Agam 13 Upang 02 Rajprashniya Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 22

[१४]
(१३) रायपसेणियं [ (२) उवंगसुतं ] ॐॐॐॐॐॐॐ सीहासणाई पउमासणाइं दिसासोवत्थियासणाई सव्वरयणामयाइं अच्छाई जाव पडिरूवाइं, तेसु णं वणसंडेसु तत्थ २ तहिं २ देसे २ बहवे आलियघरगा मालियघरगा कयलिघरगा लयाघरगा अच्छणघरगा पिच्छणघरगा मंडणघरगा पसाहणघरगा गब्भघरगा मोहणघरगा सालघरगा जालघरगा चित्तघरगा कुसुमघरगा गंधव्वघरगा आयंसघरगा सव्वरयणामया अच्छा जाव पडिरूवा, तेसु णं आलियघरगेसु जाव आयंसघरगेसु बहूइं हंसासणाई जाव दिसासोवत्थिआसणारं सव्वरयणामयाई जाव पडिरूवाइं, तेसु णं वणसंडेसु तत्थ २ देसे २ तहिं २ बहवे जातिमंडवगा जूहियमंडवगा णवमालियमंडवगा वासंतियमंडवगा सूरमल्लियमंडवगा दहिवासुयमंडवगा तंबोलिमंडवगा मुद्दियामंडवगा णागलयामंडवगा अतिमुत्तयलयामंडवगा आप्फोवगा९, मालुयामंडवगा अच्छा सव्वरयणामया जाव पडिरूवा, तेसु णं जालिमंडवएसु जाव मालुयामंडवसु बहवे पुढवीसिलापट्टगा हंसासणसंठिया जाव दिसासोवत्थियासणसंठिया अण्णे य बहवे मंसलघुविसिट्ठसंठाणसंठिया पुढवीसिलापट्टगा पं० समणाउओ ! आइणगरूयबूरणवणीयतूलफासा सव्वरयणामया अच्छा जाव पडिरूवा, तत्थ णं बहवे वेमाणिया देवा य देवीओ य आसयंति सयंति चिट्ठति निसीयंति तुयट्टंति हसंति रमंति ललंति कीलंति किति मोहेंति पुरा पोराणाणं सुचिण्णाणं सुपडि (र) क्कंताणं सुभाणं कडाणं कम्माणं कल्लाणाणं कल्लाणं फलविवागं पच्चणुब्भवमाणा विहरंति । ३२ । तेसिं णं वणसंडाणं बहुमज्झदेसभाए पत्तेयं २ पासायवडंसगा पं०, ते णं पासायवडेंसगा पंचजोयणसयाई उड्ढउच्चत्तेणं अड्ढाइज्नाइं जोयणसयाई विक्खंभेणं अब्भुग्गयमूसियपहसियाइव तहेव बहुसमरमणिज्जभूमिभागो उल्लोओ सीहासणं सपरिवारं, तत्थ णं चत्तारि देवा महिडिढया जाव पलिओवमद्वितीया परिवसंति, तं० असोए सत्तपण्णे चंपए चूए, सूरियाभस्स णं देवविमाणस्स अंतो बहुसमरमणिज्जे भूमिभागे पं० तं० वणसंडविहूणे जाव बहवे वेमाणिया देवा य देवीओ य आसयंति जाव विहरंति, तस्स णं बहुसमरमणिज्जस्स भूमिभागस्स बहुमज्झदेसे एत्थ णं महेगे उवगारियालयणे पं० एगं जोयणसयसहस्सं आयामविक्खंभेणं तिण्णि जोयणसयसहस्साइं सोलस सहस्साइं दोण्णि य सत्तावीस जोयणसए तिन्नि य कोसे अट्ठावीसं च धणुसयं तेरस य अंगुलाई अर्द्धगुलं च किंचिविसेसूणं परिक्खेवेणं जोयणं बाहल्लेणं सव्वजंबूणयामए अच्छे जाव पडिरूवे । ३३ । से णं एगाए पउमवरवेइयाए एगेण य वणसंडेण य सव्वतो समंता संपरिक्खित्ते, साणं पउमवरवेइया अद्धजोयणं उड्ढउच्चत्तेणं पंचधणुसयाइं विक्खंभेणं उवकारियलेणसमा परिक्खेवेणं, तीसे णं पउमवरवेइयाए इमेयारूवे वण्णवासे बं० (तं० वयरामया णिम्मा रिट्ठामया पतिट्ठाणा वेरूलियामया खंभा सुवण्णरूप्पमया फलगा लोहियक्खमईओ सूईओ नाणामणिमया कडेवरा णाणामणिमया कडेवरसंघाडगा णाणामणिमया रूवा णाणामणिमया रूवसंघाडगा अंकामया पक्खबाहाओ जोइरसामया वंसा वंसकवेल्लुगा रइयामईओ पट्टियाओ जावई ओहाडणी वइरामया उवरिपुच्छणी सव्वरयणामई अच्छायणे पा०), सा णं पउमवरवेइया एगमेगेणं हेमजालेणं गवक्खजालेणं खिखिणीजालेणं घंटाजाले मुत्ताजालेणं मणिजालेणं कणगजालेणं रयणजालेणं पउमजालेणं सव्वतो समंता संपरिक्खित्ता, ते णं (दामा पा०) तवणिज्जलंबूसगा जाव चिट्ठति, तीसे णं पउमवरवेइयाए तत्थ २ देसे २ तहिं २ बहवे हयसंघाडा जाव उसभसंघाडा सव्वरयणामया अच्छा जाव पडिरूवा पासादीया जाव वीहीतो पंतीतो मिहुणाणि लयाओ, से केणट्टेणं भंते ! एवं वुच्चति पउमवरवेइया २ १, गोयमा ! परमवरवेइया णं तत्थ २ देसे २ तहिं २ वेइयासु वेइयाबाहासु य वेइयफलतेसु य वेइयपुडंतरेसु य खंभेसु खंभबाहासु खंभसीसेसु खंभपुडंतरेसु सुयीस सुयीमुखेस सूईफलएसु सूइपुडंतरेसु पक्खेसु पक्खबाहासु पक्खपेरंतेसु पक्खपुढंतरेसु बहुयाइं उप्पलाई पउमाई कुमुयाई णलिणातिं सुभगाई सोगंधियाई पुंडरीयाइं महापुंडरीयाणि सयवत्ताइं सहस्सवत्ताइं सव्वरयणामयाइं अच्छाई पडिरूवाई महया वासिकंच्छत्तसमाणाइं पं० समणाउसो ! से एएणं अट्ठेणं गोयमा ! एवं वुच्चइ - पउमवरवेइया २, पउमवरवेइया णं भंते! किं सासया असासया ?, गोयमा ! सिय सासया सिय असासया, से केणट्टेणं भंते ! एवं वुच्चइ - सिय सासया सिय असासया ?, गोयमा ! दव्वट्टयाए सासया वन्नपज्जवेहिं गंधपज्जवेहिं रसपज्जवेहिं फासपज्जवेहिं असासया, से णणं गोयमा ! एवं वुच्चति सिय सासया सिय असासया, पउमवरवेइया णं भंते! कालओ केवचिरं होइ ?, गोयमा ! ण कयावि णासी ण कयावि णत्थि न कयावि न भविस्सइ भुवि च हवइ य भविस्सइ य धुवा णिइया सासया अक्खया अव्वया अवट्ठिया णिच्चा पउमवरवेइया, से णं वणसंडे देसूणाई दो जोयणाई चक्कवालविक्खंभेणं TORA श्री आगमगुणमंजूषा ८१८