Tirthmala

Author(s): Dhirajlal D Mehta
Publisher: Jain Dharm Prasaran Trust Surat

Page 24

તીર્થમાલા
૨૩
વીતરાગ પરમાત્માનાં પ્રતિમાજી દેરાસરોમાં બીરાજમાન છે. તે સર્વને હૈયાના ભાવપૂર્વક વંદન કરીને ભાવિમાં એટલે કે
આવતી ચોવીશીમાં થનારા પરમાત્માના સ્થાપિત પગલાંને
તથા પ્રતિમાજીને વંદના કરીને આ ચતુર્વિધ સંઘ સાથેનો મોટો સંઘ ભોજુઆ નામના ગામમાં દર્શન કરીને માંડલ નામના ગામમાં આવ્યો.
માંડલ નામના ગામમાં આવીને ત્યાં બીરાજમાન એવા ગાડરીયા પાર્શ્વનાથ પરમાત્માને ચિત્તના (મનના) ઘણા જ ઉલ્લાસપૂર્વક અર્થાત્ ભાવપૂર્વક વંદના કરી. II ૧૪–૧૫ ||
સારાંશ : ગંધાર અને કાવિ તીર્થની યાત્રા કરીને આગળ વધેલો આ સંઘ ખંભાતના રસ્તે થઈને સાણંદ ગામમાં આવ્યો. ત્યાંના પ્રતિમાજીને વંદના કરીને ગોધાવી નામનું ગામ, તથા ગોરજ નામનું ગામ પસાર કરી ત્યાં બીરાજમાન જિનેશ્વર પરમાત્માનાં દર્શન-વંદન-સેવા-પૂજા કરીને આ સંઘ અનુક્રમે વીરમગામ નામના ગામમાં આવી પહોંચ્યો. વીરમગામના સંઘે તે સંઘનો ઘણો જ ભવ્ય સત્કાર કર્યો ત્યાં બીરાજમાન સર્વ ભગવંતોનાં દર્શન-વંદન કર્યાં તથા ત્યાં બીરાજમાન આવતી ચોવીશીના ભગવંતોનાં પ્રતિમાજીને અને તેઓનાં પગલાંને વંદના કરીને ‘ભોજીઆ’’ નામના ગામમાં જે પ્રતિમાજી બીરાજમાન છે. તેને વંદના કરીને અનુક્રમે માંડલ નામના ગામમાં આ સંઘ આવ્યો.