Tu Rangai Jane Rangma 06

Author(s): Purnanand Prakashan
Publisher: Purnanand Prakashan

Page 9

:: : - -
701693 v6 11 11, 1
તીર્થ
- - - Mea tag at 03:4)
સાચું
કથા છે અજૈનની પરંતુ ખૂબ જ રસપ્રદ છે. માતા-પિતા (મમ્મી-પપ્પા)નું સ્થાન આપણા જીવનમાં ક્યાં હોવું જોઈએ તે આ કથા કહી જાય છે.
વૈષ્ણવ ધર્મમાં ભગવાન શંકર અને માતા પાર્વતીજીનું ખૂબ જ ઊંચું સ્થાન છે. તેમને બે દીકરા હતા. પહેલાનું નામ કાર્તિકેય અને બીજાનું નામ ગણેશ હતું.
બંનેને પાસે બેસાડીને એકવાર ભગવાન શંકર અને માતા પાર્વતીજીએ કહ્યું કે તમો બંને મોટા થયા છો, તો ૬૮ તીર્થની જાત્રા કરીને આવો જે પહેલો આવશે તેને મોટું ઇનામ આપીશું. તીરથની યાત્રા તો આત્માને તારી દે, ભવો ભવનાં પાપોને પખાવી નાખે આવી યાત્રા કરવાનું મન કોને ન થાય ?
બંનેએ નક્કી કર્યું કે આપણે પૃથ્વીની પ્રદક્ષિણા કરીને જાત્રા કરવી અને પછી પાછા આવવું. તે જમાનામાં ગાડી-મોટર હતા નહીં. ચાલતા જવાનું હતું. કાર્તિકેયને તો પોતાનો પાતળો અને ઊંચો શરીરનો બાંધો, લાંબા લાંબા પગ, હરણની જેમ છલાંગ મારતો દોડી શકે. ગણેશજીને લાંબી સૂંઢ અને મોટી ફાંદ, પગ તો નાના નાના હતા તેથી તે તો ધીરે ધીરે ચાલે, કેમ કરી જલદી જઈ ૬૮ તીથની યાત્રા કરી આવી શકે ? મોટું ઇનામ તો પોતાને લેવું છે પણ ઝડપી ચાલી શકાય તેમ નથી તેથી મૂંઝવણમાં પડી ગયા કે શું કરવું ? વિચાર કરતાં કરતાં રસ્તો મળી ગયો. ગણેશજી તો ખુશખુશાલ થઈ ગયા.
સુંદર મજાના એક ઉંચા સ્થાનને શુદ્ધ કરી પૂજા કરી માતા-પિતા (મમ્મી-પપ્પા)ને આદર અને વિનયપૂર્વક બેસાડ્યા, માતા પિતાને કાંઈ સૂઝ નથી પડતી. ગણેશ તો પિતાને પગે લાગી પ્રદક્ષિણા દેવા લાગ્યા. એક પછી એક એમ ૬૮ પ્રદક્ષિણા આપી અને ૬૮ વાર ચરણસ્પર્શ કર્યો અને છેલ્લે પગે લાગી બે હાથ જોડી મસ્તક નમાવી માતાપિતાની સામે બેસી ગયા અને કહ્યું કે મારી પૃથ્વીની પ્રદક્ષિણા અને ૬૮ તીરથની યાત્રા થઈ ગઈ છે. માતા-પિતા (મમ્મી-પપ્પા) આ પૃથ્વી ઉપરનું સાચું તીર્થ છે. સાક્ષાત્ ભગવાન છે. મારા માટે જગતમાં માતા-પિતાથી કોઈ મહાન નથી. આવી ભક્તિથી ખુશ થઈ માતા-પિતાએ ખરેખર ઇનામ ગણેશજીને આપી દીધું. કાર્તિકેય તો કેટલાય દિવસો સુધી ફરી ફરીને થાકી ગયેલા. ધીરેધીરે ચાલતા જ્યારે ઘરે આવ્યા ત્યારે ખબર પડી કે ગણેશ તો અહીં જ છે, હજુ ગયા જ નથી. તેથી માતા-પિતા પાસે હરખભેર ઇનામની માંગણી કરી. માતા-પિતા (મમ્મી-પપ્પા)એ કહ્યું કે, ‘‘બેટા કાર્તિકેય ! તે ઇનામ તો ગણેશને મળી ગયું. તેઓ ભલે બહાર યાત્રા કરવા નથી ગયા પરંતુ તેઓએ અમોને તીર્થ સમજીને અડસઠ પ્રદક્ષિણા કરીને વંદન કર્યાં છે. દુનિયાનું મોટામાં મોટું તીર્થ એ માતા-પિતા (મમ્મી-પપ્પા) છે.’’ આ વાતનું કાર્તિકેયને સાચું જ્ઞાન થયું કે ‘‘બીજાં તીર્થો કરતાં માતા-પિતા મહાન છે તે વાત સાચી છે અને ગણેશ મારાથી મહાન છે, બુદ્ધિશાળી છે.”
કાર્તિકેય પણ અત્યંત ભાવવિભોર બની માતા-પિતાનાં ચરણોમાં પડ્યો... તેને પણ તીર્થયાત્રા જેટલો આનંદ થયો. માતા-પિતા તો ઉદાર દિલનાં જ હોય છે. તેમને કાર્તિકેયને પણ સાચા દિલથી આશીર્વાદ આપ્યા... માતાપિતાના આર્શીવાદના પ્રભાવે બંને જગતમાં મહાન બની પૂજાવા લાગ્યા.
બાળકો ઃ ૧. માતા પિતા (મમ્મી-પપ્પા) તીર્થ સમાન છે. તેમનો વિનય-ભક્તિ કરવી.
૨. સવારે ઊઠીને મમ્મી-પપ્પાને પગે લાગજો. તે સાક્ષાત ભગવાન છે.
૩. કાર્તિકેય મોટા હતા છતાં નાના ભાઈની વાત સમજાઈ અને સ્વીકારી લીધી. કેવી તેમની સરળતા છે !
૪. માતા-પિતાના આશીર્વાદ જ આપણને મહાન બનાવે છે. તમારે મહાન બનવું છે ને ? મહાન બનવા શું કરશો ?