Book Title: Tirthmala Author(s): Dhirajlal D Mehta Publisher: Jain Dharm Prasaran Trust SuratPage 35
________________ ૩૪ તીર્થમાલા તે બન્ને ગામોની પાસે (લઘુ એટલે) નાનું એવું એક “ભરડવા'' નામનું ગામ છે. ત્યાં એક પ્રતિમાજી (દટાયેલી) હતી. તે પ્રતિમાજીને આ સંઘમાં પધારેલા મહાત્માએ ખોદાવીને પ્રગટ કરાવી. ત્યારબાદ તે ભૂમિમાંથી નીકળેલી પ્રતિમાજીની ઘણી ઘણી ભક્તિ કરી ગાન-તાન કર્યાં. યથાશક્તિ આ સંઘે પૂર્ણપણે ભક્તિ કરવાનો લાભ લીધો આ પ્રમાણે ત્યાં જૈનશાસનનો જય જયનાદ ગાયો. II ૨૯-૩૦-૩૧ || સારાંશ : સુરતથી આવેલા આ સંઘે બેણપમાં પ્રતિષ્ઠા કરાયેલી આ પ્રતિમાજીની ઘણી ઘણી પૂજા અને ભાવના કરી ચંદ્રમાનો જેમ ઉદય થાય છે તેમ શાસનનો ઉદય કરનારી એવી પૂજાઓ ભણાવી ભાવના ભાવી અને શાસનનો ઉદ્યોત થાય તેવાં કાર્યો બેણપમાં કર્યાં. તે બેણપની પાસે નાનું એવું ભરડવા નામનું એક ગામ છે ત્યાં એક પ્રતિમાજી ભૂમિમાં દટાયેલાં હતાં. આ સંઘમાં પધારેલા જ્ઞાનવિમલસૂરીશ્વરજી મહારાજશ્રીએ આ પ્રતિમા પ્રગટ કરાવી, તેમની સૂચના મુજબ ભૂમિ ખોદતાં આ પ્રતિમાજી પ્રગટ થયાં. ત્યારબાદ પ્રગટ થયેલાં તે પ્રતિમાજીની ઘણી ઘણી ભક્તિ ભાવના કરી સમસ્ત શ્રી સંઘ આનંદમાં ગરકાવ થઈ ગયો. પોતાના જન્મને સફળ કર્યાનો ઘણો જ આનંદ સંઘમાં તે કાળે વર્તતો હતો. II ૨૯-૩૦-૩૧ ||Page Navigation
1 ... 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98