयं तुझं वयह जं नवरं-देवाणुप्पिया! कण्हं वासुदेवं आपुच्छामि, तए णं अहं देवाणुप्पियाणं अंतिए मुंडा जाव पव्वयामि, अहासुहं० वग्गो-५, अज्झयणं-१
तए णं सा पठमावई देवी धम्मियं जाणप्पवरं दुरुहइ दुहित्ता जेणेव बारवई नयरी जेणेव सए गिहे तेणेव उवागच्छइ उवागच्छित्ता धम्मियाओ जाणप्पवराओ पच्चोरुहइ पच्चोरुहित्ता जेणेव कण्हे वासुदेवे तेणेव उवागच्छद उवागच्छित्ता करयल जाव कट्ट कण्हं वासुदेवं एवं वयासी-इच्छामि णं देवाणुप्पिया! तुब्भेहिं अब्भणुण्णाया समाणी अरहओ अरिहनेमिस्स अंतिए मुंडा जाव पव्वइत्तए |
__अहासुहं०, तए णं से कण्हे वासुदेवे कोडुबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया! पउमावईए देवीए महत्थं० निक्खमणाभिसेयं उवट्ठवेह उवद्ववेत्ता एयमाणत्तियं पच्चप्पिणह, तए णं ते कोडुंबियपुरिसा जाव पच्चप्पणंति, तए णं से कण्हे वासुदेवे पउमावइं देविं पट्टयं दुरुहेइ अट्ठसएणं सोवण्णकलसाणं जाव महाणिक्खमणाभिसेएणं अभिसिंचइ अभिसिंचित्ता सव्वालंकार-विभूसियं करेइ करेत्ता पुरिससहस्सवाहिणिं सिबियं दुरुहावेइ दुरुहावेत्ता बारवईए नयरीए मज्झंमज्झेणं निग्गच्छड़ निग्गच्छित्ता जेणेव रेवयए पव्वए जेणेव सहसंबवणे उज्जाणे तेणेव उवागच्छइ उवागच्छित्ता सीयं ठवेइ
पउमावई देविं सीयाओ पच्चोरूहइ पच्चोरूहित्ता जेणेव अरहा अरिट्ठनेमी तेणेव उवागच्छड़ उवागच्छित्ता अरहं अरिहनेमिं तिक्खुत्तो आयाहिण-पयाहिणं करेइ करेत्ता वंदइ नमसइ वंदित्ता नमंसित्ता एवं वयासी-एस णं भंते! मम अग्गमहिसी पउमावई नामं देवी इट्ठा कंता पिया मणण्णा मणाभिरामा जाव किमंग पुण पासणयाएए?, तण्णं अहं देवाणुप्पिया! सिस्सिणिभिक्खं दलयामि पडिच्छंतु णं देवाणुप्पिया! सिस्सिणिभिक्खं, अहासुहं०,
तए णं सा पठमावई उत्तरपुत्थिमं दिसीभागं अवक्कमइ अवक्कमित्ता सयमेव आभरणालं-कारं ओमयइ ओमुयित्ता सयमेव पंचमुट्ठियं लोयं करेइ करेत्ता जेणेव अरहा अरिहनेमि तेणेव उवागच्छइ उवागच्छित्ता अरहं अरिहनेमिं वंदइ नमसइ वंदित्ता नमंसित्ता एवं वयासी-आलित्ते जाव धम्ममाइक्खियं, तए णं अरहा अरिहनेमि पउमावइं देविं सयमेव पव्वावेइ पव्वावेत्ता सयमेव जक्खिणीए अज्जाए सिस्सि-णित्ताए दलयइ
तए णं सा जक्खिणी अज्जा पउमावइं देविं सयमेव पव्वावेइ जाव संजमेणं संजमियव्वं, तए णं सा पठमावई जाव संजमइ, तए णं सा पठमावई अज्जा जाया इरियासमिया जाव गुत्तबंभयारिणी, तए णं सा पउमावई अज्जा जक्खिणीए अज्जाए अंतिए सामाइयमाइयाई एक्कारस अंगाई अहिज्जइ, बहुहिं चउत्थ-छट्ठम- विविहेहिं तवोकम्मेहि अप्पाणं भावेमाणे विहरइ, तए णं सा पठमावई अज्जा बहुपडिपुन्नाई वीसं वासाइं सामण्णपरियागं पाउणइ पाउणित्ता मासियाए संलेहणाए अप्पाणं झूसेड़ [दीपरत्नसागर संशोधितः]
[14]
[८-अंतगडदसाओ]
Page #16
--------------------------------------------------------------------------
________________
झूसेत्ता सट्ठि भत्ताइं अणसणाए छेदेइ छेदेत्ता जस्सट्ठाए कीरइ नग्गभावे मुंडभावे जाव तमट्ठे आहे मुसाहिं सिद्धा ।
• पंचमे वग्गे पढमं अज्झयणं समत्तं •
[] २-८ अज्झयणाणि []
[२१] तेणं कालेणं तेणं समएणं बारवई नयरी रेवयए पव्वए उज्जाणे नंदवण्णे तत्थ णं बारवईए नयरीए कण्हे वासुदेवे तस्स णं कण्हस्स वासुदेवस्स गोरी देवी-वण्णओ अरहा समोसढे कण्हे निग्गए गोरी जहा- पउमावई तहा निग्गया, धम्मकहा, परिसा पडिगया, कण्हे वि ।
वग्गो-५, अज्झयणं-२-८
तए णं सा गोरी जहा- पउमावई तहा निक्खंता जाव सिद्धा । एवं गंधारी, लक्खणा, सुसीमा, जंबवई, सच्चभामा, रूप्पिणी । अट्ठ वि पउमावईसरिसाओ अट्ठ अज्झयणा ।
० पंचमे वग्गे २-८ अज्झयणाणि समत्तानि ●
[] ९-१० अज्झयणाणि
[२२] तेणं कालेणं तेणं समएणं बारवईए नयरीए रेवयए पव्वए नंदणवणे उज्जाणे कण्हे वासुदेवे तत्थ णं बारवईए नयरीए कण्हस्स वासुदेवस्स पुत्ते जंबवईए देवीए अत्तए संबे नामं कुमारे होत्था, अहीणपडिपुन्नपंचेंदियसरीरे, तस्स णं संबस्स कुमारस्स मूलसिरी नामं भारिया होत्था वण्णओ, अरहा समोसढे कण्हे निग्गए मूलसिरी वि निग्गया जहा - पउमावई जं नवरं देवाणुप्पिया! कण्हं वासुदेवं आपुच्छामि जाव सिद्धा एवं । मूलदत्ता वि ।
• पंचमे वग्गे ९-१० अज्झयणाणि समत्तानि ● () पंचमो वग्गो समत्तो ()
०
• मुनि दीपरत्नसागरेण संशोधितः सम्पादित्तश्च पंचमो वग्गो समत्तो •
छट्ठो-वग्गो ०
[] १-२- अज्झयणाणि
[२३] जइ छट्ठस्स उक्खेवओ नवरं सोलस अज्झयणा पन्नत्ता तं जहा- । [२४] मंकाइ किंकमे चेव मोग्गरपाणी य कासवे ।
o
खेम धिइहरे चेव केलासे हरिचंद ||
[२५] वारत्त सुदंसण पुन्नभद्द तए सुमणभद्द सुइट्ठे । मेहेऽतिमुत्त अलक्के अज्जयणाणं तु सोलसयं ।।
[२६] जइ सोलस अज्झयणा पन्नत्ता पढमस्स अज्झयणस्स अंतगडदसाणं के अट्ठे पन्नत्ते? एवं खलु जंबू! तेणं कालेणं तेणं समएणं रायगिहे नयरे, गुणसिलए चेइए, सेणिए राया, तत्थ णं मकाई नामं गाहावई परिवसइ- अड्ढे जाव अपरिभूए, तेणं कालेणं तेणं समएणं समणे भगवं महावीरे आदिकरे गुणसिलए जाव विहरइ, परिसा निग्गया ।
तणं से मकाई गाहावई इमीसे कहाए लट्ठे जहा- पन्नत्तीए गंगदत्ते तहेव इमो वि जेट्ठपुत्तं कुडुंबे ठवेत्ता पुरिससहस्सवाहिणीए सीयाए निक्खंते जाव अमगारे जाए - इरियासमिए, तए णं से [दीपरत्नसागर संशोधितः ]
[८-अंतगडदसाओ]
[15]
Page #17
--------------------------------------------------------------------------
________________
मंकाई अणगारे समणस्स भगवओ महावीरस्स तहारूवाणं थेराणं अंतिए समाइयमाइयाई एक्कारस अंगाई अहिज्जइ सेसं जहा- खंदगस्स, गुणरयणं तवोकम्मं सोलसवासांइ परियाओ तहेव विउले सिद्धे । किंक वि एवं चेव जाव विउले सिद्धे ।
० छद्वे वग्गे १-२ अज्झयणाणि समत्तानि [] तइयं अज्झयणं- मोग्गरमाणी []
[२७] तेणं कालेणं तेणं समएणं रायगिहे नयरे, गुणसिलए चेइए, सेणिए राया, चेल्लणा देवी, तत्थ णं रायगिहे नयरे अज्जुणए नामं मालागारे परिवसइ अड्ढे जाव अपरिभूए, तस्स णं अज्जुणयस्स मालायरस्स बंधुमई नामं भारिया होत्था - सूमालपाणिपाया, तस्स णं अज्जुणस्स मालायारस्स रायवग्गो-६, अज्झयणं - ३
