Book Title: Tirthmala
Author(s): Dhirajlal D Mehta
Publisher: Jain Dharm Prasaran Trust Surat

View full book text
Previous | Next

Page 79
________________ તીર્થમાલા મેઘાશાએ આ પ્રમાણે કર્યું અને પોતાના સગા સંબંધીઓ વગેરેને બોલાવી આ ગામ વસ્તીવાળુ કર્યું. પછી શિરોહીના સલાટોને બોલાવી શુભ મુહુર્ત મંદિર બંધાવવાનું શરૂ કર્યું. હવે ધનની તંગી તો હતી નહિ એટલે તેને સુશોભિત બનાવવામાં શેની ઓછાશ રાખે ? મંદિરનું કામ ધમધોકાર ચાલવા માંડ્યું અને તેની કીર્તિ આસપાસના પ્રદેશમાં વિસ્તરવા લાગી. | ઉગતા સૂરજને કોણ ન નમે ? એક દિવસ તેમનો સાળો કાજળશા ત્યાં આવીને કહેવા લાગ્યો કે, “તમે જે મંદિર કરાવો છો. તેમાં ખર્ચનો અર્ધો ભાગ અમારો ગણજો.” | મેઘાશાએ કહ્યું : “હાલ તો આ પ્રતિમાજીના પ્રભાવે મારી પાસે ઘણું ધન છે. વળી મેં પ્રતિમાજીના પાંચસો ટકા આપેલા તે પણ તમે મારી પાસેથી વસુલ લીધા હતા અને કહ્યું હતું કે, આ પથ્થરનો ટુકડો શા કામનો ? માટે આ મંદિરનું બધું જ ખર્ચ મને જ કરવા દો. આ ઉત્તરથી કાજળશાને ઘણું ખોટું લાગ્યું અને તે એનું વેર વાળવાના વિચારમાં પણ આવી ગયો. ક્રોધીને શાસકારોએ આંધળાની ઉપમા આપી છે તે ખોટી નથી. ક્રોધે ભરાયેલો માણસ સારૂં-ખોટું કાંઈ જતો નથી અને સામે કોણ છે. તેનો વિચાર પણ કરતો નથી. આખરે કાજળશાએ મેઘાશાને મારી નાખવાનો વિચાર કર્યો અને તે માટે એક યોજના ઘડી કાઢી. તેણે પોતાના નાના પુત્રોના લગ્ન લીધા અને બહેનબનેવી બધાને તે પ્રસંગે પધારવાનું નિમંત્રણ આપ્યું. તેમાં બહેન ગઈ પણ બનેવી-મેઘાશા ન ગયો. એટલે તેને તેડવા માટે કાજળશા આવ્યો.

Loading...

Page Navigation
1 ... 77 78 79 80 81 82 83 84 85 86 87 88 89 90 91 92 93 94 95 96 97 98