Book Title: Gyanvimal Sazzay Sangraha
Author(s): Kirtida Shah, Abhay Doshi, Vinodchandra Ramanlal Shah
Publisher: Gyanvimal Bhaktiprakash Prakashan Samiti
View full book text
________________
તીવ્ર ક્ષયોપશમવાળા આગમ - પ્રકરણ ગ્રંથ અને તેના સૂત્ર અર્થને કંઠસ્થ કરી તેનો નિરંતર સ્વાધ્યાય કરે. મંદ ક્ષયોપશમી આત્મા હોય તો તેઓ મહાપુરુષોએ દેશી ગુજરાતી ભાષામાં રચિત સઝાયોનો પાઠ કરે, સ્વાધ્યાય કરે. પ્રસ્તુતમાં પૂ. જ્ઞાનવિમલસૂરીશ્વરજી મ. સાહેબે આપેલી સઝાયમાળાની વાત છે. આપણા જેવા મંદમતિવાળા આત્માઓ સઝાયોના સ્વાધ્યાયમાં લીન બની અપૂર્વ કર્મનિર્જરા કરી. સિદ્ધગતિને પ્રાપ્ત કરે તે જ આ ગ્રંથનું પ્રયોજન છે.
૫૦ ટકા સઝાયો ધર્મકથા સ્વરૂપે છે. બાકીની ૫૦ ટકા સઝાયો ઉપરોક્ત બાકીના ત્રણ અનુયોગ રૂપે છે. આપણે આપણી રુચિ પ્રમાણે સ્વાધ્યાય તપમાં તત્પર બનીએ એ જ આ ગ્રંથનો ઉદ્દેશ છે...ગુરુભગવંતોનો વાત્સલ્ય ભાવ છે.
પૂ. જ્ઞાનવિમલસૂરીશ્વરજી મ. સા. ની કૃતિઓ એકદમ સરળ અને સઝાય આદિ કાવ્ય સાહિત્ય વિપુલ પ્રમાણમાં ઉપલબ્ધ છે. જેને કંઠસ્થ કરવાથી આપણે પણ મૂડીદાર બની શકીએ તેમ છે.
આવા મહાન જ્ઞાનનિધિ જ્ઞાનથી જેમણે પોતાના જીવનને વિમલ બનાવ્યું છે. તેવા જ્ઞાનવિમલસૂરીશ્વરજી મ. સા.ની જીવન ઝરમર શબ્દાતીત છે. છતાંય બે શબ્દોમાં સમાવવાની ચેષ્ટા કરું છું.
ભિન્નમાલ નિવાસી માતા કનકાવતી...પિતા વાસવ શ્રેષ્ઠીના પુત્રરત્ન નાથુમલ્લજી આઠ વર્ષની કુમળી વયે પ. પૂ. ધીરવિમલણિ પાસે સંયમી બન્યા. મુનિ શ્રી નવિમલજી નામ ધારણ કરી જીવન સાર્થક કર્યું. દીક્ષા દિવસથી જ જ્ઞાન-ધ્યાનમાં પ્રગતિ કરી. અનેકવિધ કાવ્યોની નવ્ય રચના કરતા હતા. તેથી શીઘ્રકવિ’ સરસ્વતી પુત્ર' જેવા બિરુદને પ્રાપ્ત કરી. જિનશાસનની અપૂર્વ સેવા કરી છે. સહજ રીતે જ્ઞાનાનંદી હોવાથી આચાર્ય પદ પ્રદાન દિને તેઓશ્રી નામથી જ્ઞાનવિમલસૂરિ’ તરીકે અલંકૃત
થયા.
દેશી ભાષા - ગુજરાતીભાષાની રચનામાં પૂ. જ્ઞાન વિમલસૂરીશ્વરજી મ. સા.નું નામ અતિ પ્રસિદ્ધ છે. આજના ભક્તિપ્રધાન યુગમાં તેઓશ્રીની સમસ્ત કૃતિઓનો સંગ્રહ ગ્રંથારૂઢ બને તે આવશ્યક છે. તેથી જ આ વર્તમાન ગ્રંથના પ્રકાશન પૂર્વે પૂજ્યશ્રી દ્વારા રચિત - ચૈત્યવંદન, સ્તુતિ અને સ્તવનનો સંગ્રહ રૂપે ‘જ્ઞાનવિમલ ભક્તિપ્રકાશ' નામે દળદાર ગ્રંથ પ્રસિદ્ધ થઈ ચૂક્યો છે. હવે બાકી રહેલ સઝાયોના સંગ્રહ રૂપે ગ્રંથ પ્રકાશિત
१६
