Book Title: Gyanvimal Sazzay Sangraha
Author(s): Kirtida Shah, Abhay Doshi, Vinodchandra Ramanlal Shah
Publisher: Gyanvimal Bhaktiprakash Prakashan Samiti
View full book text
________________
જ્ઞાનવિમલ ભક્તિપ્રકાશના પ્રકાશન સમયે પ્રદ્યુમ્નસૂરિ મહારાજસાહેબે કવિ જ્ઞાનવિમલની સઝાય રચનાઓનો સંગ્રહ પણ પ્રગટ થવો જોઈએ એવી ભાવના વ્યક્ત કરેલી. વિનોદચંદ્રભાઈએ એ ઝીલી લીધી. તેઓએ માત્ર આર્થિક સહાય નહીં પરંતુ કવિ જ્ઞાનવિમલની કૃતિઓ એકત્રિત કરવામાં પણ ખૂબ જ રસ લીધો. કૃતિઓના સંપાદનનું કામ મને કરવા જણાવ્યું. “જ્ઞાનવિમલ ભક્તિપ્રકાશ અને ગુજરાતી સાહિત્યકોશ (મધ્યકાલીન)ને કારણે મને જ્ઞાનવિમલસૂરિની રચનાઓનો અભ્યાસ હતો તેથી આ સંપાદન શરૂ કર્યું. પરંતુ કોઈ ને કોઈ કારણસર એની ગતિ મંદ રહી. “જ્ઞાનવિમલ ભક્તિપ્રકાશ'ના પ્રકાશન સમયે મારા ગુરુ પ્રો. જયંત કોઠારી મારી મદદે હતા પરંતુ એમના જવાથી મારું કામ અઘરું બન્યું. હાથવગા હરતાફરતા જ્ઞાનકોશ વિના કરવું શું? વળી, જૈનધર્મની કેટલીક પરિભાષાથી પણ હું અજાણ. કૃતિ વંચાય ને શંકા પડે. તરત જ સાહેબ યાદ આવે. પરંતુ મન મક્કમ રાખી બહેન કામ કરો કામ બોલશે.” આ એમના વાક્યને સ્મરી સંપાદન કર્યું. મધ્યકાલીન સાહિત્યના અભ્યાસી અને મારા મિત્ર પ્રો. અભય દોશીને મેં આ સંપાદનમાં સાથે રહેવા વિનંતી કરી. એમનો જૈન ધર્મનો અભ્યાસ પણ અહીં ઉપયોગી બન્યો. શબ્દકોશમાં પણ એમણે સહાય કરી.
આ સંપાદનમાં અમારી સાથે રહેનાર વિનોદચંદ્રભાઈ શાહના અમે ઋણી રહીશું. એમના જૈનધર્મના ઊંડા અભ્યાસ અને જ્ઞાન પ્રત્યેની પ્રીતિનું અમે અનુભવેલું સુખદ સ્મરણ હંમેશ રહેશે.
આ સંગ્રહ આમ તો જૈનધર્મની સાંપ્રદાયિક રચનાઓનો છે. પરંતુ સાંપ્રદાયિકતાને વટી જતી કેટલીક અધ્યાત્મભાવની. ભક્તિરસની ને જ્ઞાનવૈરાગ્યની રચનાઓનો કાવ્યરસ કોઈપણ ભાવકને સ્પર્શી જાય તેવો
કીર્તિદા શાહ અભય દોશી
૧, “સ્વાશ્રય એ. ડી. સી. બેંક સ્ટફ સોસાયટી, સેટેલાઈટ, અમદાવાદ ૩૮૦૦૧૫
