Panchsangraha Part 03

Author(s): Chandrashi Mahattar, Devkumar Jain Shastri
Publisher: Raghunath Jain Shodh Sansthan Jodhpur

Page 226

१८५
बंधव्य-प्ररूपणा अधिकार : परिशिष्ट १
पढमकसायसमेया एयाओ आउतित्थवज्जाओ। सत्तरसुव्वलणाओ तिगेसु गतिआणुपुव्वाऊ ॥३५॥ नियहेउसंभवेवि हु भयणिज्जो होइ जाण पयडीणं । बंधो ता अधुवाओ धुवा अभयणीयबंधाओ ॥३६॥ दव्वं खेत्त कालो भवो य भावो य हेयवो पंच। हेउसमासेणुदओ जायइ सव्वाण पगईणं ॥३७।। अब्वोच्छिन्नो उदओ जाणं पगईण ता धुवोदइया । वोच्छिन्नो वि हु संभवइ जाण अधुवोदया ताओ ॥३८॥ असुभसुभत्तणघाइत्तणाइौं रसभेयओ मुणिज्जाहि । सविसयघायभेएणवावि घाइत्तण नेयं ।।३।। जो घाएइ सविसयं सयलं सो होइ सव्वघाइरसो। सो निच्छिद्दो निद्धो तणुओ फलिहब्भहरविमलो ॥४०॥ देसविघाइत्तणओ इयरो कडकंबलंसुसंकासो। विविहबहुछिद्दरिओ अप्पसिणेहो अविमलो य ॥४१॥ जाण न विसओ घाइत्तणंमि ताणंपि सव्वघाइरसो। जायइ घाइसगासेण चोरया वेह चोराणं ॥४२।। घाइखओवसमेण सम्मचरित्ताइ जाइ जीवस्स । ताणं हणंति देसं सजलणा नोकसाया य ।।४३॥ विणिवारिय जा गच्छइ बंधं उदयं च अन्नपगईए। सा हु परियत्तमाणी अणिवारेंति अपरियत्ता ॥४४॥ दुविहा विवागओ पुण हेउविवागाउ रसविवागाउ। . एक्केक्का वि य चउहा जओ च सद्दो विगप्पेणं ॥४५॥ जा जं समेच्च हेउं विवागउदय उति पगईओ। ता तविवागसन्ना सेसभिहाणाइं सुगमाई ॥४६॥