Agam 11 Vivagsuyam Angsutt 11 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 23

१८
विवागसुयं - १/३/२२ पायच्छित्ते मोयणमंडवंसि तं विज्लं असणं पाणं खाइमं साइमं सुरं च जाव परिपुंजेमाणे विहरइ जिमियभुत्तुत्तरागए वि य णं समाणे आयते चोक्खे परमसुइमुए पंचर्हि चोरसएहिं सद्धिं अल्लं चम्म दुरुहइ दुरुहित्ता सण्णद्ध-बद्ध जाव पहरणेहिं मगइएहिं जाव उक्किहि-सीइनाय-बोल-कलकलरवेणं पञ्चावरण्हकालसमयंसि सालाडवीओ चोरपलीओ निग्गच्छइ निग्गच्छित्ता विसमदुग्गगहणं ठिए गहियभत्तपाणिए तं दंडं पडिवालेमाणे-पडियालेमाणे चिट्ठइ तएणं से दंडे जेणेव अपग्गसेणे चोरसेणावई तेणेव उवागच्छइ उवागच्छित्ता अभग्गसेणेणं चोरसेणावइणा सद्धि संपलगो यावि होत्या तएणं से अमागसेणे चोरसेणावई तंदंडं खिप्पामेव हय-पहिय-जाव पडिसेहेति तए णं से दंडे अभागसेणेणं चोरसेणावइणा हय जाव पडिसेहिए समाणे अथामे अबले अवीरिए अपुरिसक्कारपरक्कमे अधारणिमिति कटु जेणेव पुरिमताले नयरे जेणेव महळ्यले राया तेणेव उपागच्छइ उवागच्छिता करयल जाव एवं वयासी एवं खलु सामी अभागसेणे बोरसेणावई विसमदुग्गगहणं ठिए गहियमत्तपाणिए नो खलु से सक्का केणवि सुदहुएणवि आसबलेण या हस्थिबलेण वा जोहबलेण वा रहवलेण वा चाउरंगेणं पि सेण्णबलेणं उरंउरेणं गिहितए ताहे सारेण य भेएण य उवप्पयाणेण य विस्सम्ममाणेउं पयत्ते यावि होत्या च विउलेणं-धण-कणग-रयण-संतसार-सायएजेणं भिंदइ अभग्गसेणस्स य चोरसेणावइस्स अभिक्खणं-अभिक्खणं-महत्थाई महग्धाइं महरिहाईपरायारिहाईपाहुडाई पेसेइ अपग्गसेणं चोरसेणावई चीसम्ममाणेइ।१८-18
(२३) तए णं से महब्बले राया अण्णया कयाइ पुरिमताले नयरे एगमहं महइमहालियं कूडागारसालं कारेइ-अणेगर्खभसयसत्रिविढे पासाईयं दरिसणिनं अभिरूवं पडिरूवं तए णं से महब्बले राया अण्णया कयाइ पुरिमताले नयरे उस्सुक्कं उक्करं एवं जाव दसरत्तं पसोयं उग्धोसावेइ उग्धोसावेत्ता कोदुयियपुरिसे सद्दावेइ सद्दावेत्ता एवं वयासी-गच्छह णं तुमे देवाणुप्पिया सालाडवीए चोरपल्लीए तत्थ णं तुब्बे अभागसेणं चोरसेणावई करयल जाव एवं वयह-एवं खलु देवाणुप्पिया पुरिमताले नयरे महब्बलस्स रपणो उस्सुक्के जाव दसरते पमोए उग्धोसिए तं किं णं देवाणुप्पिया विउलं असणं पाणं खाइमं साइपं पुष्फ पत्थ-गंध-मालालंकारे य इहं हव्वमाणिजउ उदाहु सयमेव गच्छित्ता तए णं ते कोइंदियपुरिसा महब्बतस्स रण्णो करयल जाव पडिसुएंति पडिसुणेत्ता पुरिमतालाओ नयराओ पडिनिखमंति पडिनिक्खमित्ता नाइविकिट्टेहिं अद्धाणेहिं सुहेहि वसहिपायरासेहिं जेणेव सालाडवी चौरपल्ली तेणेव उवागच्छंति उवागच्छित्ता अभग्गसेण चोरसैणावइ करयल परिग्गहियं सिरसावत्तं मत्थए अंजलिं कट्ट एवं वयासी-एवं खलु देवाणुपपिया पुरिमताले नयरे महब्बलस्स रण्णो उस्सुक्के जाव दसरते पमोए उग्घोसिए तं किं णं देवाणुप्पिया विउलं असणं पाणं खाइमं साइपं पुष्फ-वत्य-गंध मल्लालंकारे य इहं हव्वमाणिजउ उदाहु सयमेव गछित्ता तए णं से अभग्गसेणे चोरसेणावई ते कोडुंबियपुरिसे एवं वयासी-अहं णं देवाणुप्पिया पुरिमतालं नयरं सयमेव गच्छामि ते कोडुंबियपुरिसे सक्कारेइ सम्माणेइ पडिविसज्जेइ तए णं अभग्गसेणे चोरसेणावई बहूहि मित्त जाव-परिवूडे पहाए जाव सव्वालंकारविभूसिए सालाडवीओ चोरपल्लीओ पडिनिक्खमइ पडिनिक्ख-मित्ता जेणेव पुरिमताले नयरे जेणेव महब्बले राया तेणेव उवागच्छइ उवागच्छित्ता करयल जाव महब्बलं रायं जएणं विजएणं वद्धावेइ वद्धावेत्ता महाधं महरिहं रायारिहं पाहुडं उवणेइ तए णं से महब्बले राया अमागसेणस्स चोरसेणावइस्स तं महत्यं [महग्धं महरिहं रायारिह] पाहुडं पडिच्छइ अभग्गसेणं चोरासैणादई सक्कारेइ सम्माणेइ विसजेइ