Nandanvan Kalpataru 2000 00 SrNo 04

Author(s): Kirtitrai
Publisher: Jain Granth Prakashan Samiti

Page 90

च अद्वे तं किं ति पयत्तसीलो न हवसि?
पावकम्मकरणे धम्मायरणे य जीवस्स चित्तवित्ती केरिसी हवइ तं दरिसेइविसविसमं पि हु पावं करेसि अमयं व हरिसिओऽणज्ज । अमयमहुरं पि धम्म मन्नसि लिंबाउ कडुअयरं ॥१३॥
अन्वयः (रे) अणज्ज ! (तं) विसविसमं पि हु पावं अमयं व हरिसिओ करेसि, अमयमहुरं पि धम्मं लिंबाउ कडुअयरं मन्नसि ॥
भावार्थः रे अणायारकरणे अणज्जसम ! तं इमस देहस्स अट्ठाए नियचिंतियस्स य पूरणाए हालाहलविसं पिव दारुणं पावं पि अमयं व सुमहुरं मन्नमाणो निभरत्तणेण करेसितत्थ कइया वि जीवाणं घायं करेसि, कइया वि माया-कवडाईसु जंजसि अप्पाणं, कयाइ तु अन्नेसिं धणहरणं करेसि, कइया वि अणायारे रमसि । इच्चाईणि अणेगपावाइं अत्तविणासणे विससारिच्छाणि वि तं अमयपाणं व मन्नंतो करेसि हरिसिओ य भवसि । अन्नपक्खंमि पुण अत्तविगासणे पीऊससरिसाइं मिट्ठ-महुराई वि धम्मकज्जाइं खमा-अहिंसा- सच्च-संयमदाण-तवाईणि लिंबाइ- कडुयपयत्थेहितो वि अहियकडुयाई अणिट्ठाइं च मन्नंतो नेव कयाइ आयरसि । पसभं आयरणे अ वाउलीहवसि । इच्चेयं अईव विम्हयकरं ।
विसयपसत्तं जीवस चित्तं कस्सेव किं कुणइ त्ति पयासेइविसएसु लोलुअंतुह चित्तं चित्तं कुलालचक्कं व । परिभममाणं दुग्गइ-दुहभंडे घडइ अखंडे ॥१४॥
अन्वयः (रे जीव !) विसएसु लोलुअं तुह चित्तं कुलालचक्कं व परिभममाणं अखंडे दुग्गइ-दुहभंडे घडइ (तं) चित्तं ।।
भावार्थः रे विसयासत्त ! सद्द-रूव-गंध-रस-फासेसु विसएसु गाढत्तणेण अणुरत्तं तुह चित्तं कया वि थिरत्तणं न पावेइ । तं तु सया वि इट्ठा-णिढेसु विसएसु कुलालचक्कं पिव परिभमइ । जहा य कुलालो चक्कं भमाडिअण विविहाई घडाइभायणाई घडइ एवं तुह चित्तं पि अखंडपरिभमणेण दुग्गईए दुहसरूवे अखंडे भायणे घडइ । अह एयं नियचित्तसरूवं जाणंतो वि तं विसयेहितो तं न पडिनियत्तावेसि तं तु महंतं अच्छरियं ।।
N७ ८३
-