गिहस्स नयरस्स बहिया एत्थ णं महं एगे पुप्फारामे होत्था - किण्हे जाव निउरूंबभूए दसद्धवण्णकुसुमकुसुमिए पासाईए दरिसणिज्जे अभिरूवे पडिरूवे, तस्स णं पुप्फारामस्स अदूरसामंते एत्थ णं अज्जुणयस्स मालायारस्स अज्जय-पज्जय- पिइपज्जयागए अणेगकुलपुरिस - परंपरागए मोग्गर - पाणियस्स जक्खस्स जक्खयणे होत्था-पोराणे दिव्वे सच्चे जहा - पुन्नभद्दे तत्थ णं मोग्गरपाणिस्स पडिमा एगं महं पलसहस्सणिप्फण्णं अओमयं मोग्गरं गहाय चिट्ठइ ।
तणं से अज्जुणए मालागारे बालप्पभिदं चेव मोग्गरपाणि- जक्खभत्ते यावि होत्था, कल्लाकल्लिं पच्छियपिडगाई गेण्हइ गेण्हित्ता रायगिहाओ नयराओ पडिणिक्खमइ पडिणिक्खमित्ता जेणेव पुप्फारामे तेणेव उवागच्छइ उवागच्छित्ता पुप्फुच्चयं करेइ करेत्ता अग्गाई वराइं पुप्फाई गहाय जेणेव मोग्गरपाणिस्स जक्खस्स जक्खाययणे तेणेव उवागच्छइ उवागच्छित्ता मोग्गरपाणिस्स जक्खस्स महरिहं पुप्फच्चयणं करेइ करेत्ता जण्णुपायपडिए पणामं करेड़, तओ पच्छा रायमग्गंसि वित्तिं कप्पेमाणे विहरइ
I
तत्थ णं रायगिहे नरे ललिया नामं गोट्ठी परिवस - अड्ढा जाव अपरिभूत्ता जं कयसुकया यावि होत्था, तए णं रायगिहे नगरे अण्णया कयाइ पमोदे घुट्टे यावि होत्था, तए णं से अज्जुणए मालागारे कल्लं पभूयतराएहिं पुप्फेहिं कज्जं इति कट्टु पच्चूसकालसमयंसि बंधुमईए भारियाए सद्धिं पच्छियपडियाइं गेण्हइ गेण्हित्ता सयाओ गिहाओ पडिणिक्खमइ पडिनिक्खमित्ता रायगिहं नगरं मज्झंमज्झेणं निग्गच्छइ निग्गच्छित्ता जेणेव पुप्फारामे तेणेव उवागच्छइ उवागच्छित्ता बंधुमईए भारियाए सद्धिं पुप्फुच्चयं करेइ ।
तणं तीसे ललियाए गोट्ठीए छ गोट्ठिल्ला पुरिसा जेणेव मोग्गरपाणिस्स जक्खस्स जक्खायायणे तेणेव उवागया अभिरममाणा चिट्ठति, तए णं से अज्जुणए मालागारे बंधुमईए भारियाए सद्धिं पुप्फुच्चयं करेइ, पत्थियं भरेइ भरेत्ता अग्गाई वराइं पुप्फाई गहाय जेणेव मोग्गरपाणिस्स जक्खस्स जक्खाययणे तेणेव उवागच्छइ, तए णं ते छ गोट्ठिल्ला पुरिसा अज्जुणयं मालागारं बंधुमईए भारिया सद्धिं एज्जमाणं पासंति पासित्ता अण्णमण्णं एवं वयासी- एस णं देवाणुप्पिया! अज्जुणए मालागारं अवओडयं-बंधणयं करेत्ता बंधुमईए भारियाए सद्धिं विउलाई भोगभोगाई भुंजमाणाणं विहरित्तए त्ति कट्टु एयमट्ठे अण्णमण्णस्स पडिसुर्णेति पडिसुणेत्ता कवाडंतरेसु निलुक्कंति निच्चला निप्फंदा तुसिणीया पच्छण्णा चिट्ठति ।
[दीपरत्नसागर संशोधितः ]
[16]
[८-अंतगडदसाओ]
Page #18
--------------------------------------------------------------------------
________________
तए णं से अज्जणए मालागारे बंधमईए भारियाए सद्धिं जेणेव मोग्गरपाणिस्स जक्खस्स जक्खाययणे तेणेव उवागच्छइ उवागच्छित्ता आलोए पणामं करेइ महरिहं पुप्फच्चणं करेइ जण्णपायपडिए पणामं करेइ, तए णं छ गोहिल्ला परिसा दवदवस्स कवाडंतरेहिंतो निग्गच्छंति निग्गच्छित्ता अज्जणयं मालागारं गेण्हति गेण्हित्ता अवओडय बंधणं करेंति बंधमईए मालागारीए सद्धिं विउलाई भोगभोगाई भंजमाणा विहरंति ।
तए णं तस्स अज्जुणयस्स मालागारस्स अयमज्झत्थिए चिंतिए पत्थिए मणोगए संकप्पे सम्प्पज्जित्था-एवं खल अहं बालप्पभिई चेव मोग्गरपाणियस्स भगवओ कल्लाकल्लिं जाव कप्पेमाणे विहरामि, तं जड़ णं मोग्गर-पाणी जक्खे इह सण्णिहिए होंते से णं किं ममं एयारूवं आवई पावेज्जमाणं पासंते? तं नत्थि णं मोग्गरपाणी जक्खे इह सण्णिहिए, सव्वत्तं णं एस कट्टे,
तए णं से मोग्गरपाणी जक्खे अज्जुणयस्स मालागारस्स अयमेयारूवं अज्झत्थियं जाव वग्गो-६, अज्झयणं-३
वियाणेत्ता अज्जुणयस्स मालागरस्स सरीरयं अनुप्पविसइ अनुप्पविसित्ता तडतडस्स बंधाइ छिंदइ छिंदित्ता तं पलसहस्सणिप्फण्णं अयोमयं मोग्गरं गेण्हइ गेण्हित्ता ते इत्थिसत्तमे छ परिसे धाएइ, तए णं से अज्जणए मालागरे मोग्गरपाणिया जक्खेणं अण्णाइटे समाणे रायगिहस्स नगरस्स परिपेरंतेणं कल्ला-कल्लिं इत्थसत्तमे छ रिसे घाएमाणे विहरड़ ।
___तए णं रायिगहे नयरे सिंघाडग-जाव महापहपहेसु बहुजणो अण्णमण्णस्स एवमाइक्खड़ एवं भासेइ एवं पन्नवेइ एवं परूवेइ-एवं खलु देवाणुप्पिया! अज्जुणए मालगारे मोग्गरपाणिणा अण्णाइढे समाणे रायगिहे नयरे बहिया इत्थिसत्तमे छ पुरिसे घाएमाणे विहरइ, तए णं से सेणिए राया इमीसे कहाए लद्धढे समाणे कोइंबियपरिसे सद्दावेइ सद्दावेत्ता एवं वयासी-एवं खल देवाणप्पिया अज्जणए मालागारे जाव घाएमाणे विहरइ, तं मा णं तब्भे केइ कट्ठस्स वा तणस्स वा पाणियस्स वा पुप्फफलाणं वा अट्ठाए सइरं निग्गच्छइ मा णं तस्स सरीरयस्स वावत्ती भविस्सइ त्ति कट्ट दोच्चं पि तच्चं पि घोसणयं घोसेह घोसेत्ता खिप्पामेव ममेयं पच्चप्पिणाह, तए णं से कोइंबियपरिसा जाव पच्चप्पिणंति ।।
तत्थ णं रायगिहे नगरे सुदंसणे नामं सेट्ठी परिवसइ-अड्ढे, तए णं से सुदंसणे समणोवासए यावि होत्था-अभिगयजीवाजीवे जाव विहरइ, तेणं कालेणं समएणं समणे भगवं महावीरे जाव विहरइ, तए णं रायगिहे नगरे सिंघाडग० बहुजणो अण्णमण्णस्स एवमाइक्खइ जाव किमंग पुण विपुलस्स अट्ठस्स गहणयाए तए णं तस्स सं न बहजणस्स अंतिए एयं सोच्चा निसम्म अयं अज्झत्थिए चिंतिए पत्थिए मणोगए संकप्पे समपज्जित्था-एवं खल समणे भगवं महावीरे जाव विहरइ, तं गच्छामि णं समणं भगवं महावीरं वंदामि-एवं संपेहेइ संपेहेत्ता जेणेव अम्मापियरो तेणेव उवागच्छद उवागच्छित्ता करयल अंजलिं कट्ट एवं वयासी-एवं खल अम्मयाओ समणे जाव विहरइ तं गच्छामि णं समणं भगवं महावीरं वंदामि नमसामि जाव पज्जुवासामि ।
तए णं सुदंसणं सेटिं अम्मापियरो एवं वयासी-एवं खलु पत्ता! अज्जुणए मालागारे जाव घाएमाणे विहरइ, तं मा णं तुमं पुत्ता! समणं भगवं महावीरं वंदए निग्गच्छाहि, मा णं तव सरीरयस्स वावत्ती भविस्सइ, तुमण्णं इह गए चेव समणं भगवं महावीरं वंदाहि, तए णं से सुदंसणे सेट्ठी अम्मापियरं एवं वयासी-किण्णं तुमह अम्मयाओ! समणं भगवं महावीरं इहमागयं इह पत्तं इह समोसढं इह गए चेव वंदिस्सामि? तं गच्छामि णं अहं अम्मयाओ! तब्भेहिं अब्भणण्णाए समाणे समणं भगवं महावीरं वंदए ।
[दीपरत्नसागर संशोधितः]
[17]
[८-अंतगडदसाओ]
Page #19
--------------------------------------------------------------------------
