Agam 13 Upang 02 Rajprashniya Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 23

***££££££££**
55905959595 35 35 35 35
(१३) पर्व (२) उगत उवयारिलेणसमे परिक्खेवेणं, वणसंडवण्णतो भाणितव्वो जाव विहरंति, तस्स णं उवयारियालेणस्स चउदिसिं चत्तारि तिसोवाणपडिरूवगा पं० वण्णओ तोरणा झया छत्ताइच्छत्ता, तस्स णं उवयारियालयणस्स उवरिं बहुसमरमणिज्जे भूमिभागे पं० जाव मणीणं फासो | ३४ | तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महेंगे पासायवडेंसए पं०, से णं पासायवडिंसते पंच जोयणसयाई उड्ढउच्चत्तेणं अड्ढाइज्जाई जोयणसयाइं विक्खंभेणं अब्भग्गयमूसिय aणतो भूमिभागो उल्लोओ सीहासणं सपरिवारं भाणियव्वं, अट्ठट्ठमंगलगा झया छत्तातिच्छत्ता, त्ते णं मूलपासायवडेंसगे अण्णेहिं चउहिं पासायवडेंसएहिं तयद्धुच्चत्तप्पमाणमेत्तेहिं सव्वतो समंता संपरिक्खित्ते, ते णं पासायवडेसगा अड्ढाइज्जाई जोयणसयाई उड्ढउच्चत्तेणं पणवीसं जोयणसयं विक्खंभेणं जाव वण्णओ, ते णं पासावडिंसया अण्णेहिं चउहिं पासायवडिसएहिं तयद्धुच्चत्तप्पमाणमेत्तेहिं सव्वओ समंता संपरिक्खित्ता, ते णं पासायवडेंसया पणवीसं जोयणसयं उड्ढउच्चत्तेणं बावट्ठि जोयणाइं अद्धजोयणं च विक्खंभेणं अब्भुग्गयमूसिय वण्णओ भूमिभागे उल्लोओ सीहासणं सपरिवारं भाणियव्वं अट्ठट्ठमंगलगा झया छत्तातिच्छत्ता, ते णं पासायवडेंसगा अण्णेहिं चउहिं पासायवडेंसएहिं तदद्धुच्चत्तपमाणमेत्तहिं सव्वतो समंता संपरिक्खित्ता, ते णं पासायवडेंसगा बावट्ठि जोयणाई अद्धजोयणं च उड्द्धंउच्चत्तेणं एक्कतीसं जोयणाई कोसं च विक्खभेणं वण्णओ उल्लोओ सीहासणं सपरिवारं पासायउवरिं अट्ठट्ठमंगलगा झया छत्तातिच्छत्ता । ३५। तस्स णं मूलपासायवडेंसयस्स उत्तरपुरच्छिमेणं एत्थ णं सभा सुहम्मा पं० एवं जोयणासयं आयामेणं पण्णासं जोयणाई विक्खंभेणं बावत्तरिं जोयणाई उड्ढउच्चत्ते अणषगखंभसयसंनिविट्ठा अब्भुग्गयसुकयवयरवेड्यातोरणवररइयसालिभंजियागा जाव अच्छरगणसंघविप्पकिण्णा पासादीया०, सभाए णं सुहम्माए तिदिसिं तओ दारा पं० तं०-पुरच्छिमेणं दाहिणेणं उत्तरेणं, ते णं दारा सोलस जोयणाई उड्ढउच्चत्तेणं अट्ठ जोयणाइं विक्खंभेणं तावतियं चेव पवेसेणं सेया वरकणगथूभियागा जाव वणमालाओ, तेसिंणं दाराणं उवरिं अट्ठट्ठमंगलगा झया छत्ताइच्छत्ता, तेसिं णं दाराणं पुरओ पत्तेयं २ मुहमंडवा पं०, ते णं मुहमंडवा एगं जोयणसयं आयामेणं