Agam 13 Upang 02 Rajprashniya Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 9

¶¶¶¶¶¶¶¶¶¶¶¶¶】
सिरि उसहदेवसामिस्स णमो । सिरि गोडी - जिराउला - सव्वोदयपासणाहाणं णमो। नमोऽत्थुणं समणस्स भगवओ महइमहावीरवद्धमाणसामिस्स । सिरि गोयम - सोहम्माइ सव्व गणहराणं णमो । सिरि सुगुरु देवाणं णमो ।
श्रीराजप्रश्नीयोपांगम् । 5 तेणं कालेणं तेणं समएणं आमलकप्पा नाम नय होत्था रिद्धत्थिमियसमिद्धा जाव पासादीया दरिसणिज्जा अभिरुवा पडिरूवा । १ । तीसे णं आमलकप्पाए नयरीए बहिया उत्तरपुच्छिमे दिसीभाए अंबसालवणे नामं चेइए होत्था, पोरणे जाव पडिरूवे |२| असोयवरपायवपुढवीसिलावट्टयवत्तव्वया उववातियगमेणं नेया । ३। सेओ राया धारिणी देवी सामी समोसढे परिसा निग्गया जावया पज्जुवास |४| तेणं काले० सूरियाभे देवे सोहम्मे कप्पे सूरियाभे विमाणे सभाए सुहम्माए सूरियाभंसि सिंहासणंसि चउहिं सामाणियसाहस्सीहिं चहिं अग्गमहिसीहिं चउहिं अग्गमहिंसीहिं सपरिवाराहिं तीहिं परिसाहिं सत्तहिं अणियेहिं सत्तहिं अणियाहिवईहिं सोलसहिं आयरक्खदेवसाहस्सीहिं अन्नेहि य बहूहिं सूरियाभविमाणवासीहिं वेमाणिएहिं देवेहिं देवीहिं य सद्धिं संपरिवुडे मयाऽऽह्यनट्टगरयवाइयतंतीतलतालतुडियघणमुइंगपडुप्पवादियरवेणं दिव्वाई भोगभोगाई भुंजमाणे विहरति, इमं चणं केवलकप्पं जंबूदीवं दीवं विउलेणं ओहिणा आभोएमाणे २ पासति, तत्थ समणं भगवं महावीरं जंबूदीवे दीवे भारहे वासे आमलकप्पाए नए बहिया अंबसालवणे चेइए अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे पासति त्ता हट्टतुट्ठचित्तमाणंदिए दिए पीइमणे परमसोमणस्सिए हरिसवसविसप्पमाणहियए विकसियवरकमलणयणे पयलियवरकडगतुडियकेउरमउडकुंडलहारविरायंतरइयवच्छे पालंबपलंपमाणघोलंतभूसणधरे ससंभमं तुरियं चवलं सुरवरे जाव सीहासणाओ अब्भुट्ठेइ त्ता पायपीडाओ पच्चोरूहति त्ता एगसाडियं उत्तरासंगं करेति त्ता सत्तट्ठ पयाइं तित्थयरामिमुहं अणुगच्छति त्ता वामं जाणुं अचेति तादाहिणं जाणं धरणतलंवि णिहट्ट तिक्खुत्तो मुद्धारं धरणितलंसि णिवेसेइ त्ता ईसिं पच्चुन्नमइ त्ता करतलपरिग्गहियं दसणहं सिरसावत्तं मत्थए अंजलि कट्टु एवं वo - णमोत्थु णं अरिहंताणं भगवंताणं आदिगराणं तित्थगराणं सयंसंबुद्धाणं पुरिसोत्तमाणं पुरिससीहाणं पुरिसवरपुंडरीयाणं पुरिसवरगंधहत्थीणं लोगुत्तमाणं लोगनाहाणं लोगहिआणं लोगपईवाणं लोगपज्जोयगराणं अभयदयाणं चक्खुदयाणं मग्गदयाणं जीवदयाणं सरणदयाणं बोह्रिदयाणं धम्मदयाणं धम्मदेसयाणं धम्मनायगाणं धम्मसारहीणं धम्मवरचाउरंतचक्कवट्टीणं अप्पडियवरनाणदंसणधराणं वियट्टच्छउमाणं जिणाणं जावयाणं तिण्णाणं तारयाणं बुद्धाणं बयाणं मुत्ताणं मोयगाणं सव्वन्नूणं सव्वदरसीणं सिवमयलमरूयमणंतमक्खयमव्वाबाहमपुणरावत्तिं सिद्धिगइनामधेयं ठाणं संपत्ताणं, नमोऽत्यु णं समणस्स भगवओ महावीरस्स जाव संपाविउकामस्स, वंदामि णं भगवन्तं तत्थ गये इह गते पासइ (प्र० उ) मे भगवं तत्थ गते इह गतंतिकट्टु वंदति णमंसति त्ता सीहासणवरगए पुव्वाभिमुहं सण्णिसण्णे |५| तए णं तस्स सूरियाभस्स इमे एतारूवे अब्भत्थिते चिंतिते पत्थिते मणोगते संकप्पे समुप्पज्जित्था एवं खलु समणे भगवं महावीरे जंबुद्दीवे दीवे भारहे वासे आमलकप्पाणयरीए बहिया अंबसालवणे चेइए अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरति तं महाफलं खलु तहारूवाणं अरहंताणं भगवंताणं णामगोस्सवि सवणयाए किमंग पुण अहिगमणवंदणणमंसणपडिपुच्छणपज्जुवासणयाए ?, एगस्सवि आयरियस्स धम्मियस्स सुवणस्स सवणयाए ?, किमंग पुण विउलस्स अट्ठस्स गहणयाए ?, तं गच्छामि णं समणं भगवं महावीरं वंदामि णमंसामि सक्कारेमि सम्माणेमि कल्लाणं मंगलं चेतियं देवयं पज्जुवासामि, एयं मे पेच्चा हियाए सुहाए खमाए णिस्सयसाए आणुगामियत्ताए भविस्सति (प्र० तं सेयं खलु मे समणं भगवं महावीरं वंदित्तए नमंसित्तए सक्कारित्तए सम्माणित्तए पज्जुवासित्तए) त्तिकट्टु एवं संपेहेइ ता आभिओगिये देवे सद्दावेइ त्ता एवं व० - १६ । एवं खलु देवाणुप्पिया ! समणे भगवं महावीरे जंबुद्दीवे दीवे भारहे वासे आमलकप्पाए नयरीए बहिया अंबसालवणे चेइए अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे विहरइ, तं गच्छह णं तुमे देवाप्पिया ! जंबुद्दीवे दीवे भारहे वासे आमलकप्प णयरि अंबसालवणं चेइयं समणं भगवं महावीरं तिक्खुत्तो आयाहिणपयाहिणं तरेह त्ता वंदह णमंसह त्ता साई सौ४न्य :- मातुश्री लिलजाई हंसरा४ परिवार गाम नवावांस प्रेरणा :- जीडेशहुमार (राया )
(१३)
श्री आगमगुणमंजूषा - ८०५ ०