________________
ते णं सुदंसणं सेटिं अम्मापियरो जाहे नो संचाएति बहहिं आघवणाहिं पन्नवणाहिं सण्णवणाहिं विण्णवणाहिं जाव परूवेत्तए ताहे एवं वयासी- अहासुहं० तए णं से संदसणे अम्मापिईहिं अब्भणण्णाए समाणे ण्हाए सुद्धप्पावेसाइं जाव सरीरे सयाओ गिहाओ पडिणिक्खमइ पडिणिक्खमित्ता पायविहार-चारेणं रायगिहं नगरं मज्झंमज्झेणं निग्गच्छइ निग्गच्छित्ता मोग्गरपाणियस्स जक्खस्स जक्खाययणस्स अदूरसामंतेणं जेणेव गुणसिलए चेइए जेणेव समणे भगवं महावीरे तेणेव पहारेत्थ गमणाए
तए णं से मोगरपाणी जक्खे सदसणं समणोवासयं अदूरसामंतेणं वीइवयमाणं वीईवयमाणं पासइ पासित्ता आसुरुत्ते रुढे कविए चंडिक्किए मिसिमिसेमाणे तं पलसहस्सणिप्फण्णं अओमयं मोग्गरं उल्लालेमाणे-उल्लालेमाणे जेणेव सुदंसणे समणोवासए तेणेव पहारेत्थ गमणाए तए णं से सुदंसणे समणोवासए मोग्गरपाणिं जक्खं एज्जमाणं पासइ पासित्ता अभीए अतत्थे अनव्विग्गे अक्खुभिए अचलिए असंभंते वत्थंतेणं भूमि पमज्जइ पमज्जित्ता करयलं जाव कट्ठ एवं वयासीवग्गो-६, अज्झयणं-३
नमोत्थ् णं अरहंताणं जाव संपत्ताणं नमोत्थ् णं समणस्स भगवओ महावीरस्स जाव संपाविउकामस्स, पव्विं पि णं मए समणस्स भगवओ महावीरस्स अंतिए थूलए पाणाइवाए पच्चक्खाए जावज्जीवाए थूलए मुसावाए पच्चक्खाए जावज्जीवाए थूलए अदिन्नादाणे पच्चक्खाए जावज्जीवाए सदारसंतोसे कए जावज्जीवाए इच्छापरिमाणे कए जावज्जीवाए, तं इदाणिं पि णं तस्सेव अंतियं सव्वं पाणाइवायं पच्चक्खामि जावज्जीवाए मुसावायं अदत्तादाणं मेणं परिग्गहं पच्चक्खामि जावज्जीवाए सव्वं कोहं जाव मिच्छादसणसल्लं पच्चक्खामि जावज्जीवाए सव्वं असणं पाणं खाइमं साइमं चउव्विंह पि आहारं पच्चक्खामि जावज्जीवाए, जइ णं एत्तो उवसग्गाओ मुच्चिस्सामि तो मे कप्पड़ पारेत्तए अहण्णं एत्तो उव-सग्गाओ मच्चिस्सामि ततो मे तहा पच्चक्खाए चेव त्ति कट्ट सागारं पडिमं पडिवज्जइ ।
तए णं से मोग्गरपाणी जक्खे तं पलसहस्सणिप्फण्णं अओमयं मोग्गरं उल्लालेमाणेउल्लालेमाणे जेणेव सदसणे समणोवासए तेणेव उवागए नो चेव णं संचाएइ सदसणं समणोवासयं तेयसा समभिपडित्तए, तए णं से मोग्गरपाणी जक्खे सुदंसणं समणोवासयं सव्वओ समंता परिघोलेमाणे-परघोलेमाणे जाहे नो चेव णं संचाएइ सुदंसणं समणोवासयं तेयसा समभिपडित्तए ताहे सुदंसणस्स समणोवासयस्स पुरओ सपक्खिं सपडिदिसिं ठिच्चा सुदंसणं सणोवासयं अणिमिसाए दिट्ठिए सुचिरं निरिक्खड़ निरिक्खित्ता अज्जुणयस्स मालागरस्स सरीरं विप्पजहइ विप्पजहित्ता तं पलसहस्सणिप्फण्णं अओमयं मोग्गरं गहाय जामेव दिसं पाउब्भए तामेव दिसं पडिगए ।
तए णं से अज्जणए मालागारे मोग्गरपाणिणा जक्खेणं विप्पमक्के समाणे धस त्ति धरणियलंसि सव्वंगेहिं निवडिए, तए णं से सुदंसणे समणोवासए निरुवसग्ग मिति कट्ट पडिम पारेइ, तए णं से अज्जुणए मालागारे तत्तो महत्तंतरेणं आसत्थे समाणे उद्वेइ उद्वेत्ता सुदंसणं समणोवासयं एवं वयासी- तुब्भे णं देवाणुप्पिया! के कहिं वा संपत्थिया? तए णं से सुदंसणे समणोवासए अज्जुणयं मालागारं एवं वयासी-एवं खल देवाणप्पिया! अहं सुदंसणे नामं समणोवासए-अभियजीवाजीवे गणसिलए चेइए समणं भगवं महावीरं वंदए संपत्थिए ।
तए णं से अज्जुणए मालागारे सुदंसणं समणोवासयं एवं वयासी- तं इच्छामि णं देवाणुप्पिया! अहमवि तुमए सद्धिं समणं भगवं महावीरं वंदित्तए जाव पज्जुवासित्तए, अहासुहं [दीपरत्नसागर संशोधितः]
[18]
[८-अंतगडदसाओ]
Page #20
--------------------------------------------------------------------------
________________
देवाणुप्पिया! तए णं सुदंसणं समणोवासए अज्जणएणं मालागारेणं सद्धिं जेणेव गणसिलए चेइए जेणेव समणे भगवं महावीरे तेणेव उवागच्छइ उवागच्छित्ता अज्जुणएणं मालागारेणं सद्धिं समणं भगवं महावीरं तिक्खुत्तो आयाहिण-पयाहिणं करेड़ वंदइ वमंसइ जाव पज्जवासइ ।
तए णं समणे भगवं महावीरे सुदंसणस्स समणोवासगस्स अज्जुणयस्स मालागारस्स तीसे य धम्ममाइक्खइ, सुदंसणे पडिगए, तए णं से अज्जणए मालागारे समणस्स भगवओ महावीरस्स अंतिए धम्म सोच्चा निसम्म हट्ट तुढे जाव एवं वयासी-सदहामि णं भंते निग्गंथं पावयणं जाव अब्भुढेमि, जाव अहासुहं० ।
तए णं से अज्जुणए मालागारे उत्तर० सयमेव पंचमुट्ठियं लोयं करेइ करेत्ता जाव अणगारे जाए जाव विहरइ, तए णं से अज्जणए अणगारे जं चेव दिवसं मंडे जाव पव्वइए तं चेव दिवसं समणं भगवं महावीरं वंदइ नमसइ वंदित्ता नमंसित्ता इमं एयारूवं अभिग्गहं ओगेण्हइ-कप्पड़ मे जावज्जीवाए छटुंछट्टेणं अणिक्खित्तेणं तवोकम्मेणं अप्पाणं भावेमाणस्स विहरित्तए त्ति कट्ट, अयमेयारूवं अभिग्गहं वग्गो-६, अज्झयणं-८
ओगेण्हइ ओगेण्हित्ता जावज्जीवाए जाव विहरइ ।
तए णं से अज्जणए अणगारे छट्ठक्खमणपारणयंसि पढमे पोरिसीए सज्झायं करेइ जहागोयमसामी जाव अडइ, तए णं तं अज्जुणयं अणगारं रायगिहे नयरे उच्च-जाव अडमाणं बहवे इत्थीओ य परिसा य डहरा य महल्ला य जुवाणा य एवं वयासी- इमे णं मे पिता मारिए इमे णं मे माता मारिया इमे णं मे भाया० भगिणी० भज्जा० पुत्ते० धूया० सुण्हा मारिया, इमे णं मे अण्णयरे सयण-संबंधिपरियणे मारिए त्ति कट्ट अप्पेगइया अक्कोसंति अप्पेगइया हीलंति निंदंति गरिहंति तज्जति तालेति ।
तए णं से अज्जुणए अणगारे तेहिं बहुहिं इत्थीहि य परिसेहि य डहरेहि य महल्लेहि य जवाणएहि य आओसिज्जमाणे जाव तालेज्जमाणे तेसिं मणसा वि अपउस्समाणे सम्मं सहइ सम्म खमइ सम्मं तितिक्खड़ सम्म अहियासेइ सम्म सहमाणे सम्म खममाणे सम्म तितिक्खमाणे सम्म अहियासेमाणे रायगिहे नयरे उच्च-नीय-मज्झिय-कलाई अडमाणे जइ भत्तं लभइ तो पाणं न लभइ अह पाणं लभइ तो भत्तं न लभइ,
तए णं से अज्जणए अणगारे अदीणे अविमणे अकलसे अणाइले अविसादी अपरितंतजोगी अडइ अडित्ता रायगिहाओ नगराओ पडिणिक्खमइ पडिणिक्खमित्ता जेणेव गणसिलए चेइए जेणेव समणे भगवं महावीरे जहा- गोयमसामी तहा पडिदंसेइ पडिदंसेत्ता समणेणं भगवया महावीरेणं अब्भणण्णाए समाणे अमच्छिए अगिद्धे अगढिए अणज्झोववण्णे बिलमिव पन्नगभएणं अप्पाणेणं तमाहारं आहारेइ ।
तए णं समणे भगवं महावीरे अण्णया रायगिहाओ पडिणिक्खमइ पडिणिक्खमित्ता बहिया जणवयविहारं विहरइ, तए णं से अज्जुणए अणगारे तेणं ओरालेणं विपुलेणं पयत्तेणं पग्गहिएणं महाणुभागेणं तवोकम्मेणं अप्पाणं भावेमाणे बहुपुडिपुन्ने छम्मासे सामण्मपरियागं पाउणइ पाउणित्ता अद्धमासियाए संलेहणाए अप्पाणं झुसेइ झुसेत्ता तीसं भत्ताई अणसणाए छेदेइ छेदेत्ता जस्सहाए कीरइ नग्गभावे जाव सिद्धे ।
• छढे वग्गे तइअं अज्झयणं समत्तं .