पणास जोयणाइठ विक्खंभेणं साइरेगाई सोलस जोयणाई उड्ढउच्चत्तेणं वण्णओ सभाए सरिसो, तेसिं णं मुहमंडवाणं तिदिसिं ततो दारा पं० तं० - पुरच्छिमेणं दाहिणेणं उत्तरेणं, ते णं दारा सोलस जोयणाई उड्ढउच्चत्तेणं अट्ठजोयणाइं विक्खंभेणं तावइयं चेव पवेसेणं सेया वरकणगथूभियागा जाव वणमालाओ, तेसिं णं मुहमंडवाणं भूमिभागा उल्लोया, तेसिं णं मुहमंडवाणं उवरिं अट्ठट्ठमंगलगा झया छत्ताइच्छत्ता, तेसिं णं मुहमंडवाणं पुरतो पत्तेयं २ पेच्छाघरमंडवे पं० मुहमंडववत्तव्वया जव दारा भूमिभागा उल्लोया, तेसिं णं बहुसमरमणिज्जाणं भूमिभागाणं बहुमज्झदेसभाए पत्तेयं २ वइरामए अक्खाडए पं०, तेसिं णं वयरामयाणं अक्खाडगाणं बहुमज्झदेसभागे पत्तेयं २ मणिपेढिया पं०, ताओ णं मणिपेढियातो अट्ठ जोयणाई आयामविक्खंभेणं चंत्तारि जोयणाई बाहल्लेणं सव्वमणिमईओ अच्छाओ जा पडिरूवाओ, तासि णं मणिपेढियाणं उवरिं पत्तेयं २ सीहासणे पं० सीहासणवण्णओ सपरिवारो, तेसिं णं पेच्छाघरमंडवाणं उवरि अट्ठट्ठमंगलगा झया छत्तातिच्छत्ता, तेसिं णं पेच्छाघरमंडवाणं पुरओ पत्तेयं २ मणिपेढियाओ पं० ताओ णं मणिपेढियातो सोलस जोयणाइं आयामविक्खंभेणं अट्ठ जोयणाई बाहल्लेणं सव्वमणिमईओ अच्छाओ पडिरूवाओ, तासिं णं उवरिं २ थूभे पं०, ते णं थूभा सोलस जोयणाई आयामविक्खंभेणं साइरेगाई सोलस जोयणाई उड्ढउच्चत्तेणं सेया संखंककुंददगरयअमयमहियफेणपुंजसंनिगासा सव्वरयणामया अच्छा जाव पडिरूवा, तेसिं णं थूभाणं उवरिं अट्ठट्ठमंगलगा झया छत्तातिच्छत्ता, तेसिं णं थूभाणं चउद्दिसिं पत्तेयं २ मणिपेढियातो पं०, ताओ णं मणिपेढियातो अट्ठजोयणाइं आयामविक्खंभेणं चत्तारि जोयणाई बाहल्लेणं सव्वमणिमईओ अच्छाओ जाव पडिरूवातो तेसिं णं मणिपेढियाणं उवरिं चत्तारिं जिणपडिमातो जिणुस्सेहपमाणमेत्ताओ संपलियंकनिसन्नाओं धूभाभिमुहीओ सन्निक्खित्ताओ चिट्ठति तं० उसभा वद्धमाणा चंदाणणा वारिसेणा, तेसिं पणं धूभाणं पुरतो पत्तेयं २ मणिपेढियातो पं०, ताओ णं मणिपेढियातो सोलस जोयणाई आयामविक्खंभेणं अट्ठ जोयणाई बाहल्लेणं सव्वमणिमईओ जाव पडिरूवातो, तासि णं मणिपेढियाणं उवरिं पत्तेयं २ चेइयरूक्खे पं०, ते णं चेइयरूक्खा अट्ठ जोयणाई उड्ढउच्चत्तेणं अद्धजोयणं उव्वेहेणं । जोयणाइं खंधा अद्धजोयणं विक्खंभेणं छ जोयणाइं विडिमा बहुमज्झदेसभाए अट्ठ जोयणाई आयामविक्खंभेणं साइरेगाई अट्ठ जोयणाई सव्वग्गेणं पं०, श्री आगमगुणमंजूषा - ८१९
ॐ
(१५)