Nandanvan Kalpataru 2003 00 SrNo 09

Author(s): Kirtitrai
Publisher: Jain Granth Prakashan Samiti

Page 143

। संवेगमंजरीकलयं
- मुनिकल्याणकीर्तिविजयः मोहरायस्स चेव आणाए वट्टमाणं जीवं उवालंभेइ - पच्चक्खं रे जिअ ! मोहरायधाडी गिहमि लूडेइ । सव्वस्सं तह वि तुमं आणाए तस्स वट्टेसि ॥२६॥ हा हा कहं न हीणस्स तव मिच्छत्तमंतिणा सद्धि ।
निच्चं पि वंचणपरेण मूढ ! एयारिसो नेहो ? ॥२७॥ की अन्वयः रेजिअ! पच्चक्खं (चेव तुह) गिहमि मोहरायधाडी सव्वस्सं लूडेइ । तह वि तुमं
तस्स च्चिय आणाए वट्टेसि (ता) रे मूढ ! निच्चं पि वंचणपरेण मिच्छत्तमंतिणा
सद्धि हीणस्स तव एयारिसो नेहो कहं न (संभवइ?) भावार्थः रे जीव! तस्स सव्वेसिं चोराण महारायस्स मोहरायस्स सेन्नं तुह अत्तगिहमि धाडि
पाडिऊण तस्स अंतट्ठियाइं नाणदंसणचरित्ताईणि रयणाई तहा अन्नं पि तुह सव्वं गुणधणं लूडेइ । एत्थ वि एयं कारणं जं तुमए तस्स मोहरायस्स आणाणुसासणं अंगीकयं अत्थि तओ य तत्थ तुमं चिंतिउं चेव न पारेसि जमेसो मोहराया मम महामोल्लं गुणधणं लूडेइ। तहा मं च निद्धणं रोरं च करिउं पयट्टिओ अत्थि । एएण कारणेणं चेव तं सव्वहा निस्संकत्तणेण वट्टेसि । तहा रे मूढ ! जं तए मोहरायस्स आणा अंगीकया ता हीणस्स तुज्झ जइ सव्वं पि संभवई तो निच्चं पि सव्वेसिं मुद्धजणाण वंचणाए च्चिय तप्परेण मिच्छत्तमंतिणा सद्धि एयारिसो नेहो वि कहं न संभवइ? त्ति ।। जीवं मोहरायस्साऽऽणं मिच्छत्तमंतिसिणेहं चएउं सद्धम्ममहारायस्स सामित्तं तस्स चेय महामंतिणो सिणेहं पडिवज्जेउं उवइसइ -
१३०