[] चउत्थं-अज्झयणं ।
[दीपरत्नसागर संशोधितः]
[19]
[८-अंतगडदसाओ]
Page #21
--------------------------------------------------------------------------
________________
[२८] तेणं कालेणं तेणं समएणं रायगिहे नगरे, गणसिलए चेइए, सेणिए राया, कासवे नाम गाहावई परिवसइ जहा- मंकाई, सोलस वासा परियाओ, विप्ले सिद्धे ।
• छड़े वग्गे चउत्थं अज्झयणं समत्तं .
॥ पंचम-अज्झयणं । [२९] एवं-खेमए वि गाहावई नवरं- कायंदी नयरी, सोलस वासा परियाओ, विपले पव्वए सिद्धे ।
• छ। वग्गे पंचमं अज्झयणं समत्तं .
॥ छटुं-अज्झयणं । [३०] एवं-धिइहरे वि गाहावई कायंदीए नयरीए सोलस वासा परियाओ विप्ले सिद्धे ।
• छड़े वग्गे छई अज्झयणं समत्तं .
वग्गो-६, अज्झयणं-७
॥ सत्तमं-अज्झयणं । [३१] एवं-केलासे वि गाहावई नवरं-साएए नयरे, बारस वासाइं परियाओ, विपुले सिद्धे ।
• छट्टे वग्गे सत्तमं अज्झयणं समत्तं .
अहम-अज्झयणं । [३२] एवं-हरिचंदणे विगाहावई, साएए नयरे, बारस वासा परियाओ, विपले सिद्धे ।
० छट्टे वग्गे अहमं अज्झयणं समत्तं .
॥ नवम-अज्झयणं । [३३] एवं-बारत्तए वि गाहावई नवरं-रायगिहे नगरे, बारस वासा परियाओ, विपुले सिद्धे ।
• छड़े वग्गे नवमं अज्झयणं समत्तं .
[] दसमं-अज्झयणं । [३४] एवं-सुदंसणे वि गाहावई नवरं-वाणियग्गामे नयरे, दूइपलासए चेइए, पंच वासा परियाओ विपुले सिद्धे ।
• छठे वग्गे दसमं अज्झयणं समत्तं .
॥ इक्कारसम-अज्झयणं । [३५] एवं-पुन्नभद्दे विगाहावई, वाणियग्गामे नयरे, पंचवासा परियाओ, विपुले सिद्धे ।
० छड़े वग्गे इक्कारसमं अज्झयणं समत्तं .
[] बारसम-अज्झयणं । [३६] एवं-सुमणभद्दे वि गाहावई, सावत्थीए नयरीए, बहुवासाइं परियओ, विपुले सिद्धे ।
• छट्टे वग्गे बारसमं अज्झयणं समत्तं .
॥ तेरसम-अज्झयणं ।
[दीपरत्नसागर संशोधितः]
[20]
[८-अंतगडदसाओ]
Page #22
--------------------------------------------------------------------------
________________
[३७] एवं-सुपइट्ठे वि गाहावई, सावत्थीए नयरीए, सत्तावीसं वासा परियाओ, विपुले सिद्धे । • छट्टे वग्गे तेरसमं अज्झयणं समत्तं •
[] चोद्दसमं अज्झयणं
[३८] एवं-मेहे वि गाहावई, रायगिहे नयरे, बहूइं वासाइ परियाओ, विपुले सिद्धे । [] पन्नरसमं अज्झयणं- अइमुत्ते []
[३९] तेणं कालेणं तेणं समएणं पोलासपुरे नगरे सिरिवणे उज्जाणे, तत्थ णं पोलासपुरे नयरे विजये नामं राया होत्था, तस्स णं विजयस्स रण्णो सिरि नामं देवी होत्था-वण्णओ, तस्स णं विजयस्स रण्णो पुत्ते सिरीए देवीए अत्तए अतिमुत्ते नामं कुमारे होत्था- सूमालपाणिपाए ।
ते काणं तेणं समएणं समणे भगवं महावीरे जाव सिरिवणे जाव विहरड़, तेणं कालेणं तेणं समएणं समणस्स भगवओ महावीरस्स जेट्ठे अंतेवासी इंदभूती अणगारे जहा- पन्नत्तीए जाव पोलावग्गो-६, अज्झयणं- १५
सपुरे नयरे उच्च जाव अडइ, इमं च णं अइमुत्ते कुमारे पहाए जाव सव्वालंकारविभूसिए बहूहिं दारएहि य दारियाहि य डिंभएहि य डिंभियाहि य कुमारएहि य कुमारियाहि य सद्धिं संपरिवुडे साओ गिहाओ पडिणिक्खमइ पडिणिक्खमित्ता जेणेव इंदट्ठाणे तेणेव उवागए तेहिं बहूहिं दारएहि य संपरिवुडे अभिरममानेअभिरममाणे विहरइ ।
तए णं भगवं गोयमे पोलासपुरे नयरे उच्चनीय- जाव अडमाणे इंदट्ठाणस्स अदूरसामंतेणं वीइवयइ तए णं से अइमुत्ते कुमारे भगवं गोयमं अदूरसामंतेणं वीइवयमाणं पासइ पासित्ता जेणेव भगवं गोयमे तेणेव उवागए भगवं गोयमं एवं वयासी के णं भंते! तुब्भे किं वा अडह?
