Shrutsagar Ank 038 039

Author(s): Hiren K Doshi
Publisher: Acharya Kailassagarsuri Gyanmandir Koba

Page 78

७५
मार्च-अप्रैल - २०१४ रत्नमंडन विद्यमान न होवा जोईए. सोमदेवसूरि गच्छ-मेळ कराववामां प्रेरक हता, सं. १५१७मां रत्नशेखरसूरिना पट्ट पर स्थापित थयेला लक्ष्मीसागरसूरिने सं. १५२०मां पं. रत्नमंडनगणिए खंभातमां नमन कर्यु हतु-एम नीचे जणावेल ग्रंथ परथी जणाय छे.
नारीनिरास नेमिनाथफागना प्रारंभना पद्यमां 'सकलकमलाकेलि' तथा अंतिम पद्यमां 'लक्ष्मीकेलिनिकेत' शब्दद्वारा लक्ष्मीसागरसूरिनुं स्मरण कविनुं विवक्षित विचारीए तो तेनी रचना ए गच्छनायकना समयमा थई हशे-एईं अनुमान करी शकाय.
गुरुगुणरत्नाकरकाव्य, जे सं. १५४१मां सोमदेवसरिना प्रशिष्य, अने पं. चारित्रहंसगणिना शिष्य सोमचारित्रगणिए ते समयमा विजयमान गच्छनायक लक्ष्मीसागरसूरि संबंधमां रच्युं हतुं. तेना बीजा सर्गमां श्लो. १० थी १३ चार श्लोको कलापक तरीके संबंधवाळा होवाथी तेनो समुच्चय आशय आवी रीते होवो जोईए.
'जेमने (लक्ष्मीसागरसूरिने) माळवामां रहेला जोइने गूर्जरभूमिमां अवसर मेळवीने कलिराजे केटलाक साधुओने पोताना सेवको कर्या हता, तेथी आ गण(तपागच्छ) व्रण(छिद्र)वाळो थयो हतो. वाग्देवीए जेमने वरदान आपेलुं हतुं, जेओए दिव्य शरीर अने रूपवडे कामदेवले पराजित कर्यो हतो. तथा कविशिरोमणि- अनुकरण करनार जे गुरु रत्नमंडन दीपता हता, तेओ सोमदेवसूरिए करेला अत्याग्रहथी पक्षनी भिन्नता मूकी दई,
विशुद्ध करेला सोनानी जेम, स्तंभतीर्थ(खंभात) नगरमां भारे उत्सव पूर्वक नमतां, जेओए (लक्ष्मीसागरसूरिए) सं. १५२०मां घणा संघनी साक्षीए ज्यारे गणमां ऐक्य कराव्यु, त्यारे अहिं अन्य पक्षना महात्माओना मनमां पण अत्यंत विस्मय थयो हतो.'
- भ्रांतिथी बीजानी भूल-परंपरा दर्शावनार साक्षर, पोतानी भूल-परंपरा जुए अने सत्य स्वीकारी, भूल-परंपरा करतां सावधानता राखे - एम इच्छीए.
(जैन सत्य प्रकाश, वर्ष १२, अंक-७)