Dighnikayo Part 1

Author(s): Vipassana Research Institute Igatpuri
Publisher: Vipassana Research Institute Igatpuri

Page 292

(१.१२.५१२-५१३)
१२. लोहिच्चसुत्तं
२०९
होति, अहितानुकम्पिस्स सपत्तकं चित्तं पच्चुपट्टितं होति, सपत्तके चित्ते पच्चुपट्टिते मिच्छादिठ्ठि होति । मिच्छादिट्ठिस्स खो अहं. लोहिच्च, द्विन्नं गतीनं अञतरं गतिं वदामि - निरयं वा तिरच्छानयोनि वा।
५१२. “इति किर, लोहिच्च, यो एवं वदेय्य - “राजा पसेनदि कोसलो कासिकोसलं अज्झावसति; या कासिकोसले समुदयसञ्जाति, राजाव तं पसेनदि कोसलो एकको परिभुजेय्य, न अक्षेसं ददेय्या'ति । एवंवादी सो ये राजानं पसेनदि कोसलं उपजीवन्ति तुम्हे चेव अञ्चे च, तेसं अन्तरायकरो होति । अन्तरायकरो समानो अहितानुकम्पी होति, अहितानुकम्पिस्स सपत्तकं चित्तं पच्चुपट्टितं होति, सपत्तके चित्ते पच्युपट्टिते मिच्छादिठ्ठि होति । एवमेव खो, लोहिच्च, यो एवं वदेय्य - "इध समणो वा ब्राह्मणो वा कुसलं धम्मं अधिगच्छेय्य, कुसलं धम्मं अधिगन्त्वा न परस्स आरोचेय्य, किहि परो परस्स करिस्सति । सेय्यथापि नाम...पे०... किहि परो परस्स करिस्सती"ति, एवं वादी सो ये ते कुलपुत्ता तथागतप्पवेदितं धम्मविनयं आगम्म एवरूपं उळारं विसेसं अधिगच्छन्ति, सोतापत्तिफलम्पि सच्छिकरोन्ति, सकदागामिफलम्पि सच्छिकरोन्ति, अनागामिफलम्पि सच्छिकरोन्ति, अरहत्तम्पि सच्छिकरोन्ति । ये चिमे दिब्बा गब्भा परिपाचेन्ति दिब्बानं भवानं अभिनिब्बत्तिया, तेसं अन्तरायकरो होति, अन्तरायकरो समानो अहितानुकम्पी होति, अहितानुकम्पिस्स सपत्तकं चित्तं पच्चुपट्टितं होति, सपत्तके चित्ते पच्चुपट्टिते मिच्छादिठ्ठि होति । मिच्छादिट्ठिस्स खो अहं, लोहिच्च, द्विन्नं गतीनं अञतरं गतिं वदामि - निरयं वा तिरच्छानयोनिं वा ।
तयो चोदनारहा
५१३. “तयो खोमे, लोहिच्च, सत्थारो, ये लोके चोदनारहा; यो च पनेवरूपे सत्थारो चोदेति, सा चोदना भूता तच्छा धम्मिका अनवज्जा। कतमे तयो ? इध, लोहिच्च, एकच्चो सत्था यस्सत्थाय अगारस्मा अनगारियं पब्बजितो होति, स्वास्स सामञ्जत्थो अननुप्पत्तो होति । सो तं सामञ्जत्थं अननुपापुणित्वा सावकानं धम्मं देसेति - "इदं वो हिताय इदं वो सुखाया'ति । तस्स सावका न सुस्सूसन्ति, न सोतं ओदहन्ति, न अञा चित्तं उपट्ठपेन्ति, वोक्कम्म च सत्थुसासना वत्तन्ति । सो एवमस्स चोदेतब्बो - “आयस्मा खो यस्सत्थाय अगारस्पा अनगारियं पब्बजितो, सो ते सामञ्जत्थो अननुप्पत्तो, तं त्वं सामञ्जत्थं अननुपापुणित्वा सावकानं धम्मं देसेसि - ‘इदं वो हिताय इदं वो
209