तणं भगवं गोयमे अइमुत्ते कुमारं एवं वयासी अम्हे णं देवाणुप्पिया समणा निग्गंथा इरियासमिया जाव गुत्तबंभयारी उच्चनीय- जाव अडामो, तए णं अइमुत्ते कुमारे भगवं गोयमं एवं वयासीएह णं भंते! तुब्भे जा णं अहं तुब्भं भिक्खं दवावेमी त्ति कट्टु भगवं गोयमं अंगुलीए गेण्हइ गेत्ता जेणेव सए गिहे तेणेव उवागए, तए णं से सिरिदेवी भगवं गोयमं एज्जमाणं पासइ पासित्ता हट्ठट्ठा आसणाओ अब्भुट्ठेइ अब्भुट्टेत्ता जेणेव भगवं गोयमे तेणेव उवागया भगवं गोयमं तिक्खुत्तो आयाहिणपयाहिणं॰ वंदइ वंदित्ता विउलेणं असण-पाण- खाइम साइमेणं पडिलाभेत्ता पडिविसज्जेइ |
तणं से अइत्ते कुमारे भगवं गोयमं एवं वयासी कहिं णं भंते तुब्भे परिवसह ? तए णं से भगवं गोयमे अइमुत्तं कुमारं एवं वयासी एवं खलु देवाणुप्पिया मम धम्मायरिए धम्मोवएसए समणे भगवं महावीरे आइगरे जाव संपाविउकामे इहेव पोलासपुरस्स नगरस्स बहिया सिरिवणे उज्जाणे अहापडिरूवं ओग्गहं ओगिण्हित्ता संजमेणं जाव भावेमाणे विहरड़, तत्थ णं अम्हे परिवसामो ।
तए णं से अइमुत्ते कुमारे भगवं गोयमं एवं वयासी- गच्छामि णं भंते! अहं भेहिं सद्धिं समणं महावीरं पायवंदए ? अहासुहं० तए णं से अइमुत्ते कुमारे भगवं गोयमेणं सद्धिं जेणेव समणे भगवं महावीरे तेणेव उवागच्छइ उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ करेत्ता वंदइ जाव पज्जुवासइ,
तए णं भगवं गोयमे जेणेव समणे भगवं महावीरे तेणेव उवागए जाव पडिदंसेइ पडिदंसेत्ता संजमेणं तवसा० अप्पाणं भावेमाणे विहरइ ।
[दीपरत्नसागर संशोधितः]
[21]
[८-अंतगडदसाओ]
Page #23
--------------------------------------------------------------------------
________________
तणं समणे भगवं महावीरे अइमुत्तस्स कुमारस्स तीसे य धम्ममाइक्खइ, धम्मं सोच्चा निसम्म हट्ठतुट्ठे जाव जं नवरं - देवाणुप्पिया! अम्मापियरो आपुच्छामि, तए णं अहं देवणुप्पियाणं अंतिए जाव पव्वयामि, अहासुहं देवाणुप्पिया० ।
तणं से अइत्ते कुमारे जेणेव अम्मापियरो तेणेव उवगाए जाव पव्वइत्तए, तए णं तं अइमुत्तं कुमारं अम्मापियरो एवं वयासी-बाले सि ताव तुमं पुत्ता! असंबुद्धे०, किं णं तुमं जाणसि धम्मं? तए णं से अइमुत्ते कुमारे अम्मापियरो एवं वयासी- एवं खलु अहं अम्याओ! जंचेव जाणामि तं चेव न जाणामि जं चेव न जाणामि तं चेव जाणामि ।
तए णं तं अइमुत्तं कुमारं अम्मापियरो एवं वयासी कहं णं तुमं पुत्ता! जं चेव जाणसितं चेव न जाणसि जं चेव न जाणसि तं चेव जाणसि ।
तए णं से अइमुत्ते कुमारे अम्मापियरो एवं वयासी - जाणामि अहं अम्मयाओ! जहा- जाणं अवस्स मरियव्वं न जाणामि अहं अम्मयाओ! काहे वा कहिं वा कहं वा कियच्चिरेणं वा न जाणामि णं वग्गो-६, अज्झयणं - १५
अम्मयाओ! केहिं कम्मायणेहिं जीवा नेरइय-तिरिक्खजोणिय मणुस्से-देवेसु उववज्जंति जाणामिणं अम्मयाओ! जहा- सएहिं कम्माययणेहिं जीवा नेरइया- जाव उववज्जंति, एवं खलु अहं अम्मयाओ! जं चेव जाणामि तं चेव न जाणामि जं चेव न जाणामि तं चेव जाणामि, तं इच्छाणि णं अम्मयाओ तुभेहिं अब्भणुण्णाए जाव पव्वइत्तए ।
तए णं तं अइमुत्तं कुमारं अम्मापियरो जाहे नो संचाएंति बहूहिं आघवणाहि० जाव तं इच्छामो ते जाया! एगदिवसमवि रायसिरिं पासेत्तए, तए णं से अइमुत्ते कुमारे अम्मापिठवयणमणुयत्तमाणे तुसिणीए संचिट्ठइ, अभिसेओ जहा- महब्बलस्स निक्खमणं जाव सामाइयमाइयाइं॰ अहिज्जइ, बहूइं वासाइं सामण्णपरियागं पाउणइ गुणरयणं तवोकम्मं जाव विपुले सिद्धे
|
छट्टे वग्गे पन्नरसमं अज्झयणं समत्तं •
[] सोलसमं-अज्झयणं- अलक्के []
[४०] तेणं कालेणं तेणं समएणं वाणारसी नयरी, काममहावणे चेइए, तत्थ णं वाणारसीए अलक्खे नामं राया होत्था, तेणं कालेणं तेणं समएणं समणे भगवं महावीरे जाव विहरड़, परिसा निग्गया तए णं अलक्खे राया इमीसे कहाए लट्ठे हट्ठतुट्ठे जहा- कोणिए जाव पज्जुवासइ, धम्मकहा०
तणं से अलक्खे राया समणस्स भगवओ महावीरस्स अंतिए जहा- उद्यायणे तहा निक्खते नवरं-जेट्ठपुत्तं रज्जे अभिसिंचइ एक्कारस अंगाई बहू वासा परियओ जाव विपुले सिद्धे ।
एवं खलु जंबू समणं जाव छट्ठमस्स वग्गस्स अयमट्ठे पन्नत्ते ।
• छुट्टे वग्गे सोलसमं अज्झयणं समत्तं •
() छट्टो वग्गो समत्तो ( )
मुनि दीपरत्नसागरेण संशोधितः सम्पादित्तश्च छट्ठो वग्गो समत्तो •
• सत्तमो वग्गो •
o
[दीपरत्नसागर संशोधितः ]
[22]
[८-अंतगडदसाओ]
Page #24
--------------------------------------------------------------------------
________________
॥ पढम-अज्झयणं । [४१] जइ णं भंते! सत्तमस्स वग्गस्स उक्खेवओ जाव तेरस अज्झयणा पन्नत्ता तं जहा
[४२] नंदा तह नंदवई नंदुत्तर नंदिसेणिया चेव ।
मरूवा सुमरूत्ता महमरूत्ता मरूदेवा य अट्ठमा ।।। [४३] भद्दा य सुभद्दा य सुजाया सुमणाइया ।
भूयदिण्णा य बोधव्वा सेणियभज्जाण नामाई ।। [४४] जड़ णं भंते० तेरस अज्झयणा पन्नत्ता पढमस्स णं भंते! अज्झयणस्स अंतगडदसाणं के अढे पन्नत्ते?, एवं खल जंब! तेणं कालेणं तेणं समएणं रायगिहे नयरे, गणसिलए चेइए, सेणिए राया वण्णओ, तस्स णं सेणियस्स रण्णो नंदा नाम देवी होत्था-वण्णओ, सामी समोसढे, परिसा निग्गया, तए णं सा नंदा देवी इमीसे कहाए लद्धवा० कोडुबियपरिसे सद्दावेइ सद्दावेत्ता, जाणं दुरुहइ जहापउमावई जाव एक्कारस अंगाई अहिज्जित्ता वीसं वासाइं परियाओ जाव सिद्धा |
• सत्तमे वग्गे पढमं अज्झयणं समत्तं .
वग्गो-७, अज्झयणं/-२-१३
॥ २-१३-अज्झयणाणि । [४५) एवं तेरस वि देवीओ नंदागमेण नेयव्वाओ ।
() सत्तमो वग्गो समत्तो () • मुनि दीपरत्नसागरेण संशोधितः सम्पादित्तश्च सत्तमो वग्गो समत्तो .
० अहमो-वग्गो ०
। पढम-अज्झयणं- काली । [४६] जइ णं भंते! अट्ठमस्स वग्गस्स उक्खेवओ जाव दस अज्झयणा पन्नत्ता तं जहा- | [४७] काली सुकाली महाकाली कण्हा सुकण्हा महाकण्हा ।
वीरकण्हा य बोधव्वा रामकण्हा तहेव य ।
पिउसेणकण्हा नवमी दसमी महासेणकण्हा य ।। [४८] जइ अट्ठमस्स अंगस्स दस अज्झयणा पन्नत्ता, पढमस्स अज्झयणस्स अंतगडदसाणं के अढे पन्नत्ते? एवं खल जंबू! तेणं कालेणं तेणं समएणं चंपा नामं नयरी होत्था, पन्नभद्दे चेइए, तत्थ णं चंपाए नयरीए कोणिए राया-वण्णओ, तत्थ णं चंपाए नयरीए सेणियस्स रण्णो भज्जा कोणियस्स रण्णो चुल्लमाउया काली नामं देवी होत्था-वण्णओ, जहा- नंदा जाव सामाइयमाइयाई एक्कारस अंगाई अहिज्जइ बहहिं चउत्थ० जाव अप्पाणं भावेमाणी विहरइ ।
तए णं सा काली अज्जा अण्णया कयाइ जेणेव अज्जचंदणा अज्जा तेणेव उवागया उवागच्छित्ता एवं वयासी-इच्छामि णं अज्जाओ! तब्भेहिं अब्भणण्णया समाणी रयणावलिं तवं उवसंपज्जित्ता णं विहरित्तए, अहासुहं० तए णं सा काली अज्जा अज्जचंदणाए अब्भणुण्णाया समाणी रयणावलिं तवं उवसंपज्जित्ता णं विहरइ तं जहा -
[दीपरत्नसागर संशोधितः]
[23]
[८-अंतगडदसाओ]
Page #25
--------------------------------------------------------------------------
