Agam 13 Upang 02 Rajprashniya Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 10

GRO%%%%
%%%%
%
%
%
%
(१३) रायपसेणिय (२) उवंगसुत्तं]
रा
明明明明明明明明听听听听听听听
CO乐乐乐听听听听听听听听听听听听听听听听听听听听乐乐乐乐乐听听听听听听听听听听听听玩玩乐乐玩玩乐乐5CM
साइं नामगोयाई साहेहत्ता समणस्स भगवओ महावीरस्स सव्वओ समंता जोयणपरिमंडलं जंकिंचि तणं वा पत्तं वा कटुं वा सक्करं वा कयवरं वा असुइं अचोक्खं वा पूइअं दुब्भिगंध तं सव्वं आहुणिय आहुणिय एगंते एडेइ त्ता णच्चोदगं णाइमट्टियं पविरलपप्फुसिय॑ रयरेणुविणासणं दिव्वं सुरभिगंधोदयवासं वासइत्ता णिहयरयं णट्ठरयं भट्ठरयं उवसंतरयं पसंतरयं करेह त्ता जलथरयभासुरप्पभूयस्स बिटट्ठाइस्स दसद्धवण्णस्स कुसुमस्स जाणु (प्र० जण्णु) स्सेहपमाणमित्तं ओहिं वासं वासह त्ता कालागुरूपवरकुंदुरूक्कतुरूक्कधूवमघमघंतगंधुझ्याभिरामं सुगंधवरगंधियं दिव्वं सुरवराभिगमणजोग्गं करेह कारवेह त्ता य खिप्पामेव एयमाणत्तियं पच्चप्पिण्णह ७। तए णं ते आभियागिया देवा सूरियाभेणं देवेणं एवं वुत्ता समाणा हट्ठतुट्ठजावहियया करयलपरिग्गहियं सिरसावत्तं मत्थए अंजलिं कटु एवं देवो तहत्ति आणाए विणएणं वयणं पडिसुणंति त्ता उत्तरपुरच्छिमं दिसिभागं अवक्कमंति त्ता वेउव्वियसमुग्घाएणं समोहणंति त्ता संखेज्जाइं जोयणाइं दंडं निस्सरन्ति. नं०-रयणाणं
वयराणं वेरूलियाणं लोहियक्खाणं मसारगल्लाणं हंसगब्भाणं पुलगाणं (प्र० पुग्गलाणं) सोगंधियाणं जोइरसाणं अंजणपुलगाणं अंजणाणं रयणाणं जायरूवाणं ॐ अंकाणं फलिहाणं रिट्ठाणं० अहाबायरे पुग्गले परिसाडंति त्ता अहासुहुमे पुग्गले परियायंति त्ता दोच्चंपि वेउब्वियसमुग्घाएणं समोहणंति त्ता उत्तरवेउव्वियाई रूवाई
विउव्वंति त्ता ताए उक्किट्ठाए तुरियाए चवलाए चंडाए जयणाए सिग्याए उधुयाए दिव्वाए देवगईए तिरियमसंखेज्जाणं दीवसमुद्दाणं मज्झमज्झेणं वीइवयमाणे २ जेणेव जंबुद्दीवे दीवे जेणेव भारहे वासे जेणेव आमलकप्पा णयरी जेणेव अंबसालवणे चेतिए जेणेव समणे भगवं महावीरे तेणेव उवागच्छन्ति त्ता समणं भगवं तिक्खुत्तो आयाहिणपयाहिणं करेति त्ता वंदति नमसंति त्ता एवं व०-अम्हे णं भंते ! सूरियाभस्स देवस्स आभियोगिया देवा देवाणुप्पियं वंदामो णमंसामो सक्कारेमो सम्माणेमो कल्लाणं मंगलं देवयं चेइयं पज्जुवासामो।८। देवाइ ! समणे भगवं महावीरे ते देवा एवं व०-पोराणमेयं देवा ! जीयमेयं देवा ! किच्चमेयं देवा ! करणिज्जमेयं देवा ! आइन्नमेयं देवा ! अब्भणुण्णायमेयं देवा ! जण्णं भवणवइवाणमंतरजोइसियवेमाणिया देवा अरहते भगवंते वंदंति नमंसति त्ता तओ साइं २ णामगोयाई साधिति तं पोराणमेयं देवा ! जाव अब्भणुण्णायमेयं देवा ! ।