Nandanvan Kalpataru 2010 10 SrNo 25

Author(s): Kirtitrai
Publisher: Jain Granth Prakashan Samiti

Page 122

प्राकृतविभागः
पहावपुण्णाई गुणाई
आ० विजयकस्तूरसूरिः
गुरुरयणनियरभरिओ गुरुवारिनिही तरिज्जइ कहमिमो । जस्सुवयारोऽणतो तं गुरुपायं नमसामि ॥१॥
पगुरुसिरिनेमिसूरी तित्थसमुद्धरणसीलसाली जो ।
तवगच्छगयणतवणो पुण्णपहावेण संजुत्तो ॥२॥ जस्स किवादिट्ठीए नमिरा भत्ता वरमइणो हुँति । सूरीसरस्स गायमि तस्स गुणगणे अहं विणमिरो ॥३॥
सूरीणं अडसंपय-जुत्तो गुणगणविभूसिओ जयउ ।
पवयणसारपरूवण-परेण पावयणिओ सूरी ॥४॥ भव्वुवएसविहाणे परमपहावो य तारिसो णेओ। जेणुन्नई ह महई विहिया तेण हि स धम्मकही ।।५।।
तक्किय-सुसत्थचिंतण-विउलमईए समागयविउवरा ।
विहिया निरुत्तरा पुण, तेण य वाई वरो एसो ॥६।। बिंबपइट्ठाइ-विविह-सासणकिच्चे निमित्तदाणेण । जस्साऽणुवमा पडिहा नेमित्तण्णू वरो तेण ॥७॥
बज्झब्भंतरतवसा सुबंभतेएण तह य तेयंसी ।
पुहवीविक्खायजसो, तेणेसो य परमोयंसी ॥८॥ अप्पसहावियसंजम-बलेण मंताइवेइणो वि परे । जेण विमूढा विहिया मंतविउ व्व सो तओ तेण ॥९॥
वागरण-नायगंथा-ण विहाणेणं पहावियं जेण ।
सासणमिमं हि तेणं कवि व्व स पहावगो णेओ ॥१०॥ सिद्धाचल-रेवयगिरि-वराइतित्थेसु संघजत्ताओ । पूया-पहावणाहिं विहाविया सूरिणा बहुसो ॥११॥
एयं सूरिवराणं एयारिसगुणसमिद्धिजुत्ताणं । कोडीवंदणसेणी होज्जा कत्थूरसूरिस्स ॥१२॥
११२