Atmanand Prakash Pustak 102 Ank 02

Author(s): Pramodkant K Shah
Publisher: Jain Atmanand Sabha Bhavnagar

Page 9

નવેમ્બર - ૨૦૦૫
શ્રધ્ધા અને આસ્થાનું પરમ તીર્થધામ શ્રી ઘંટાકર્ણ દાદાનું સ્થાનક : મહુહી
ગુજરાતમાં ગાંધીનગર પાસે આવેલું વિજાપુર તાલુકાનું મહુડી તીર્થધામ તો દેશ-પરદેશના લોકો માટે શ્રધ્ધાનું ધામ બની ગયું છે. આમ તો તીર્થની ઓળખ જૈન ધર્મના તીર્થ તરીકે આપવામાં આવે છે. પરંતુ અહી તો દાદા ઘંટાકર્ણવીરના દર્શન માટે દરેક કોમના ભાવિક ભક્તો આવે છે. અને શ્રધ્ધાપૂર્વક દાદા ઘંટાકર્ણ વીરના દર્શન કરી, સુખડીનો પ્રસાદ ધરાવી, દાદાની કૃપાથી પોતાની મનોકામના પૂર્ણ કરે છે.
આમ તો જૈનશાસનના ધર્મ સંરક્ષક એવા બાવન વીર પૈકીના ત્રીસમા વીર તરીકે જાણીતા દાદા ઘંટાકર્ણ વીર લોકકલ્યાણના દેવ છે.
મહુડીનું આ એક માત્ર જૈન તીર્થ છે જયાં સુખડીનો નૈવેધ ધરાવવામાં આવે છે. અને નૈવેદ્યના પ્રસાદની વિશિષ્ટતા એ છે કે અહીનો પ્રસાદ મંદિરના આંગણની બહાર લઇ જવામાં આવતો નથી. અને એ માટે એવી માન્યતા છે કે જો પ્રસાદ બહાર લઇ જવામાં આવે તો એના ઉપર અણધારી આફત ઉતરે છે. આ ભય પણ પ્રસાદ બહાર ન લઇ જવાનું કારણ છે. અને આપણા સંત કવિ તુલસીદાસે કહ્યું છે કે “ભય બીન પ્રીત ન હોઇ ગોસાઇ’’. પરંતુ મહત્વનની બાબત એ છે કે આ શુધ્ધ ઘીની સુખડીના પ્રસાદનો લાભ ત્યાં
ઉપસ્થિત ભાવિકો અને સ્થાનિક લોકોને મળે છે.
આ ધર્મસ્થાનની વિશેષતા છે કે આ જૈન તીર્થધામ કહેવાતુ હોવા છતાં અહી જૈન સિવાયના અન્ય ધર્મના લોકો વિશેષ પ્રમાણમાં આવે છે. એમ કહેવાય છે કે, દરરોજ લગભગ 9000 રૂપિયાની સુખડીનું અહી નૈવેધ ચડે છે. અને એમાંય રવિવારે તો ૨૫ થી ૩૦ હજારની સુખડી શ્રધ્ધાળુ ભક્તો દાદા ઘંટાકર્ણ વીરને નૈવેદ્યરૂપે ધરાવે છે.
આ મંદિરના આરાધ્યદેવ ઘંટાકર્ણ વીર માટે
७
શ્રી આત્માનંદ પ્રકાશ: વર્ષ: ૫, અંક ઃ ૨
ચશવંત કડીકર
એવી એક દંતકથા પ્રવર્તે છે કે સદીઓ પહેલા આ આખાય વિસ્તારમાં જંગલી પ્રાણીઓ અને લૂંટારૂઓની ખુબ જ હેરાનગતિ હતી. તે સમયે તુંગભદ્ર નામે એક રાજા થઇ ગયા. આ રાજાનો પહેરવેશ સશસ્ત્ર યોધ્ધાનો હતો. ધનુષ્ય બાણથી સજ્જ આ રાજવી સાધુ, સંતો, સ્ત્રીઓ અને યાત્રાળુઓને રક્ષણ આપતા. તેઓને સુખડી ખૂબ પ્રિય હતી. તેઓ ચ્યવીને ઘંટાકર્ણ મહાવીર દેવ નામે દેવભૂમિમાં સમકિતી દેવ થયા. બીજી પણ એક એવી કિંવદન્તી છે કે મહાન તપસ્વી આચાર્ય ભગવંત શ્રી બુદ્ધિસાગર મહારાજશ્રીએ ઉગ્ર તપસ્યા આદરી હતી. આ સાધના દરમિયાન તેમણે શ્રી ઘંટાકર્ણ મહાવીરના પ્રત્યક્ષ દર્શન કર્યા. તેઓએ જે શરીરધારી ઘંટાકર્ણ મહાવીરનું દર્શન કર્યું તેનું સુરેખ ચિત્ર દોર્યુ અને ચિત્ર ઉપરથી અમુક ચોક્કસ મુહૂર્ત દરમિયાન આરસની પ્રતિમા ઘડવા શિલ્પીને જણાવ્યું પરંતુ મૂળચંદ મિસ્ત્રી નામના આ કારીગરે તે સમયે આરસનો તે પ્રકારનો પથ્થર ઉપલબ્ધ નહી હોવાનું જણાવતાં શ્રી બુધ્ધિસાગરસુરીજી મહારાજે ખારાપાટના પથ્થરમાંથી પ્રતિમા બનાવરાવીને
પ્રતિષ્ઠાનું મુહૂર્ત સાચવી લીધું. આ પ્રતિમાની પ્રતિષ્ઠા વખતે મંત્ર અંકિત કરેલા એક ઘંટની પણ સ્થાપના કરાઇ હતી. કેટલાક મંદિરોમાં જેમ પાપ - પુણ્યની બારીઓ હોય છે તેવી જ રીતે તેવા પ્રકારનો અહી એક ઘંટ છે. અત્યંત સાંકડા પગથિયાવાળી સીડી આ ઘંટને સાંકળી રહી છે. આ ઘંટ વગાડનાર નસીબદાર છે તેવું માનવામાં આવે છે.
આ મહુડીના ઘંટાકર્ણ વીર દાદાની બીજી એક વિશેષતા છે. અન્ય જૈન મંદિરોમાં હોય તેવી આ મૂર્તિ આરસની નહી પણ ખારાપાટની પથ્થરની બનેલી છે. ખારાપાટના પથ્થરને પૂજાથી ઘસારો પહોચતો હોઇ વર્ષમાં માત્ર એક જ દિવસ કાળીચૌદસે પ્રક્ષાલ અને કેસરચંદન