Nandanvan Kalpataru 2003 00 SrNo 10

Author(s): Kirtitrai
Publisher: Jain Granth Prakashan Samiti

Page 137

(प्राकृतामा
कथा
(१)
दइवस्स पहुत्तणं
मुनिकल्याणकीर्तिविजयः
एगया केणई मंतवाइणा कुओ वि सप्पो गहिओ करंडमज्झे य खित्तो। अह सो सप्पो अच्चंतं बुभुक्खापीडिओ वाउलीहूओ । परं करंडाओ निस्सरिउं न कोवि उवाओ आसि । अओ सो तहेव मुहं उग्घाडेऊण चिट्ठइ । इओ सो वाई करंडं घेत्तूण गिहमागओ । गिहमज्झे बहुणो उंदुरा आसि । रत्तीए ते उंदुरा इओ तओ धावमाणा रमंति । ताव एगेण उंदुरेण सो करंडओ दिट्ठो। अओ एत्थ किंपि खज्जं हवेज्ज त्ति चिंतिऊण तेण करंडमज्झे विवरं कयं तत्थ य पविट्ठो । इओ सप्पो वि तं दट्ठण हरिसिओ जाव उंदुरो किंपि चिंतेइ ताव तं मुहंमि पक्खित्तवंतो । एएणं तस्स बुभुक्खा पसंता । तओ उंदुरेण कयं विवरं पाविऊण तेणेव मग्गेण सो तओ करंडाओ नीसरिओ नियट्ठाणं च पत्तो । एवं तेण सप्पेण दइवप्पहावेण बुभुक्खा वि दूरीकया मुत्ती वि लद्धा। अओ आवईपडिएण पुरिसेण वि दइवस्स विस्संभो कायव्वो अनाउलेण च होयव्वं ।
128 For Private & Personal Use Only