________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૭૨
મા જેન ધર્મ પ્રકા.
તે કોઈ જાતનાં ભય કારણો. નીતિકારોએ શ્રમણપણાને નિર્ભય સ્થાનની ઉપમા આપી છે તે યથાર્થ છે. રાજગૃહીના તમે શાહ સોદાગર છે. કરોડોની લેવડદેવડ તમારે ત્યાં રોજ થતી રહે છે. તમે તેમજ તમારા મિત્ર ભદ્રંકર વીતરાગ દેવના શાસનમાં શ્રદ્ધાવાળા છો એ પણ હું જાણું છું. ભદ્રંકર શેઠ તો અવારનવાર અહીં જ્ઞાનચર્ચા સારૂ આવે છે, પણ તમને તે માત્ર ગઈ મોન એકાદશીએ દેખેલા ત્યાર પછી આજે અચાનક આજે જોયા; એટલે મનમાં સહજ ઉદ્ભવ્યું કે ખાસ કારણ વિના તમારું આગમન ન સંભવે.
ગુરુમહારાજ ! એવું તો નથી પણ આપની એ વાત સાચી છે કે મારાથી અહીં નાલંદામાં ઘણી વાર આવવાનું બનતું નથી. એનું કારણ મારા વ્યવસાયની ભારે જવાબદારી. સંસારી જીવન એટલે એ બધું જોવું પડે છતાં કંઈક સમય કાઢીને પણ પરભવનું પાથેય બાંધી લેવાની પળ આવી ચૂકી છે એમ માથાના વેત પલિયા સૂચવે છે.
એ વાત લક્ષ્યમાં લેજે. હા, આગમનને હેતુ જણાવો એટલે સમયનો સદુપયોગ થાય.
આચાર્ય દેવ, રાજગૃહી નગરીના ચોરે ચૌટે આજે એ વાત જોરશોરથી ચર્ચાઈ રહી છે. ભારે નિંદા થવાની નોબત બજી રહી છે. આપ જેની વિદ્વત્તાના ભારે વખાણ કરતા હતા એ શિષ્ય તે દીક્ષા છોડી શાસનને ઝાંખપ પહોંચાડી પણ હવે તો એ કલંક લગાડવા ખડો થયો છે. અવારનવાર ગોચરી અર્થે અમારે ત્યાં આવતાં આપના શિષ્ય “ક્રિયારૂચીજીને મેં એ વાત કરી પણ હતી. એક તે સાધુપણું છોડી નાટકીય બન્યો ! એનું જ્ઞાનધ્યાન ક્યાં ચાલ્યું ગયું! એણે વહેવાર ને મર્યાદા સાવ તજી દીધા! રોટલાનો ટુકડો ખાનાર કૂતરું પણ માલિકને વફાદાર રહે છે. પણ આ તો એથીયે નપાવટ નીકળે ! એ રઝળતાને આપે દીક્ષા આપી, ભણા, પંડિત બનાવ્યો ! એના આગળના જીવનને ભૂસી નાખી, ચાર માણસમાં પંકાતે કર્યો, તેને બદલે આ! ગુરુજી, આવા કપાતરને આગળ આણવામાં, અરે શાસ્ત્રની ગભિત વાતે બતાવવામાં આપે જરૂર ઉતાવળ કરી છે. આ તો આપણું જૈનશાસન માટે અંગાર પાક્યા જેવો છે.
શેઠની વાતને પુષ્ટિ આપતાં મુનિ ક્રિયારૂચી બોલ્યા
મહારાજ સાહેબ, વાત બહુ વધી પડી છે. પૂર્વે એ ગોચરી લઈ મોડા આવતા ત્યારે મેં આપનું ધ્યાન ખેંચ્યું હતું. પણ આપે એની જ્ઞાનસનમાં પ્રગતિ જોઈ એ તરફ આંખ આડા કાન કર્યા. મારા જેવાને સમજીને ક્રિયા કરવાની શિખામણ આપતા અને એના દેખતાં જ્ઞાનનો મહિમા ગાતા, ક્રિયાને જ્ઞાનની દાસીરૂપે વર્ણવતા–“ પ્રથમ જ્ઞાન અને પછી ક્રિયા ” રૂપ ટંકશાળી વચન યાદ આપતા. એ રીતે ક્રિયાને ઉતારી પાડી, જ્ઞાનને માથે ચઢાવી દીધું એનો નતીજો જે આવ્યા તે સામે જ છે. “ વકર્યો ઉંદર કેલ થાય ? અથવા તે “વટલી બ્રાહ્મણી તરકડી કરતાં ભૂંડી” એ જનવાયકા મુજબ આજે આપને એ વિદ્વાન અષાઢભૂતિ કેવા કરતૂત આચરે છે એ જુઓ. ગોચરી લેવા જઈએ ત્યારે નારગણુના મુખે એના જીવનની ડાબી બાજુ સાંભળી થાકી ગયા છીએ. રંભા તથા શચીના રૂપમાં અંધ બનેલા એ પાપીઠે પિતાની અર્ધગતિ નોતરી અને ઘેર નર્કમાં જવાના દલિયાં બાંધ્યા,
For Private And Personal Use Only
