Kaviraj Deepvijay

Author(s): Kavin Shah
Publisher: Shantinath Bhagwan Jain Derasar Pedhi

Page 7

પરંતુ ફરીથી તે કાર્યને આગળ ધપાવ્યું અને શક્ય તેટલી વિશેષ માહિતી મેળવી સંદર્ભો ને સામગ્રીના આધારે કવિરાજ દીપવિજયનું આ પુસ્તક તૈયાર કરવામાં આવ્યું છે. આ કાર્યમાં સંસ્કાર દાતા મારા સંશોધનના પાયારૂપ શાસન સમ્રાટ વિજય નેમિસૂરીશ્વરજી મ.સા.ના પટ્ટધર ગચ્છાધિપતિ આચાર્ય વિજય નંદનસૂરીશ્વરજી મ.સા. છે. એમની પ્રેરણાથી સૌ પ્રથમ કવિ વીરવિજયજીની “નેમિવિવાહલા” હસ્તપ્રતનો અભ્યાસ કરીને સંપાદન કર્યું હતું. ત્યાર પછી વર્ધમાન તપોનિધિ મુનિરાજશ્રી અકલકવિજયજીની શ્રુત જ્ઞાનની પ્રવૃત્તિના સહભાગી બનવાથી આ કાર્યમાં અભિરૂચિ વધતાં સંશોધન કાર્ય ચાલુ કર્યું હતું. તેના પરિણામે આજે કવિરાજ દીપવિજયજીની સાહિત્ય-સર્જક પ્રતિભાનો વિદ્યારસિક શ્રુતજ્ઞાન પ્રેમીઓને ધર્મ ભાવનાથી પરિચય કરાવવાનું સૌભાગ્ય પ્રાપ્ત થયું છે. એમના આ સાહિત્યનું ધર્મના ભવ્ય વારસાનું વિશેષ રીતે વિપુલ સંખ્યામાં શ્રદ્ધા અને રસપૂર્વક સંવર્ધન થાય તેવા હેતુની સાથે સાથે ચિંતન અને મનન દ્વારા આત્માભિમુખ થવાના માર્ગમાં પ્રેરક બને એવી અપેક્ષા છે. - ડૉ. કવિન શાહ