Book Title: Agam 08 Antkruddasha Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 8, અંગસૂત્ર 8 અંતકૃત-દશાંગ સૂત્ર વર્ગ-૪, અધ્યયન-૧ થી 10 સૂત્ર-૧૫ હે ભગવન! જો શ્રમણ ભગવંત મહાવીરે અંતકૃદ્દશા સૂત્રના ત્રીજા વર્ગનો આ અર્થ કહ્યો છે તો ભગવંત મહાવીરે ચોથાવર્ગનો શો અર્થ કહ્યો છે? હે જંબૂ! શ્રમણ યાવતુ સંપ્રાપ્ત ભગવંતે ચોથા વર્ગના દશ અધ્યયનો કહ્યા છે. તે આ છે - સૂત્ર-૧૬ જાલિ, મયાલિ, ઉવયાલિ, પુરુષસેન, વારિષણ, પ્રદ્યુમ્ન, શાંબ, અનિરુદ્ધ, સત્યનેમિ અને દઢનેમિ આ દશ 'કુમાર'ના દશ અધ્યયનો છે. સૂત્ર-૧૭ ભંતે ! શ્રમણ ભગવંતે ચોથા વર્ગના દશ અધ્યયનો કહ્યા છે, તો પહેલા અધ્યયનનો શો અર્થ કહ્યો છે? જંબૂ! તે કાળે તે સમયે દ્વારવતી નગરી હતી. પ્રથમ વર્ગમાં કહ્યા મુજબ, તેમાં કૃષ્ણ વાસુદેવ રાજ્ય શાસના કરતા યાવત્ ત્યાં વિચરતા હતા. તે દ્વારવતીમાં વસુદેવ રાજા પણ હતા, તેની પત્ની ધારિણી રાણી હતા. ગૌતમકુમાર જેવો જાલિકુમાર નામે પુત્ર હતો, તેના 50 રાજકન્યાઓ સાથે લગ્ન કરવામાં આવ્યા. તેને 50-50 દાયજામાં અપાઈ. તેણે અરહંત અરિષ્ટનેમિ પાસે દીક્ષા લીધી. બાર અંગનું અધ્યયન કર્યું. તેણે૧૬-વર્ષના દીક્ષા પર્યાયનું પાલન કર્યું, બાકી બધું ગૌતમકુમારવત્ જાણવુંયાવત્ શત્રુંજય પર્વતે તે સિદ્ધિપદને પામ્યા. આ પ્રમાણે મયાલિ, ઉવયાલિ, પુરુષસેન, વારિષણને જાણવા. એ રીતે પ્રદ્યુમ્ન પણ છે, માત્ર તેના પિતા કૃષ્ણ અને માતા રુકિમણી છે. એ રીતે શાંબ પણ છે, માત્ર તેના પિતા કૃષ્ણ અનેમાતા જાંબવતી છે એ રીતે અનિરુદ્ધ પણ છે. માત્ર તેના પિતા પ્રદ્યુમ્ન અને માતા વૈદર્ભી છે. એ રીતે સત્યનેમિ અને દઢનેમિ પણ જાણવા. પરંતુ તેના પિતા સમુદ્ર વિજય અને માતા શિવા છે. આ બધા અધ્યયનો એક આલાવાવાળા છે. આ પ્રમાણે હે જંબૂ! શ્રમણ ભગવંતે અંતકદ્દશાના ચોથા વર્ગના દશે અધ્યયનોનો આ અર્થ કહ્યો છે. આ વર્ગ-૪ નો મુનિ દીપરત્નસાગરે કરેલ ગુજરાતી અનુવાદ પૂર્ણ | મુનિ દીપરત્નસાગર કૃત “(અંતકૃત્ દશા)” આગમસૂત્ર ભાવાનુવાદ Page 17
