Book Title: Padmavati Havan
Author(s): Anandsagarsuri, Sagaranandsuri
Publisher: Nirgrantha Foundation Ahmedabad

View full book text
Previous | Next

Page 11
________________ અધેલા શોધવા નીકળનારને ઉત્તમ કક્ષાનાં અનુષ્ઠાનો ક્યારે ય ફળતાં નથી એ સ્પષ્ટ રીતે સમજી લેવું. પૂજનમાં પૂજા માટે પહેરેલાં વસ્ત્રો પણ ગંધાતાં, મેલાં, ફાટેલાં-તૂટેલાં ક્યારે ય ન જ ચાલે. આપણા શાસનરક્ષક દેવી-દેવતાઓ પહેલાં સાધકની ચોક્ખાઈની પરીક્ષા કરે છે એ ખાસ ધ્યાનમાં રાખવું. ‘માનસિક રીતે’ દરિદ્ર હોય એવા લોકોએ હવન કરવાનું સાહસ કરવું નહીં. હવનગુટિકા કેવી રીતે તૈયાર કરશો? હવનગુટિકા સાત દ્રવ્યોના સંયોજનથી બનાવાય છે. બદામ ૨૦૦ ગ્રામ, અખરોટ ૨૦૦ ગ્રામ, ચારોળી ૨૦૦ ગ્રામ, છીણેલું કોપરૂં ૨૦૦ ગ્રામ, ગૂગળ ૨૦૦ ગ્રામ અને દશાંગ ધૂપ ૧૦૦ ગ્રામ લઈને તેમાં માપસર ઘી મેળવી ૧૦૮ ગોળીઓ બનાવવી (–જૈનોની નાની મોટી તપસ્યાના પારણામાં જે રીતે સૂંઠ વગેરેની ગોળીઓ બનાવાય છે તે રીતની નાની ગોળીઓ વાળવી. ગોળી સારી બને એ માટે બધી વસ્તુઓ સારી રીતે ખાંડી લેવી). સૂચના : શક્ય હોય ત્યાં સુધી પૂજનના આગલા દિવસે જ ગુટિકાઓ તૈયાર કરી લેવી. જેથી બીજા દિવસે પૂજાના સમય સુધીમાં તે બરોબર ઠરીને તૈયાર થઈ જાય. *** હવનમાં ઉપયોગમાં લેવાનાર ચંદનનો છોલ અને આંબાનાં છોડાં પીગળેલા ઘીમાં હવનના થોડા સમય અગાઉ પલાળીને તૈયાર રાખવાં. *** રક્ષાપોટલીનો ઉપયોગ કેવી રીતે કરશો? હવન વિધાન દરમ્યાન રક્ષાપોટલીનું ફીંડલું ભગવતી પદ્માવતીના ચરણમાં મૂકી રાખવું. દરેક આહુતિ વેળાએ (થાળી ડંકો વાગ્યા પછી) રક્ષાપોટલીના ફીંડલા ઉપર વાસક્ષેપ કરવો. સંપૂર્ણ વિધાન સમાપ્ત થઈ ગયા પછી ઉપસ્થિત ભાવિકોએ એક એક રક્ષાપોટલી બાંધી લેવી. આ રક્ષાપોટલી ખૂબ જ ઉત્તમ કક્ષાના રક્ષાકવચનું કાર્ય બજાવે છે. આ અમારો જાત-અનુભવ છે. લાલ દોરાનો ઉપયોગ કેવી રીતે કરશો? લાલ રંગનો ઠીક ઠીક જાડો હોય તેવો એક દોરો અંદાજે ત્રીસ ઇંચનો લેવો. પૂજા દરમ્યાન જ્યારે જ્યારે આહુતિ અપાય અને તે સંબંધિત ડંકો વાગે ત્યારે ત્યારે દોરાને એક

Loading...

Page Navigation
1 ... 9 10 11 12 13 14 15 16 17 18 19 20 21 22 23 24 25 26 27 28 29 30 31 32