Ratnaparikshadi Sapta Granth Sangraha

Author(s): Agarchand Nahta, Bhanvarlal Nahta
Publisher: Rajasthan Prachyavidya Pratishthan Jodhpur

Page 201

ठकुर फेरू रचिता खरतरगच्छयुगप्रधानचतुःपदिका।
नमो जिनाय। सयल सुरासुर वंदिय पाय, वीरनाह पणमवि जगताय । सुमरेविणु सिरि सरसइ देवि, जुगवरचरिउ भणिसु संखेवि ॥ १ सुहमसामि गणहर पमुह, सिरि जुगपवर नाम वर मंत, सुमरहु अणुदिणु भत्तिजुय । लीलइ तरिवि भवोवहि जेम, कमि कमि पावहु सिद्धिसुह॥धूवर्क वडमाणजिणपट्टि पसिद्ध, केवलनाणीगुणिहि समिछ। पंचमु गणहरु जुगवरु पढमु, नमहु सुहंमसामि गुरु अममु ॥२ . भज्जा अट्ठ पंच सय तेण, इक्कि रयणि पडिवोहिय जेण । सुगुरपासि लिउ संजमभारु, सरहु सरहु सो जंबुकुमारु ॥३ पभवसूरि सिजंभउ सुगुरु, जसोभदु सूरीसरु पवरु । सिरि संभूयविजउ मुणितिलउ, पणमहु भद्दवाहु गुणनिलउ ॥ ४ भदवाह सूरीसरपासि, चउदस पुव्व पढिय गुणरासि । भंजिउ जेण मयणभडवाउ, जयउ सु थूलिभदु मुणिराउ ॥५ दूसमकालि तुलिउ जिणकप्पु, अज्ज महागिरि गुरु माहप्पु । अज सुहत्थि थुणहु धरि भाउ, जिणि पडिबोहिउ संपइ राउ॥६ संतिसूरि कय संघह संति, चउदिसि पसरिय जसु वरकित्ति । तासु पट्टि हरिभदु मुणिंदु, मोहतिमिरभर हरण दिणिंदु ॥ ७ संडिलसूरि तह अज समुदु, अज्ज मंगु जणकइरवचंदु। अज धम्मु धर पयडिय धम्मु, भदगुत्तु दंसिय सिवसम्म ॥८ वयरसामि पब्भाविय तित्थु, अज रक्खिउ वोहिय जणसत्थु । अज नंदि गुरु वंदहु नरहु, अन्ज नागहत्थीसरु सरहु ॥ ९ रेवयसामि सूरि खंडिल्ल, जिणि उम्मूलिय भवदुहसल्ल । हेमवंतु झायहु वहु भत्ति, तरहु जेम भवसायरु ज्झत्ति ॥ १०