Book Title: Kutarkgrahnivrutti Batrishi Ek Parishilan Author(s): Chandraguptasuri Publisher: Anekant Prakashan Jain ReligiousPage 11
________________ માર્ગાનુસારી બોધમાં બાધક એવા મોહમળનો ક્ષય પ્રશમપ્રધાન તપથી જ થાય છે. વિષય-કષાયની પરિણતિનું જ્યાં પ્રાધાન્ય હોય એવા તપથી એ મોહમલનો ક્ષય થઈ શકતો નથી. પતલિ વગેરે અધ્યાત્મના જાણકારોને માર્ગાનુસારી બોધ પ્રાપ્ત થવા છતાં માર્ગના બોધમાં એમને અવરોધ નડ્યા-એ માન્યા વિના ચાલે એવું નથી. મુખ્યપણે આત્માને એકાંતે નિત્ય અપરિણામી અને ઔપચારિક બંધ..વગેરે માન્યતાને એ લોકો વરેલા હતા, જે શ્રી તીર્થંકર પરમાત્માએ ઉપદેશેલા પરમતારક માર્ગને અનુસરનારી ન હતી. તેથી જ આ પૂર્વેની બત્રીશીઓમાં યથાસ્થાને તેની અયુક્તતા ગ્રંથકાર પરમર્ષિએ જણાવી છે.. ઈત્યાદિનો વિચાર કર્યા વિના આ શ્લોકનો પરમાર્થ વાસ્તવિક રીતે સમજી નહિ શકાય. મર્યાદાનું પાલન એ વાડાબંધી નથી. શ્રી વીતરાગપરમાત્માના વચનને જ સત્ય માનવા એ સંકુચિતતા નથી. અસત્યને અસત્ય માનવું એ સુદ્રતા નથી. અસને ન સ્વીકારવું એ તુચ્છતા નથી. અસનું નિરાકરણ એ સાંપ્રદાયિક ઝનૂન નથી અને તાત્વિક પક્ષપાત એ દષ્ટિરાગ નથી. વાડાબંધી, સંકુચિતતા, ક્ષુદ્રતા, તુચ્છતા, સાંપ્રદાયિક ઝનૂન અને દષ્ટિરાગ વગેરેને દૂર કરવાનો એકમાત્ર ઉપાય શ્રી વીતરાગપરમાત્માના પરમતારક વચન પ્રત્યેનો અતૂટ વિશ્વાસ છે-એ મુમુક્ષુ આત્માઓએ નિરંતર યાદ રાખવું જોઈએ. વાડાબંધી, સંકુચિતતા... ઈત્યાદિના નામે મર્યાદાદિનું અતિક્રમણ કરવું : એ કેટલું ઉચિત છે... ઈત્યાદિ સ્વસ્થ ચિત્તે વિચારવું. ૨૩-૪Page Navigation
1 ... 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58