९। तए णं ते आभिओगिया देवा समणेणं भगवया महावीरेणं एवं वुत्ता समाणा हट्ठजावहियया समणं भगवं० वंदंति णमंसंति त्ता उत्तरपुरच्छिमं दिसीभागं अवक्कमंति त्ता वेउव्वियसमुग्घाएणं समोहणंति त्ता संखेज्जाइं जोयणाई दंडं निस्सरंति तं०-रयणाणं जाव रिट्ठाणं० अहाबायरे पोग्गले परिसाडंति त्ता दोच्चंपि वेउब्वियसमुग्घाएणं समोहणंति त्ता संवट्टवाए विउव्वंति, से जहानामए भइयदारए सिया तरूणे जुगवं बलवं (जुवाणे प्र०) अप्पायंके थिरसंघयणे थिरग्गहत्थे पडिपुण्णपाणिपायपिटुंतरोरूपरिणए घणनिचियवट्टवलियखंधे चम्मेठ्ठगदुघणमुट्ठियसमाहयगत्ते उरस्सबलसमन्नागए तलजमलजुयल (फलिहनिभ पा०) बाहू लंघणपवणजइणपमद्दणसमत्थे छेए दक्खे पट्टे कुसले मेहावी णिउणसिप्पोवगए एगं महं दंडसंपुच्छणिं वा सलागाहत्थगं
वा वेणुसलाइयं वा गहाय रायंगणं वा रायंतेपुरं वा देवकुलं वा सभं वा पवं वा आरामं वा उज्जाणं वा अतुरियमचवलमसंभंते निरंतरं सुनिउणं सव्वतो समंता # संपमज्जेज्जा एवामेव तेऽवि सूरियाभस्स देवस्स आभिओगिया देवा संवट्टवाए विउव्वंति त्ता समणस्स भगवओ महावीरस्स सव्वतो समंता जोयणपरिमण्डलं जं
किंचि तणं वा पत्तं वा तहेव सव्वं आहुणिय २ एगते एडेति त्ता खिप्पामेव उवसमंति त्ता दोच्चंपि वेउब्वियसमुग्धाएणं समोहणन्ति त्ता अब्भवद्दलए विउव्वन्ति से जहाणामए भइगदारगे सिया तरूणे जाव सिप्पोवगए एगं महं दगवारगं वा दगथालगं वा दगकलसगं वा दगकुंभगं वा आरामं वा जाव पवं वा अतुरियं जाव सव्वतो' समंता आवरिसेज्जा एवामेव तेऽवि सूरियाभस्स देवस्स आभियोगिया देवा अब्भवद्दलए विउव्वंति त्ता खिप्पामेव पयणुतणायन्ति त्ता खिप्पामेव विज्जुयायंति त्ता समणस्स भगवओ महावीरस्स सव्वओ समंता जोयणपरिमंडलं णच्चोदगं णातिमट्टियं तं पविरलपप्फुसियं रयरेणुविणासणं दिव्वं सुरभिगंधोदगं वासं वासंति त्ता म णिहयरयं णट्ठरयं भट्टरयं उवसंतरयं पसंतरयं करेति त्ता खिप्पामेव उवसामंति त्ता तच्चपि वेउब्वियसमुग्घाएणं समोहणंति त्ता पुप्फवद्दलए विउव्वंति, से जहाणामए मालागारदारए सिया तरूणे जाव सिप्पोवगए एगं महं पुप्फ-(१४३) पडलगं वा पुप्फचंगेरियं वा पुप्फछज्जियं वा गहाय रायंगणं वा जाव सव्वतो समंता
कयग्गाहगहियकरयलपन्भट्ठविप्पमुक्केणं दसद्धवन्नेणं कुसुमेणं मुक्कपुप्फपुंजोवयारकलितं करेज्जा एवामेव ते सूरियाभस्स देवस्स आभिओगिया देवा पुप्फवद्दलए MOV5##555555555555 श्री आगमगुणमंजूषा - ८०६ # 5555555555555555546
MONC乐明明明明明乐乐听听听听听听听听听听听明乐历历明明劣乐明明明明明明明明明明明明明明明明听听听听乐23CM