________________
[૪૯] દ્રવ્યમાં ગુણ છે–એવા ભેદને લક્ષે પણ આસ્રવ થશે, સંવર નહીં. પરિણતિ દ્રવ્ય તરફ ઢળી–સન્મુખ થઈ, પણ અભેદ થતી નથી– દ્રવ્યને અડતી નથી અને દ્રવ્ય પણ પરિણતિમાં આવતું નથી. પોતાના સ્વભાવની નિઃશંકતાથી કેવળજ્ઞાન થવાના કોલકરાર વર્તમાનમાં થઈ શકે છે. જે શ્રત –શાસ્ત્ર) વડે આત્મજ્ઞાન પામીને એકાવતારી થઈ શકાય એવું કૃત આજે પણ જયવંત વર્તે છે. જૈનધર્મ પામીને પણ જો કોઈ જીવ કષાય કરે છે તો સમજવું કે તે પાણીમાં આગ લાગવા જેવી દુઃખદ આશ્ચર્યની વાત છે. વીતરાગી ભગવાનનું એ કથન છે કે તું ભિખારી નહીં, ભગવાન છો. માટે તું તારામાં ભગવાનપણાની સ્થાપના કર, ભિખારીપણાની નહીં. ભગવાન! તું તને ભૂલ્યો છો, તેથી ભટકે છો ને હું ભગવાન છું એમ ભાસતું નથી. હું શુદ્ધ ચિતૂપ છું. બસ, આનાથી ઉત્તમ બીજું કોઈ સ્મરણ–રટણ નથી. જેને આત્મા પ્રાપ્ત થયો નથી તે અજ્ઞાની ગામ કે વનમાં નિવાસસ્થાન ગોતે છે. જ્ઞાનીને તો સદાય આત્મા જ નિવાસસ્થાન છે. ભગવાન! તું તારાથી પ્રસન્ન થા. બીજા મને પ્રસન્ન કરી દેશે એવી આશા છોડી દે. જે પૂર્ણ વીતરાગી છે તે તેને પ્રસન્ન કેમ કરી શકે? અને જે સ્વયં દુઃખી છે તે સંસારી પણ તને પ્રસન્ન કેમ કરશે? હે પૂર્ણસ્વરૂપી આત્મા! જગત જગતપણે પૂર્ણ છે. તો પછી તેમાં શું કરવું? માટે કરવાપણાનો વિકલ્પ છોડી તું તારી પૂર્ણતામાં આવી જા–તેનો અનુભવ કર.
મોક્ષ મેળવવા સમક્તિનું સેવન કરો...
સંસાર વળવા મિથ્યાત્વનું વમન કરો... દરેક આત્મા સ્વતંત્ર, સમાન, સુખમય, સમજણવાન છે.
જ