________________
चउत्थं करेइ, करेत्ता सव्वकामगुणियं पारेइ, पारेत्ता छट्ठे करेइ करेत्ता सव्वकामगुणियं पारेइ, अट्ठमं करेइ करेत्ता सव्वकामगुणिय पारेइ, अट्ठे छट्ठाई करेइ करेत्ता सव्वकामगुणियं पारेइ, चउत्थं करेइ करेत्ता सव्वकामगुणियं पारेइ, छटुं करेइ करेत्ता सव्वकामगुणियं पारेइ, अट्ठमं करेइ करेत्ता सव्वकामगुणियं पारेइ, दसमं करेइ करेत्ता सव्वकामगुणियं पारेइ, दुवालसमं करेइ करेत्ता सव्वकामगुणियं पारेइ, चोद्दसमं करेइ करेत्ता सव्वकामगुणियं पारेइ, सोलसमं करेइ करेत्ता सव्वकामगुणियं पारेइ, अट्ठारसमं करेइ करेत्ता सव्व-कामगुणियं पारेइ, वीसइमं करेइ करेत्ता सव्वकामगुणियं पारेइ बावीसइमं करेइ करेत्ता सव्वकामगुणियं पारेइ चउवीसइमं करेइ करेत्ता सव्वकामगुणियं पारेइ, छव्वीसइमं करेइ करेत्ता सव्वकामगुणियं पारेइ, अट्ठावीसइमं करेइ करेत्ता सव्वकामगुणियं पारेइ, तीसइमं करेइ करेत्ता सव्वकामगुणियं पारेइ, बत्तीसइमं करेइ करेत्ता सव्वकामगुणियं पारेइ, चोत्तीसइमं करेइ करेत्ता सव्वकामगुणियं पारेइ, चोत्तीसं छट्ठाई करेइ करेत्ता सव्वकामगुणियं पारे ।
चोत्तीसइमं करेइ करेत्ता सव्वकागुणियं पारेइ, बत्तीसइमं करेइ करेत्ता सव्वकामगुणियं पारेइ तीसइमं करेइ करेत्ता सव्वकामगुणियं पारेइ, अट्ठावीसइमं करेइ करेत्ता सव्वकामगुणियं पारेइ, छव्वीसइमं करेइ करेत्ता सव्वकामगुणियं पारेइ, चउवीसइमं करेइ करेत्ता सव्वकामगुणियं पारेइ, बावीसइमं
करेइ
का
वग्गो-८, अज्झयणं-१
सव्वकामगुणियं पारेइ, वीसइमं करेइ करेत्ता सव्वकामगुणियं पारेइ, अट्ठारसमं करेइ करेत्ता सव्वकामगुणियं पारेइ, सोलसमं करेइ करेत्ता सव्वकामगुणियं पारेइ, चोद्दसमं करेइ करेत्ता सव्वकामगुणियं पारेइ, बारसमं करेइ करेत्ता सव्वकामगुणियं पारेइ, दसमं करेइ करेत्ता सव्वकामगुणियं पारेइ, अट्ठमं करेइ करेत्ता सव्वकामगुणियं पारेइ, छट्ठे करेइ करेत्ता सव्व० पारेइ, चउत्थं करेइ करेत्ता सव्वकामगुणियं पारेइ,
एवं खलु एसा रयणावलीए तवोकम्मस्स पढमा परिवाडी एगेणं संवच्छरेणं तिहिं मासेहिं बावीसाए य अहोरत्तेहिं अहासुत्तं जाव आराहिया भवइ, तयाणंतरं च णं दोच्चाए परिवाडीए चउत्थं करेइ करेत्ता विगइवज्जं पारेइ, छट्ठे करेइ करेत्ता विगइवज्जं पारेइ एवं जहा- पढमाए वि नवरं सव्वपारणए विगइवज्जं पारेइ जाव आराहिया भवइ, तयाणंतरं च णं तच्चाए परिवाडीए चउत्थं करेइ करेत्ता अलेवाड पारेइ सेसं तहेव, नवरं नलेवाडं पारेइ, एवं चउत्था परिवाडी नवरं सव्वपारणए आयंबिलं पारेइ सेसं तं चेव ।
[४९] पढमंमि सव्वकामं पारणयं बिइयए विगइवज्जं ।
तइयंमि अलेवाड आयंबिलमो चउत्थमि ||
[५०] तए णं सा काली अज्जा रयणवली - तवोकम्मं पंचहिं संवच्छरेहिं दोहि य मासेहिं अट्ठावीसाए य दिवसेहिं अहासुत्तं जाव आराहेत्ता जेणेव अज्जचंदणा अज्जा तेणेव उवागच्छन् उवागच्छित्ता अज्झचंदणं अज्जं वंदइ नमसइ वंदित्ता नमंसित्ता बहूहिं चउत्थ जाव अप्पाणं भावेणी विहरइ
तए णं सा काली अज्जा तेणं ओरालेणं जाव धमणिसंतया जाया यावि होत्था से जहाइंगाल० जाव सुहुयहुयासणे इव भासरासिपलिच्छण्णा तवेणं तेणं तवतेयसिरीए अईव अईव उवसोहेमाणीउवसोहेमाणी चिट्ठइ, तए णं तीसे कालीए अज्जाए अण्णया कयाइ पुव्वरत्तावरत्ताकाले अयमज्झत्थिए० जहा- खंदयस्स चिंता जहा जाव अत्थि उट्ठाणे कम्मे बले वीरिए पुरिसक्कार- परक्कमे तावता मे सेयं [दीपरत्नसागर संशोधितः] [24]
[८-अंतगडदसाओ]
Page #26
--------------------------------------------------------------------------
________________
कल्लं० जाव जलंते० अज्जचंदणं अज्जं आपच्छित्ता अज्जचंदणाए अज्जाए अब्भणण्णायए समाणीए संलेहणा-झुसणा-झुसियाए भत्तपाण-पडियाइक्खियाए कालं अणवकंखमाणीए विहरित्तए त्ति कट्ट एवं संपेहेइ संपेहेत्ता कल्लं जेणेव अज्जचंदणा अज्जा तेणेव उवागच्छइ उवागच्छित्ता अज्जचंदणं अज्जं वंदइ नमंसइ वंदित्ता नमंसित्ता एवं वयासी
इच्छामि णं अज्जो! तुब्भेहिं अब्भणुण्णाया समाणी संलेहणा-जाव विहरित्तए, अहासुहं०, तए णं सा काली अज्जा अज्जचंदणाए अब्भणण्णाया समाणी संलेहणा झसियो-जाव विहरइ, तए णं सा काली अज्जा अज्जचंदणाए अंतिए सामाइयमाइयाई एक्कारस अंगाई अहिज्जित्ता बहपडिपन्नाई अट्ठ संवच्छराइं सामण्णपरियागं पाउणित्ता मासियाए संलेहणाए अत्ताणं झसित्ता सद्धिं भत्ताइं अणसणाए छेदित्ता जस्स-हाए कीरति नग्गभावे जाव चरिमस्सासनीसेहिं सिद्धा, निक्खेवओ अज्झयणं ।
• अहमे वग्गे पढमं अज्झयणं समत्तं .
। बीयं अज्झयणं-सुकाली । [५१] तेणं कालेणं तेणं समएणं चंपा नामं नयरी, पन्नभद्दे चेइए, कोणिए राया, तत्थ णं सेणियस्स रण्णो भज्जा कोणियस्स रण्णो चुल्लमाउया सकाली नामं देवी होत्था, जहा- काली तहा सकाली वि निक्खंता जाव बहहिं जाव तवोकम्मेहिं अप्पाणं भावेमाणी विहरइ ।
तए णं सा सकाली अज्जा अण्णया कयाइ जेणेव अज्जचंदणा अज्जा जाव इच्छामि णं वग्गो-८, अज्झयणं-२
अज्जो! तुब्भेहिं अब्भणुण्णाया समाणी कणगावली-तवोकम्मं उवसंपज्जित्ता णं विहरित्तए, एवं जहारयणावली तहा कणगावली वि, नवरं-तिस् ठाणेस् अट्ठमाई करेइ जहा- रयणावलीए छट्ठाई एक्काए परिवाडीए संवच्छरो पंच मासा बारस य अहोरत्ता चउण्हं पंच वरिसा नव मासा अट्ठारस दिवसा सेसं तहेव, नव वासा परियाओ जाव सिद्धा ।
• अद्वमे वग्गे बीयं अज्झयणं समत्तं .
। तइयं अज्झयणं-महाकाली । [१२] एवं-महाकाली वि, नवरं-खड्डागं सीहनिक्कीलियं तवोकम्मं उवसंपज्जित्ता णं विहरइ, तं जहा- चउत्थं करेइ करेत्ता सव्वकामणियं पारेइ पारेत्ता छटुं करेइ करेत्ता सव्वकामगणियं पारेइ, चउत्थं करेइ करेत्ता सव्वकामगुणियं पारेइ, अट्ठमं करेइ करेत्ता सव्वकामगुणियं पारेइ, छटुं करेइ करेत्ता सव्वकाम-गुणियं पारेइ, दसमं करेड़ करेत्ता सव्वकामगुणियं पारेइ, अट्ठमं करेड़ करेत्त सव्वकामगुणियं पारेइ, दुवाल-समं करेइ करेत्ता सव्वाकामगुणियं पारेइ, दसमं करेइ करेत्ता सव्वकामगुणियं पारेइ, चोद्दसमं करेइ करेत्ता सव्वकामगुणियं पारेइ, दुवालसं करेइ करेत्ता सव्वकामणियं पारेइ, सोलसमं करेइ करेत्ता सव्वकामणियं पारेइ, चोद्दसमं करेइ करेत्ता सव्वकामगणियं पारेइ, अट्ठारसमं करेइ करेत्ता सव्वकाम-गुणियं पारेइ, सोलसमं करेइ करेत्ता सव्वकामणियं पारेइ वीसइमं करेइ करेत्ता सव्वकाम-गुणियं पारेइ, अट्ठारसमं करेइ करेत्ता सव्वकामगुणियं पारेइ, वीसइमं करेइ करेत्ता सव्वकाम-गुणियं पारेइ, सोलसमं करेइ करेत्ता सव्वकामगुणियं पारेइ, अट्ठारसमं करेइ करेत्ता सव्वकामगुणियं पारेइ चोद्दसमं करेइ करेत्ता सव्वकामगुणियं पारेइ, सोलसमं करेइ करेत्ता सव्वकामगुणियं पारेइ, बारसमं करेइ करेत्ता [दीपरत्नसागर संशोधितः]
[25]
[८-अंतगडदसाओ]
Page #27
--------------------------------------------------------------------------
________________
सव्वकामगुणियं पारेइ. चोद्दसमं करेइ करेत्ता सव्वकामगुणियं पारेइ, दसमं करेइ करेत्ता सव्वकामगुणियं पारेइ, बारसमं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ दसमं करेइ करेत्ता सव्वकामगुणियं पारेइ छटुं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामणियं पारेइ चउत्थं करेइ करेत्ता सव्वकामणियं पारेइ छटुं करेइ करेत्ता सव्वकामगणियं पारेइ चउत्थं करेइ करेत्ता सव्वकामगणियं पारेइ तहेव चत्तारि परिवाडीओ, एक्काए परिवाडीए छम्मासा सत्त य दिवसा चउण्हं दो वरिसा अट्ठावीसा य दिवसा जाव सिद्धा ।
• अहमे वग्गे तइअं अज्झयणं समत्तं .
