________________
એટલી બધી કાળજી ને સારસંભાળ કરી કે એ જોઈને થયું કે ગચ્છનાયક હોય તો નાનાં-મોટાં સ્વપરનાં સાધુ-સાધ્વીઓની પ્રેમાળ વિશ્રામણા કરે એવા- આવા જ હોય.
આવા આવા તો કંઈક પ્રસંગોથી પૂજ્યવરનું જીવન વિશેષ શોભાયમાન બનેલું છે. મેં તો મને યાદ છે એમાંના કેટલાક પ્રસંગો જ અહીં આપ્યા છે. આ પ્રસંગોમાં એમની વાત્સલ્યભરી સાધુતાનાં દર્શન થાય છે.
અને, મારા અંગત અનુભવની વાત કહું તો મેં એમનામાં ઘેઘૂર વડલાની શીળી છાયાની ઠંડક અનુભવી છે; ઝરણાંના નિર્મળ જળની મીઠપ માણી છે; કુટુંબના પિતામહની છત્રછાયા એમના સાંનિધ્યમાં પ્રાપ્ત કરી છે, માતાના હૈયે હોય એવી વહાલપ એમના ચરણોમાં બેસીને હું પામ્યો છું.
આ બધું આજે સાંભરે છે ત્યારે હૈયું ઘણીવાર વિષણ બની જાય છે રે! એ પ્રેમાળ હાથ હવે માથે કોણ ફેરવે ?
અંતમાં એટલું જ કહીશ કે મારા જીવનના ઘડતરમાં અગ્રભાગ ભજવનાર, પૂરો રસ દાખવનાર એ પરમદયાલુ પૂજ્યવરની કૃપાના સહારે સહારે એમનાં ઉન્નત જીવનને અને ઉદાત્ત આચરણને અનુકૂળ જીવન પસાર કરી શકવાનું સામર્થ્ય મને પ્રાપ્ત થાય.
૧૭૯
Jain Education International
For Private & Personal Use Only
www.jainelibrary.org
