________________
શોકગ્રસ્ત કાર્ય નથી. બલ્કે પ્રજાની ચેતના અને રાષ્ટ્રભક્તિની પરાકાષ્ઠા દર્શાવનારો કાર્યક્રમ છે.”
પ્રમુખના સલાહકારે મુખ્ય વાત પર આવતાં કહ્યું કે અમેરિકા અને મેક્સિકો વચ્ચે ઘણા લાંબા વખતથી યુદ્ધ ચાલે છે ! એ બંને પક્ષોને ખૂબ થકવનારું બન્યું છે. એમાં એવી પણ વાતો ચાલે છે કે અમેરિકન પ્રમુખની હત્યા કરવા માટે ઘણાં કાવતરાંઓ યોજાયાં છે.
આ સાંભળીને વૂડ્રો વિલ્સને કહ્યું કે મારી સામે કાવતરાંઓ ઘડાય છે એ માત્ર અફવા પણ હોઈ શકે.
એક વ્યક્તિએ કહ્યું, “શ્રીમાન પ્રમુખશ્રી, તમે વૉશિંગ્ટન ડી.સી. ન જાઓ તો સારું.”
બીજાએ કહ્યું, “હવે ન્યૂયૉર્ક સલામત રહ્યું નથી.”
જ્યારે પત્રકાર તરીકે આવેલી ત્રીજી વ્યક્તિએ કહ્યું, “અમેરિકા એના પ્રમુખને ગુમાવે તે પોસાય તેમ નથી.”
પ્રમુખ વૂડ્રો વિલ્સને જવાબ આપ્યો, “અમેરિકાને પ્રમુખ વગર ચાલશે, પણ બીકણ કે બાયલો પ્રમુખ નહીં પોસાય.”
અને વૂડ્રો વિલ્સને હકીકતમાં ન્યૂયૉર્ક જઈને પ્રમુખ તરીકે સૈનિકોની અંતિમ વિધિમાં આગેવાની સંભાળી.
૧૪૮
જન્મ
- ૨૮ ડિસેમ્બર, ૧૮૫૩, સ્ટેન્ટન, વર્જિનિયા, અમેરિકા અવસાન - ૩ ફેબ્રુઆરી, ૧૯૨૪, વૉશિંગ્ટન ડી.સી., અમેરિકા
શીલની સંપદા
ઈશ્વરનો વિશ્વાસ
કહ્યું,
ચાર્લ્સ એન્ડ્રુઝે કૉલેજનો અભ્યાસ પૂરો કરીને પોતાના સેવાના ક્ષેત્ર તરીકે ઇંગ્લૅન્ડના ગુનાખોરીથી ભરેલા વિસ્તારને પસંદ કર્યો. આ ચાર્લ્સ એન્ડ્રુઝને ભારતે ‘દીનબંધુ’ એવું ઉપનામ આપ્યું હતું.
આવા ‘દીનબંધુ' ચાર્લ્સ એન્ડ્રુઝ તોફાની, વ્યસની અને અનેક અનિષ્ટ પ્રવૃત્તિઓથી બદનામ એવા આ વિસ્તારમાંથી પસાર થતા હતા, ત્યારે એક દારૂડિયો એમને અથડાયો.
દારૂ પીને છાકટા બનીને ડોલતા એ યુવાનને ચાર્લ્સ એન્ડ્રુઝે
“અરે ભાઈ ! આવી બૂરી હાલત થાય છે, તો પછી દારૂ શું કામ પીએ છે ? દારૂ પીવાનું છોડી દે.”
દારૂડિયાએ એમની વાતનો ઉપહાસ કરતાં કહ્યું, “શા માટે? એનું કોઈ કારણ ખરું ?"
ચાર્લ્સ એન્ડ્રુઝ બોલ્યા, “આ દારૂ તો માનવને દાનવ બનાવે છે. એ તારે માટે, તારા કુટુંબ માટે વિનાશક બની રહેશે.”
આટલું કહીને દીનબંધુ એન્ડ્રુઝે પ્રભુપ્રાર્થના કરી - “હે જિસસ ! તું આને માફ કરજે અને એને તારા આશીર્વાદ આપજે.” શીલની સંપદા ૧૪૯