॥ चउत्थं अज्झयण-कण्हा । [५३] एवं-कण्हा वि नवरं-महालयं सीहणिक्कीलियं तवोकम्मं जहेव खुड्डागं नवरंचोत्तीसइमं जाव नेयव्वं तहेव ओसारेयव्वं, एक्काए वरिसं छम्मासा अट्ठारस य दिवसा चउण्हं छव्वरिसा दोमासा बारस य अहोरत्ता, सेसं जहा- कालीए जाव सिद्धा ।
• अहमे वग्गे चउत्थं अज्झयणं समत्तं .
[] पंचमं अज्झयणं-सुकण्हा । [१४] एवं-स्कण्हा वि नवरं-सत्तसत्तमियं भिक्खपडिम उवसंपज्जित्ता णं विहरइ, पढमे सत्तए एक्केक्कं भोयणस्स दत्तिं पडिगाहेइ एक्केक्कं पाणयस्स, दोच्चे सत्तए दो-दो भोयणस्स दो-दो पाणयस्स पडिगाहेइ, तच्चे सत्तए तिण्णि-तिण्णि दत्तीओ भोयणस्स तिण्णि-तिण्णि दत्तीओ पाणयस्स, चउत्थे
पंचमे वग्गो-८, अज्झयणं-५
छढे सत्तमे सत्तए सत्त-सत्त दत्तीओ भोयणस्स सत्त-सत्त दत्तीओ पाणयस्स पडिगाहेइ, एवं खलु एयं सत्तस-त्तमियं भिक्खुपडिमं एगणपन्नाए रातिदिएहिं एगेणं य छन्नउएण भिक्खासएणं अहासत्तं जाव आराहेत्ता जेणेव अज्जचंदणा अज्जा तेणेव उवागया उवागच्छित्ता उज्जचंदणं अज्जं वंदइ नमसइ वंदित्ता नमंसित्ता एवं वयासी
इच्छामि णं अज्जाओ तुब्भेहिं अब्भणण्णाया समाणी अहमियं भिक्खुपडिमं उवसंपज्जित्ता णं विहरेत्तए, अहासुहं० तए णं सा सकण्हा अज्जा अज्जचंदणाए अज्जाए अब्भण्ण्णाया समाणी अहमियं भिक्खुपडिमं उवसंपज्जित्ता णं विहरइ, पढमे अट्ठए एक्केक्कं भोयणस्स दत्तिं पडिगाहेइ एक्केक्कं पाणयस्स जाव अट्ठमे अट्ठए अट्ठट्ठ भोयणस्स पडिगाहेइ अट्ठट्ठ पाणयस्स, एवं खलु एयं अट्ठहमियं भिक्खुपडिमं चउसट्ठीए रातिदिएहिं दोहि य अट्ठासीएहिं भिक्खासएहिं अहासत्तं आराहेत्ता जाव नवनवमियं भिक्खुपडिमं उवसंपज्जित्ता णं विहरइ- पढमे नवए एक्केक्कं भोयणस्स दत्तिं पडिगाहेइ एक्केक्कं पाणयस्स जाव नवमे नवए नव-नव दत्तीओ भोयणस्स पडिगाहेइ नव-नव पाणयस्स,
___एवं खल एयं नवनवमियं भिक्खुपडिमं एक्कासीतिए राइंदिएहिं चउहिं य पंचत्तरेहिं भिक्खा-सएहिं अहासत्तं आराहेत्ता जाव दसदसमियं भिक्खुपडिमं उवसंपज्जित्ता णं विहरइ-पढमे दसए एक्केक्कं भोयणस्स दत्तिं पडिगाहेइ एक्केक्कं पाणयस्स जाव दसमे दसए दस-दस दत्तीओ भोयणस्सपडिगाहेइ दस-दस पाणयस्स एवं खल एयं दस दसमियं भिक्खुपडिमं एक्केणं राइंदियसएणं अद्धछडेहिं य भिक्खासएहिं अहासुत्तं जाव आराहेइ आराहेत्ता बहूहिं चउत्थ जाव मासद्धमासखमणेहिं
[दीपरत्नसागर संशोधितः]
[26]
[८-अंतगडदसाओ]
Page #28
--------------------------------------------------------------------------
________________
विविहेहिं तवोकम्मेहिं अप्पाणं भावेमाणी विहरइ, तए णं सा सकण्हा अज्जा तेणं ओरालेणं तवोकम्मेणं जाव सिद्धा, निक्खेवओ अज्झयणा |
• अहमे वग्गे पंचमं अज्झयणं समत्तं .
1 छठं अज्झयणं- महाकण्हा ।। [५५] एवं-महाकण्हा वि नवरं-खुड्डागं सव्वओभदं पडिमं उवसंपज्जित्ताणं विहरइ, चउत्थं करेइ करेत्ता सव्वकामगुणियं पारेइ पारेत्ता छटुं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ दसमं करेइ करेत्ता सववकामगुणियं पारेइ दुवालसमं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगणियं पारेइ दसमं करेइ करेत्ता सव्वकामणियं पारेइ, दुवालसमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ छटुं करेइ करेत्ता सव्वकामगुणियं पारे । दुवालसमं करेइ करेत्ता सव्वकामणियं पारेइ, चउत्थं करेइ करेत्ता सव्वकामगुणियं पारेइ छटुं करेइ करेत्ता सव्वकाम० अट्ठमं करेइ करेत्ता सव्वकाम० दसमं करेत्ता सव्वकाम० छटुं० सव्व० अट्ठमं करेइ करेत्ता सव्वकाम० |
दसमं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगणियं पारेइ, चउत्थं करेइ करेत्ता सव्वकामगणियं पारेइ दसमं करेइ करेत्ता सव्वकामगणियं पारेइ द्वालसमं करेड़ करेत्ता सव्वकामगणियं पारेइ चउत्थं० सव्व०, छटुं० सव्व०, अट्ठमं० सव्वकाम० एवं खलु एयं खड्डागसव्व-ओभद्दस्स तवोकम्मस्स पढमं परिवाडिं तिहिं मासेहिं दसहिं य दिवसेहिं अहासत्तं जाव आराहेत्ता दोच्चाए परिवाडीए चउत्थं करेइ करेत्ता विगइवज्जं पारेइ पारेत्ता जहा- रयणावलीए तहा एत्थ वि चत्तारि परिवाडीओ वग्गो-८, अज्झयणं-६
पारणा तहेव चउण्हं कालो संवच्छरो मासो दस य दिवसा सेसं तहेव जाव सिद्धा, निक्खेवओ अज्झयणं ।
• अहमे वग्गे छटुं अज्झयणं समत्तं .
[] सत्तमं अज्झयणं-वीरकण्हा ॥ [५६] एवं-वीरकण्हा वि नवरं-महालयं सव्वओभदं तवोकम्मं उवसंपज्जित्ता णं विहरइ तं जहा- चउत्थं करेइ करेत्ता सव्वकामगणियं पारेइ छटुं करेइ करेत्ता सव्वकामगणियं पारेइ अट्ठमं करेइ करेत्ता सव्वकामगणियं पारेइ दसमं करेड़ करेत्ता सव्वकामगणियं पारेइ द्वालसमं करेइ करेत्ता सव्वकामगणियं पारेइ चोद्दसमं करेइ करेत्ता सव्वकामगणियं पारेइ सोलसमं करेड़ करेत्ता सव्वकामगणियं पारेइ दसमं करेइ करेत्ता सव्वकामगुणियं पारेइ हालसमं करेइ करेत्ता सव्वकामगुणियं पारेइ चोद्दसमं करेइ करेत्ता सव्वकामगणियं पारेइ सोलसमं करेइ करेत्ता सव्वकामगणियं पारेइ चउत्थं करेइ करेत्ता सव्वकामगुणियं पारेइ छटुं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ सोलसमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ छटुं करेइ करेत्ता सव्वकामगुणियं पारइ अट्ठमं करेइ करेत्ता सव्वकामगुणियं पारेइ दसमं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ चोद्दसमं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ दसमं करेइ करेत्ता सव्वकाम-गुणियं
[दीपरत्नसागर संशोधितः]
[27]
[८-अंतगडदसाओ]
Page #29
--------------------------------------------------------------------------
________________
पारेइ दुवालसमं करेइ करेत्ता सव्वकामगणियं पारेइ चोद्दसमं करेइ करेत्ता सव्वकामगुणियं पारेइ सोलसमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ छटुं करेइ करेत्ता सव्वकामगणियं पारेइ चोद्दसमं करेइ करेत्ता सव्वकामगणियं पारेइ सोलसमं करेइ करेत्ता सव्वकामगणियं पारेइ ।
चउत्थं करेइ करेत्ता सव्वकामगुणियं पारेइ छटुं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ दसमं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ छटुं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ दसमं करेइ करेत्ता सव्वकाम गुणियं पारेइ दुवालसमं करेइ करेत्ता सव्वकामगुणियं पारेइ चोद्दसमं करेइ करेत्ता सववकामगणियं पारेइ सोलसमं करेइ करेत्ता सव्वकामगणियं पारेइ चउत्थं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ । चोद्दसमं करेइ करेत्ता सव्वकामणियं पारेइ सोलसमं करेइ करेत्ता सव्वकामणियं पारेइ चउत्थं करेइ करेत्ता सव्वकामणियं पारेइ छटुं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ । दसमं करेइ करेत्ता सव्वकामगुणियं पारेइ एक्केक्काए लयाए अट्ठ मासा पंच य दिवसा चउण्हं दो वासा अट्ठ मासा वीसं य दिवसा सेसं तहेव जाव सिद्धा ।
• अहमे वग्गे सत्तमं अज्झयणं समत्तं .
