Nandanvan Kalpataru 2001 00 SrNo 06

Author(s): Kirtitrai
Publisher: Jain Granth Prakashan Samiti

Page 117

धम्माबाद्धी
मुनिधर्मकीर्तिविजयः अवंतीणयरे धम्मबुद्धी पावबुद्धी अ इइ दोण्णि मित्ताई पवसंति स्म । परोप्परं तेसिं अईव पीई अहेसि । न एगं विणा अण्णो ठाऊण समत्थो । तत्थ धम्मबुद्धी पुव्वभवे किअसुहकम्मबलेणं सुही हवीअ, अवि तु पावबुद्धी अईव दुही अहेसि असुहपावोदएणं ।
एगया 'निद्धणत्वं असुहकम्मं करावेई' इइ जुत्तिअणुसारेण पावबुद्धिणा चिंतिअं- अहं मुक्खो धनविहीणो च म्मि, तओ धम्मबुद्धिणा सद्धं अण्णं ठाणं गमिअ अत्थोवज्जणं करामु । पच्छत्तो एतमवि धम्मबुद्धि वंचिऊण सुही होहामि हं। ___ एवं विचारिऊण अण्णे दिणे पावबुद्धिणा धम्मबुद्धी अभिहिओ - वयस्स ! अणेगाच्छेरविंदभरिअं एअं जगं अदठूण विद्धत्वे किं करिस्ससि तुमं, तत्तो परिवारस्स सिसुजणे कहं बोहिस्ससि, तदो अम्हे दुवे वि परदेसं गच्छेज्ज । पावबुद्धीअ दंभजुत्तं एअं वयणं णिसमिऊण आणंदिअमाणसो धम्मबुद्धी तेणं सह गुरुजणाण अणुण्णाअ पसत्थे दिणे सिरिवड्ढमाणं णयरं पट्ठिओ।
तत्थ धम्मबुद्धीई पुण्णेण पहूअं धणं आसादिअं तेहिं। कंचिअं कालं तत्थ चिट्ठिऊण ते दुवे पहरिट्ठचित्ता अवंतीणयरं पइआगमिआ । तदा मज्झे मलिणासयेणं पावबुद्धिणा जंपिअं - भद्द ! न जोग्गं सव्वमेअं धणं गिहं नेऊण, जदो परिवारजणा बांधवा अ धणं मग्गिहिन्ति; तत्तो किंचिअंधणं घेत्तूण सेसं धणं अत्थ च्चिअ गहणे वणे भूमीई निक्खित्तं । पयोजणे संजाए सइ अत्थागंतूण तं धणं अम्हे नेहामो। मायाभरिअं वयणं सुच्चा धम्मबुद्धिणा कहिअं - सुठु सुठ्ठ, एवं करिज्जउ, पच्छा गिहं गआ दोण्णि वि।
एगया पावबुद्धी निसाए अडविं गओ । तं सव्वमवि धणं गहिऊण पलासेहिं गड्ड पूरिऊण णिअभवणं निव्वट्टिओ। पच्छा एगया धम्मबुद्धीअ समीवं गमिअ तेण जंपिअं - भो धम्मबुद्धि ! वणं गंतूण किंचिअंधणं आनेमो जदो दोण्हं तणया वित्ताभावत्तो विसीअंति।
१०८