Nandanvan Kalpataru 2001 00 SrNo 06

Author(s): Kirtitrai
Publisher: Jain Granth Prakashan Samiti

Page 113

/पत्रम्
-मुनिकल्याणकीर्तिविजयः
सोत्थिसिरि चउवीसइमं तित्थेसरं समणभगवंतं सिरि वद्धमाणमहावीरसामिजिणेसरं हियये पणिहाय परमगुरुं सिरिविजयणेमिसूरीसरं च वंदिऊण धम्मलाहेण संभाविज्जइ आणंदो मुणिकल्लाणकित्तिणा।
सिरिआणंद ! गुरुभगवंताण किवामयधारासु सिणायंता अम्हे ससाया वट्टेमो। तं पि कुसली हवेज्ज।
भावपूयाए सरूवं मुणेउं तं केत्तिओ उक्कंठिओ सि त्ति तए जाणाविअं आसी। किं तु, एयं वरिसं चरमतित्थयरसिरिमहावीरसामिणो छव्वीसइमं जम्मसतीवरिसं, अओ तस्संबंधि-लेहणकज्जेसु वावडो संतो हं पच्चुत्तरं लिहेउं असक्को जाओ। अज्ज उ कहिंचि वि समयं कड्ढिऊण लिहिउं आरद्धो। ___ अह पगयं ति - सत्थेसु भावजणिएहिं गुणजुत्तेहिं पडिपुण्णेहिं तहा अमिलाणेहिं सुगंधसहिएहिं च अट्ठपुप्फेहिं भावपूया कायव्व त्ति परूवियं अत्थि । किनामाइँ च ताइं अट्ठपुप्फाइं ति पण्हे कहेंति सत्थयारा भगवंता, जहा - अहिंस त्ति पढमं पुष्कं , सच्चं ति बीअं, अचोरिति तइअं, बंभचेरं ति चउत्थं, असंगय त्ति पंचमं, गुरुभत्ती त्ति छठें, तवो त्ति सत्तमं, नाणं ति य अट्ठमं पुष्फं।
तत्थ - पमादजुत्तजोगाओ सुहुमाण बायराण तसाण थावराण य जीवाणं पाणेहिं वियोजणं हिंसा वुच्चइ । तिस्साऽभावो अहिंस त्ति । अहवा मणो-वय-कायजोगेहि परपीडणवज्जणं अहिंसा । (इह परसद्देण सव्वे वि सुहुमादयो जीवा णेया।) १॥
कोह-माण-माया-लोहाभिहाणेहिं चरहिं कसाएहिं हास-रइ-अरइ-भय-सोगकुच्छाभिहाणेहिं च नोकसाएहिं मुसाभासणं हवइ । तस्स सव्वहा चाओ त्ति सच्चं। २॥
१०४