। अट्ठमं अज्झयणं-रामकण्हा । [५७] एवं-रामकण्हा वि नवरं-भद्दोतरपडिमं उवसंपज्जित्ता णं विहरइ तं जहा- दुवालसमं करेइ करेत्ता सव्वकामणियं पारेइ चोद्दसमं करेइ करेत्ता सव्वकामगणियं पारेइ सोलसमं करेइ करेत्ता सव्वकामगुणियं पारेइ अट्ठारसमं करेइ करेत्ता सव्वकामगुणियं पारेइ वीसइमं करेइ करेत्ता सव्वकामगुणियं पारेइ सोलसमं करेइ करेत्ता सव्वकामगुणियं पारेइ अट्ठारसमं करेइ करेत्ता सव्वकामगुणियं पारेइ वीसइम वग्गो-८, अज्झयणं-८ ।
करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ चोद्दसमं करेइ करेत्ता सव्वकामगुणियं पारेइ वीसइमं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ चोद्दसमं करेइ करेत्ता सव्वकामगुणियं पारेइ सोलसमं करेइ करेत्ता सव्वकामगुणियं पारेइ ।
अट्ठारसमं करेइ करेत्ता सव्वकामगणियं पारेइ चोद्दसमं करेइ करेत्ता सव्वकामगणियं पारेड़ सोलसमं करेइ करेत्ता सव्वकामगुणियं पारेइ अट्ठारसमं करेइ करेत्ता सव्वकामगुणियं पारेइ वीसइमं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ अट्ठारसमं करेइ करेत्ता सव्व-कामगुणियं पारेइ वीसइमं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामणियं पारेइ चोद्दसमं करेइ करेत्ता सव्वकामणियं पारेइ सोलसमं करेइ करेत्ता सव्व० पारेइ एक्काए कालो छम्मासा वीस य दिवसा चउण्हं कालो दो वरिसा दो मासा वीस य दिवसा सेसं तहेव जहाकाली जाव सिद्धा ।
• अहमे वग्गे अहमं अज्झयणं समत्तं .
[दीपरत्नसागर संशोधितः]
[28]
[८-अंतगडदसाओ]
Page #30
--------------------------------------------------------------------------
________________
[] नवमं अज्झयणं पिउसेणकण्हा []
[५८] एवं-पिउसेणकण्हा वि नवरं मुत्तावलिं तवोकम्मं उवसंपज्जित्ता णं विहरड़ तं जहाचउत्थं करेइ करेत्ता सव्वकामगुणियं पारेइ छट्ठे करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ अट्ठमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणयं पारेइ दसमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ दुवालसमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ चोद्दसमं करेइ करेत्ता सव्वकाम-गुणियं पारेइ चउत्थं करेइ करेत्ता सव्वकामगुमियं पारेइ सोलसमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ अट्ठारसमं करेइ करेत्ता सव्वकामगुणियं पारेइ ।
चउत्थं करेइ करेत्ता सव्वकामगुणियं पारेइ वीसइमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ बावीसइमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ चउवीसइमं करेइ करेत्ता सव्वकामगुणियं पारेड् चउत्थं करेइ करेत्ता सव्वकामगुणियं पारेइ छव्वीसइमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ अट्ठावीसइमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ तीसइमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ बत्तीसइं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ चोत्तीसइमं करेइ करेत्ता सव्वकामगुणियं पारेइ चउत्थं करेइ करेत्ता सव्वकामगुणियं पारेइ बत्तीसइमं करेइ करेत्ता सव्वकामगुणियं पारेइ एवं तहेव ओसारेइ जाव चउत्थं करेइ करेत्ता सव्वकामगुणियं पारेइ । एक्काए कालो एक्कारस मासा पन्नरस य दिवसा चउण्हं तिण्णि वरिसा दस य मासा सेसं
जाव सिद्धा ।
• अट्ठमे वग्गे नवमं अज्झयणं समत्तं •
[] दसमं अज्झयणं महासेणकण्हा []
[५९] एवं-महासेणकण्हा वि नवरं-आयंबिलवड्ढमाणं तवोकम्मं उपसंपज्जित्ता णं विहरइ,
तं जहा- आयंबिलं करेइ करेत्ता चउत्थं करेइ, बे आयंबिलाई करेइ करेत्ता चउत्थं करेइ, तिण्णि आयंबिलाई
वग्गो-८, अज्झयणं - १०
करेइ करेत्ता चउत्थं करेइ, चत्तारि आयंबिलाई करेइ करेत्ता चउत्थं करेइ, पंच आयंबिलाई करेइ करेत्ता चउत्थं करेइ छ आयंबिलाई करेइ करेत्ता चउत्थं करेइ एवं एक्कुत्तरियाए वड्ढीए आयंबिलाई वड्ढति चउत्थंतरियाई जाव आयंबिलसयं करेइ करेत्ता चउत्थं करेइ ।
तणं सा महासेणकण्हा अज्जा आयंबिलवड्ढमाणं तवोकम्मं चोद्दसहिं वासेहिं तिहि य मासेंहिं वीसहि य अहोरत्तेहिं अहासुत्तं जाव आराहेत्ता जेणेव अज्जचंदणा अज्जा तेणेव उवागया उवागच्छित्ता जाव नमंसित्ता बहूहिं चउत्थेहिं जाव भावेमाणी विहरइ ।
तणं सा महासेणकण्हा अज्जा तेणं ओरालेणं जाव उवसोहेमाणी चिट्ठइ, तए णं तीसे महासेणकण्हाए अज्जाए अण्णया कयाइं पुव्वरत्तावरत्तकाले चिंता जहा - खंदयस्स जाव अज्जचंदणं अज्जं आपुच्छइ जाव संलेहणा, कालं अणवक्खमाणी विहरइ ।
[दीपरत्नसागर संशोधितः ]
[29]
[८-अंतगडदसाओ]
Page #31
--------------------------------------------------------------------------
________________ तए णं सा महासेणकण्हा अज्जा अज्जचंदणाए अज्जाए अंतिए सामाइयमाइयाई एक्कारस अंगाई अहिज्जित्ता बहुपडिपन्नाई सत्तरस वासाइं परियायं पालइत्ता मासियाए संलेहणाए अप्पाणं झूसित्ता सहि भत्ताई अणसणाए छेदित्ता जस्सट्टाए कीरइ नग्गभावे जाव तमढें आराहेइ आराहेत्ता चरिमउस्सासनिस्सासेहिं सिद्धा बुद्धा / [60] अट्ठ य वासा आई एक्कोत्तरयाए जाव सत्तरस / एसो खल परियाओ सेणियभज्जाण नायव्वो / / [61] एवं खलु जंबू! समणेणं भगवया महावीरेणं जाव संपत्तेणं अट्ठमस्स अंगस्स अंतगडदसाणं अयमढे पन्नत्ते / [62] अंतगडदसाणं अंगस्स एगो सुयखंधो अट्ठ वग्गा अट्ठसु चेव दिवसेसु उद्दिसिज्जंति तत्थ पढमबिइयवग्गे दस-दस उद्देसगा तइयवग्गे तेरस उद्देसगा चउत्थपंचमवग्गे दस-दस उद्देसगा छ?वग्गे सोलस उद्देसगा सत्तमवग्गे तेरस उद्देसगा अट्ठमवग्गे दस उद्देसगा सेसं जहा- नायाधम्मक-हाणं / * अहमे वग्गे दसमं अज्झयणं समत्तं . * अहमो वग्गो समत्तो . 0 मुनि दीपरत्नसागरेण संशोधितः सम्पादित्तश्च अहमो वग्गो समत्तो 0 अंतगडदसाओ अट्ठमं अंगसुत्तं समत्तं * मुनि दीपरत्नसागरेण संशोधितः सम्पादित्तश्च अंतगडदसाओ समत्तो [दीपरत्नसागर संशोधितः] [30] [८-अंतगडदसाओ]