Padmavati Havan

Author(s): Anandsagarsuri, Sagaranandsuri
Publisher: Nirgrantha Foundation Ahmedabad

Page 14

કેટલીક ઉપયોગી સૂચનાઓ સૂચના : ૧ દીપક પહેલેથી ચાલુ કરવાનો હોતો નથી. વિધિમાં તેનો ક્રમ આવે ત્યારે જ દીપક પ્રગટાવવાનો હોય છે.
સૂચના : ૨ હવનકુંડમાં લાકડાં ઘીવાળાં કરીને પહેલેથી તૈયાર રાખવાં. આમ કરવાથી લાકડાં પેટાતાં વાર નહીં લાગે.
સૂચના : ૩ ખુલ્લી જગ્યામાં હવન ન થતો હોય ત્યારે હવનકુંડ એવી રીતે રાખવો કે તેમાંથી ધૂમ્રસેર બહાર નીકળી જાય અને કોઈને ગુંગળામણ ન થાય. સૂચના : ૪ હવન માટેની ગુટિકાઓ શક્ય હોય ત્યાં સુધી પૂજનના આગલા દિવસે જ તૈયાર કરી લેવી. જેથી બીજા દિવસે પૂજાના સમય સુધીમાં તે બરોબર ઠરીને તૈયાર થઈ જાય. સૂચના : ૫ હવનમાં ઉપયોગમાં લેવા માટેનાં વાસણો જ દેરાસરમાંથી લાવવામાં આવ્યાં હોય તો દેરાસરમાં પૂરતી ઉદારતાથી નકરો ભરી દેવો, એમાં બિનજરૂરી કસર કરવી નહીં.
• મહત્ત્વની સૂચના પૂજનમાં ઉચ્ચારશુદ્ધિ અંગે સાવધાની ખાસ જરૂરી
પૂજનમાં મંત્રો, શાંતિપાઠ, શાંતિધારા પાઠ અને અન્ય સ્તોત્રો વગેરે માટે ઉચ્ચારશુદ્ધિ ખાસ જરૂરી છે તે ખ્યાલમાં રાખવું. દાખલા તરીકે જ્યાં જ્યાં નમઃ” આવતું હોય ત્યાં “નમહ’ જેવા અશુદ્ધ ઉચ્ચારો મોટા મોટા નામાંકિત ક્રિયાકારકો પણ કરતા હોય છે. આ બરોબર નથી. આના બદલે ઉચ્ચારો સુધારવાની ટેવ પાડવા જેવી છે. આ જ રીતે “શાન્તિર્ભવતુ હોય ત્યાં “શાન્તિરભવતુ' જેવાં અશુદ્ધ, હાનિકારક ઉચ્ચારણોનું પ્રમાણ આપણા સંઘમાં ઘણું જ
મોટું છે. આવાં ઉચ્ચારણો ટાળવા જ જોઈએ. © હૃદયશુદ્ધિ, મનશુદ્ધિ, સાધનશુદ્ધિ, શરીરશુદ્ધિ અને સ્થળશુદ્ધિની સાથોસાથ મંત્રશુદ્ધિનું પણ
ધ્યાન રાખવામાં આવશે તો મંત્રો, ઉપાસનાઓ, પૂજનો, હવન વગેરે કેમ ફળતાં નથી તે ફરિયાદનું આપોઆપ નિવારણ થઈ જશે.