Tirthmala

Author(s): Dhirajlal D Mehta
Publisher: Jain Dharm Prasaran Trust Surat

Page 77

૭૬
તીર્થમાલા
થાય છે.’ મેઘાશાએ કહ્યું, ‘તમારી ગણવામાં કંઈ ભૂલ થતી હશે ફરી ગણો' દાણીએ ફરી ઊંટ ગણ્યા તો તે બરાબર ઓગણીશ જ થયા અને ત્રીજીવાર ગણ્યા તો પણ તેટલાં જ થયા. તેણે કહ્યું, ‘શેઠ આમાં સાચી હકીક્ત શું છે તે જણાવી દો.’
શેઠના સમજવામાં આવી ગયું કે નક્કી આ ચમત્કાર પેલી પ્રતિમાજીનો છે, જેમાં એ બિરાજે છે. તે ઊંટ આ દાણીની નજરે પડતો નથી. એટલે તેણે કહ્યું : દાણી ! મેઘાશા કદી જૂઠું બોલતો નથી. પણ એક ઊંટ પર શ્રી પાર્શ્વનાથ પ્રભુની પ્રતિમા છે. તેના પ્રભાવે તે ઊંટ તમને દેખાતો નથી. દાણી આશ્ચર્ય પામ્યો. તેણે એ પ્રતિમાના દર્શન કરવાની ઇચ્છા પ્રકટ કરી અને તેને દર્શન કરાવવામાં આવ્યાં. દાણીએ દાણ માફ કર્યું અને મેઘાશા અનુક્રમે પોતાના નગર ભૂદેસરમાં આવ્યા. કાજળશાને વધામણી મળતાં તેમણે મેઘાશાનું આડંબરથી સામૈયું કર્યું. ઘરે આવી મેઘાશાએ પેલા પ્રતિમાજીને સારા સ્થાનમાં પધરાવ્યા.
પછી કાજળશા મળવા આવ્યા. વેપાર વણજની વાતો થઈ અને શું ખચ્યું તથા શું કમાયા ? તેનો હિસાબ માગ્યો. તે વખતે મેઘાશાએ પાંચસો ટકા પ્રતિમાજીના ગણાવ્યા. આથી કાજળશાએ ચીડાઈને કહ્યું : ‘ કે તમે આ શું કર્યું? એક પથ્થરના પાંચસો ટકા ? તે મને પોશાસે નહીં.’ ત્યારે મેઘાશાએ કહ્યું : ‘ કે એ પૈસા મારા માથે રહ્યા. હવે આ પ્રતિમાજીમાં તમારો ભાગ-બાગ કંઈ નહીં.’ કાજળશાએ એ વાત કબૂલ રાખી.
મેઘાશાને મૃગાદે નામની સ્ત્રી હતી. તેનાથી તેમને બે પુત્રો થયા હતા. એક મહિયો અને બીજો મેરાશા આ બંને પુત્રો રત્ન સમાન હતા અને માતા-પિતાની આંખ ઠારતા હતા.