Jaher Nivedan

Author(s): Unknown Moholalbhai
Publisher: Unknown Moholalbhai

Page 3

આપના તા-ર૯-૫-૭૭ના શનિવારના અંકમાં, “જૈનચર્ચા” ના મથાળા નીચે, આગામી સંવત્સરી સંબંધમાં, “જૈન”ના નામથી જાણીતા થયેલા મી. સાકરચંદ માણેકચંદ ઘડિયાળીએ કેટલીક હકીકતો અવળા સ્વરૂપમાં મૂકી, જૈન અને જૈનેતર જનતાને ઊંધે માર્ગે દોરવાનો પ્રયત્ન કર્યો છે. જનતાની જાણ માટે, સત્ય હકીકત દર્શાવનારું આ નિવેદન પ્રગટ કરવાની જરૂર પડી છે.
ચર્ચાના પ્રથમ ભાગમાં જણાવેલ વિગતો સંબંધમાં, મારી માહીતી ન હોવાને લઈને, મારે કંઈ કહેવાનું નથી. જામનગરમાં શેઠ શ્રી પોપટલાલ ધારશીભાઈના ઉજમણુ પ્રસંગે મુંબઈથી જામનગર ગયેલ શેઠ શ્રી નગીનદાસ કરમચંદ તથા શેઠ શ્રી જીવતલાલ પ્રતાપસીએ, પૂજ્ય આચાર્ય શ્રી સાગરાનંદસૂરીશ્વરજી તથા પૂજ્ય આચાર્ય શ્રી વિજયનેમિસૂરીશ્વરજી સાથે કરેલ વાતચીતથી આ મારા નિવેદનની શરૂઆત થાય છે. વાટાઘાટને પ્રારંભ:
ચાલુ વર્ષના ચિત્ર વદમાં શેઠ નગીનદાસ જામનગર ગયેલા. ત્યાં શેઠ શ્રી નગીનદાસે પૂજ્ય શ્રી સાગરાનંદસૂરિજીને સંવત્સરી સંબંધમાં ઉભા થયેલા મતભેદનું કાંઈક નિરાકરણ લાવવા વિનંતી કરી, અને પૂજ્ય સાગરાનંદસૂરિજીએ તરત જ તેની હા પાડી. ત્યારબાદ શેઠ શ્રી જીવતલાલ વૈશાખ સુદમાં જામનગર ગયા અને તેમણે પણ પૂજ્ય શ્રી સાગરાનંદસૂરિજીને આ સંબંધમાં વાતચીત કરી. અને તે વખતે શ્રી સાગરાનંદસૂરિજીએ ચર્ચા કરી સત્ય નિર્ણય પર આવવા મરજી દેખાડી. આવા પ્રકારની ચર્ચા કરવાની તત્પરતા જણાવતાં પૂજ્ય શ્રી સાગરાનંદસૂરિજીએ તે વખતે જણાવ્યું હતું કે શ્રી વિજયનેમિસૂરીશ્વરજીએ ચાલુ વર્ષના પ્રારંભથી જ વિહાર કરવાની શરૂઆત કરીને, લગભગ ૪૦૦ ઉપરાંત માઈલને વિહાર કર્યો હોવાથી તેમજ તેઓશ્રીની વૃદ્ધ ઉમર વગેરે કારણેથી તેઓ દરરોજ લાંબે વિહાર ન કરી શકે, એટલા માટે તેઓશ્રીને પિતાની સાથે શાસ્ત્રાર્થના સ્થળે વિહાર કરીને પહોંચવાનો આગ્રહ નહીં કરે, પરંતુ શ્રી ઉદયસૂરિજીને અગર શ્રી નન્દનસરિઝને ગમે તેમ કરીને પિતાની સાથે લઈ આવવા જણાવ્યું હતું.
શેઠ શ્રી જીવતલાલની સાથેની વાતચીત દરમ્યાન પૂજ્ય શ્રી સાગરાનંદસૂરિજી મહારાજે ચર્ચા કરવાની તત્પરતા દેખાડતાં શેઠ જીવાભાઈ, શેઠ નગીનભાઈ તથા શેઠ ગિરધરલાલ છોટાલાલે રાતના સમયે, તે જ ઉપાશ્રયમાં ઉપરના ભાગમાં બિરાજતા પૂજ્ય શ્રી નેમિસૂરીશ્વરજી મહારાજ પાસે જઈ તેઓશ્રી નિદ્રિત થયેલ હતા એટલે તેઓશ્રીને જગાડયા, અને પૂજ્ય શ્રી સાગરાનંદસૂરિજી સાથે થયેલી વાતચીત તેમને જણાવી, તેથી પૂજ્ય શ્રી સાગરાનંદસૂરિજીને બોલાવ્યા.